Pe léi ajúno rehegua: Peteĩ responsabilida personal oñeñangareko hağua imboriahu ha oikotevẽvare

Che hermanokuéra ojehayhuetéva, che ahayhu pe sacerdocio ha avy’a aime haguére penendive. Che aguijeterei ikatu haguére jaservi oñondivepa ko tuicha tembiapópe.

Kóva ha’e peteĩ ára hechapyrãva. Tenondepuku milagróso oĩva medicina, ciencia, ha tecnología-pe omoĩporãvékuri heta tapicha rekove; ha katu avei jahecha oĩha jehasa’asy ha tuicha yvypóra jepy’apy . Umi ñorairõguasu ha umi ñorairõguasu rerakuã, hetavéva mi desastre natural, pe amapuku, jehapyvai, yvyryrýi ha umi mba’asy, omoĩvai hína hetaiterei tapicha rekove opa yvy’ape ári.

Tupaogua liderkuéra oikuaa ha oñangareko Tupã ra’ykuéra opa hendárupi. Ikatu jave ha ikatuhápe, pe Tupao omondo recurso de emergencia umi canal humanitário rupive ombohovái haĝua umi oikotevẽvape. Péicha jahecha, pe noviembre ohasávape, Tifón Haiyan ombotákuri pe tetã islagua Filipinas.

Pe super tifón Haiyan, categoría cinco, oheja hapépe tuicha ñehundi ha jehasa’asy. Táva tuichakue oñehundipa; heta tekove oñehundi; hetaiterei óga oñembyaipa térã itapere ha oreko’ỹre umi servicio básico ha’éva agua, alcantarillado ha electricidad.

Oñemoĩkuri ojeporu hağua umi recurso Tupaogua oñepyrũmby riremi pe mba’evai. Tupaogua miembro Filipinas-gua pya’e osẽkuri oipytyvõ hağua iñermáno ha hermanakuérape ome’ẽvo tembi’u, ao ha umi mba’e oñemopotĩ hağua hikuái, umi miembro ha umi ha’e’ỹvape miembro.

Umi tupaogua centro de reuniones-gui oiko tenda oñemo’ã haĝua hetaiterei tapicha hoga’ỹvape. Presidencia Area gua liderkuéra sambyhy guýpe ha umi líder sacerdocio gua, heta umíva apytépe ohundipaiteva’ekue avei pe orekóva, ojejapo peteĩ jehecha opa miembrokuéra ñeime ha ñemo’ã rehegua. Umi plan inspirádova oñepytyvõ haĝua chupekuéra oñangarekuaa jey hağua ijehe ha hekove porã jey haĝua, oñepyrũ ojekuaa.

Oñeme’ẽ heta mba’e hepy’ỹva oñepytyvõ hağua Tuapogua miembro-pe omopu’ãjey hağua hendaĝua ha hogarãkuéra yvyrágui. Péva ndaha’ékuri peteĩ ñeme’ẽ michĩmínte; ha katu ouérape oñehekomb’ékuri ha ojapo hikuái umi mba’apo tekotevẽva ijupekuéra ğuarã ha upéi ambuévape ğuarã.

Peteĩ jehovasa pévagui oúva ha’e, umi miembro ohupyty katupyry carpintería, plomería, ha ambue mba’épe óga ñemopu’ãrã, ome’ẽva chupekuéra tuicha araporã omba’apo hağua oñepyrũramo guare umi táva upérupigua ñemopu’ãjey.

Pe imboriahúva ha oikotevẽvare ñañankareko ha’e peteĩ doctrina oñekovẽva pe Evangelio doctrina-pe, ha peteĩ tembiporu oĩva’erã pe plan eternoSalvasiõ reheguápe.

Iministério terrenal mboyve, Jehová he’íkuri, Iprofeta rupive: “Ndopamo’ãigui umi imboriahúva ko yvy apyte’ári; upévare che ajapouka ndéve, ha’évo: Ndepojeráta nde rapicha ndive, pe imboriahúva ha pe neretãme oikotevẽva ndive.” ¹.

Ko ñande árape, imboriahúva ha oikotevẽvare ñeñangareko ha’e peteĩ umi cuatro responsabilidad Tupao marangatúpe ojehechaukáva oñepytyvõ hağua tapicha ha familiakuérape ojapo haĝua oikotevẽva ohupyty haĝua pe exaltasiõ”²

Imboriahúva ha oikotevẽvare ñeñangarekópe oike pe salvasiõ temporal ha espiritual. Oike avei Tupaogua miembro servicio umi ha’ekueraite oñangarekóramo imboriahu ha oikotevẽvare, ha pe Tupaogua Plan de Bienestar avei, oñesambyhýva sacerdocio autorida rupive.

Peléi ajúno rehegua tekotevẽ Ñandejára plan-pe oñeñangareko hağua imboriahúva ha oikotevẽvare. “Ñandejára omoĩva’ekue pe léi ajúno rehegua ha pe ofrenda ajúno rehegua ohovasa hağua Itavayguápe ha ome’ẽ hağua chupekuéra mba’éichapa oservikuaa umi oikotevẽvape”³.

Pe Salvador seguiháraicha, jareko responsabilida personal ñañangareka haĝua imboriahúva ha oikotevẽvare. Tupaogua miembro ijeroviáva opárupi ome’ẽ pytyvõ oajuna jave cada mes, ndo’úigui tembi’u ha ndoy’úi 24 hora aja ha ome’ẽ Tupaópe peteĩ ofrenda ajúno rehegua ha’éva, a lo méno, pe pira pire nohepyme’ẽiva’ekue umi tembi’úre ndo’úiva’ekue oajuna aja.

Umi Isaías ñe’ẽre ojejapysakava’erã ñembo’épe ha oñehekombo’eva’erã opa ógape:

“ ¿Ndaha’éi nga’u piko pe ajúno che aiporavova’ekue: Mba’e ñaña sãnguéra jejora, umi mba’epohýi oporojopýva jepoi, ha umi ipy’ajopýva ñemosãso ha opáichagua júgo ñemondoho?

“Ndaha’éi piko iñembyahýivape emboja’o ne mbujape, ha emoguahẽ nde rógape hoga’ỹvape? Ehechávo ijao’ỹva, embyao; ha ani ekañy umi nde ro’o teévagui? ⁴

Ha Isaías he’ive ohóvo umi hechapyrãva jehovasa Ñandejára oprometéva umi iñe’ẽrendúvape léi ajúno reheguáre. Ha’e he’i:

“Péicha nde resape osẽta pyharevegua ko’ẽjúicha, ha neresãi pya’e ojehecháta; ha nerekopotĩ ohóta nerenonderã; ha Jehová glória ha’éta nderapykuérigua.

“Uperõ ehenóita, ha Ñandejára ombohováita; ejeruréta, ha ha’e he’íta, Ápe aime…

“ha eipysóramo ne’ánga pe hembyahýivape ha emyenyhẽramo pe ánga jejopýpe, pytũmbýpe osẽta nde resape, ha nepytũ ha’éta ára mbytéicha;

“ha Jehová nesambyhýta tapaite, ha amá pokãme omboy’úta ne’ánga”.⁵.

Kóva ko escriturare, Presidente Harold B. Lee he’iva’ekue: “Umi tuicha jehovasa oúva [pe ajúno rupi] ojeva’ekue opa dispensación-pe, ha ko’ápe Ñandejára he’i ñandéve, Iprofeta guasu rupive, mba’érepa pe ajúno ha umi jehovasa oguerúvagui. Ehesa’ỹijóramo pe capítulo 58 Isaías kuatiañe’ẽme, pehecháta mba’érepa Ñandejára oipota ña’ajuna ha japaga ñane ofrenda pe ajúnogui: Péva ha’e ikatu haĝua ñahenói pe okẽme ha Ñandejára tombohovái; jajerure ha Ñandejára te’i, Ápe aime”.

Presidente Lee ombojoapy: “Ñaĩsénepa ñahenói haĝua ha Ha’e tombohovai’ỹ? ¿Jajerure ñande py’apyvai jave ha Ha’e noĩ’ỹ ñanendive? Arovia oĝuahẽmaha ára jajepy’amongeta hağua ko’ã principio básico-re, péichatagui umi ára jarekóva ñane renonderã, ñaikotevẽvẽtaha Ñandejára jehovasakuéra, huisiokuéra oñeñohẽta vove jehe’a’ỹme opa yvy ári”⁶.

Ñande profeta ojehayhuetéva, presidente Thomas S. Monson, okompartíkuri itestimónio ko’ã principiogui, testimónio osẽva experiencia personal ha’e orekóvagui. Ha’e he’i: “Mavave tupaogua miembro oipytyvõva’ekue oñeme’ẽ haĝua umi oikotevẽvape ĝuarã, araka’eve ndahesaráiri ni nombyasýiva oñanduva’ekue upe mba’e ojapo haguére. Mba’apo, tembi’u heta’ỹva, ñande jehe ñeñangareko ha pe ñame’ẽ ñande rapichápe nda’éi mba’e pyahu ñandéve ğuarã”⁷.

Hermanokuéra, Ñande Iglesia de Jesucristo de los Santos de los Ultimos Días miembro ha’e yvypóra ojapóva konvénio ha iñe’ẽrendúva tembiapoukapykuérare. Ndaikatúi apensa mba’evéichagua léi, mba’eve tembiapoukapy hasy’ỹvéva ñakumpli haĝua ha oguerúva tuichave jehovasa pe léi ajúno reheguágui. Ña’ajuna ha ñame’ẽvo peteĩ ofrenda japu’ỹme, ñame’ẽ Ñandejára almacén-pe jagastávaluri nañahepyme’ẽ guive umi tembi’úre. Ndojejeruréi tuicha plata jesacrifika pe jepive jagastavánte. Upéicha avei, oñepromete ñandéve umi hechapyrãva jehovasa oñeñe’ẽmavare.

Pe léi ajúno rehegua ha’e opa Tupaogua miembrope ğuarã. Ikatu oñehekombo’e umi mitãme oajuna hağua, oñepyrũvo peteĩ tembi’u ha upéi mokõi reheve, ikatuháicha ontende ha hetekuéra ogueropu’aka pe ajúno. Ména ha tembirekokuéra, miembro soltero, ipyahúva ha mitãnguéra omoñepyrũva’erã hi’ajúno ñembo’épe ome’ẽhápe aguije umi jehovasa hekoveguáre ha ohekávo Ñandejára jehovasakuéra ha mbarete pe oajuna aja hikuái. Pe léi ajúno rehegua oñekumplipa ofrenda ajúnoguigua oñeme’ẽ vove Ñandejára representante-pe, pe obíspo.

Obispo-kuéra, peẽ pegueraha pende barrio bienestar. Pereko peteĩ tembiapouka marangatu peheka ha peñangareko hağua umi imboriahúvare. Presidenta Sociedad de Socorro gua ha quórum Sacerdocio Mequicedec gua líder ndive, meta peẽ perekóva ha’e peipytyvõ haĝua miembrokuérape oñepytyvõ hağua hikuái ijupekuéra ha ikatu hağua oñangarekuaa ijehe. Peẽ peministra miembrokuéra ñekotevẽ temporal ha espiritualva peiporúvo akãnguapýpe umi ofrenda de ajúno peteĩ pytyvõ temporalcha, ha peteĩ mba’e oñeme’ẽva omoirũ haĝua umi mba’e familiakuéra ha comunidad ome’ẽva. Peiporúvo umi sacerocio lláve pe espíritu de oración ha discernimiento reheve peipytyvõ hağua imboriahu ha oikotevẽvape, peẽ peikuaáta pe ofrenda de ayúno ojeporuva’erãha oñeñongatu haĝua tapicha rekove, ha ndaha’éi mba’éichapa pe tapicha oikovese.

Sacerdocio Aarónico presidente-kuéra, peẽ peguereko umi llave ha pu’aka pe administra hağua umi ordenansa exterior. Peẽ pemba’apo Obispo ndive ha pehekombo’e umi oĩva pene quórum miembrope oikuaa hağua i’deber sacerdocio-pegua ha oñemo’aĝui hağua Tupaogua miembro-re oeme’ẽ haĝua chupekuéra já oipytyõ haĝua ojúnope. Pe magnifica jave pene responsabilidad sacerdocio-pe ha peme’ẽ jave ko oportunidad opa Tupaogua miembrope, peẽ, Sacerdocio Aarónico perekóva, pehupytýka jehovasa oñeprometéva pe ajúno rupi umi ikotevẽ vévape. Peẽ ha’éta testígo pe espíritu he’éva ñeñangareko imboriahu ha oikotevẽvare oguerekoha pu’aka omohu’ũ hağua umi korasõ ambue hendáicha hatãva, ha ohovasaha umi tapicha oho py’ỹi’ỹva tupaópe rekove.

Presidente Monson he’íkuri: “Umi obispo omoĩporãva iquórum Sacerdocio Aarónico gua oparticipa hağua pe ofrenda de ajúno ñembyatýpe, orekovéta éxito ko sagrada responsabilidad-pe”⁸.

Obispo-kuéra, penemandu’áke ko mba’e ikatuha peteĩcha’ỹ peteĩ tendágui ambuévape ha peteĩ tetãgui ambuévape. Pe quórum Sacerdocio Aarónico gua oho umi ógape ikatu naiporãi pe tenda peẽ peikohápe. Upevére, po’invita pehecha hağua espíritu de oración reheve ko profeta ñemoñe’ẽ ha peheka haĝua inspirasiõ mba’e oĩporãháicha umi Sacerdocio Aarónico orekóva pende barrio-pe ikatu hağua omagnifika isacerdocio oparticipávo ofrenda de ayúno ñembyatýpe.

Pe capítulo 27, 3 Nefi-pe, Ñandejára oikovejeýva oporandu: “Mba’eichagua kuimba’e piko ha’eva’erã peẽ”?; ha ombohovái, “Añetépe ha’e peẽme, chéicha jepeve.” ⁹. Ñamoĩvo ñande jehe Cristo réra ha ñañeha’ãvo jasegui chupe, jarekóta Hova ra’anga ñande rováre ha jajoguavéta Chupe. Imboriahúva ha oikotevẽvare ñeñangareko ha’e mba’e Salvador ministério ndivegua; ha’e parte opa mba’e Ha’e ojapóva ndive. Ha’e oipyso ipo maymáva gotyo ha ñanemopu’ã. Ijúgo ndahasýi ha Ikarga vevúi. A’invita mayma ñandekuérape ñañangareko haĝua imboriahu ha oikotevẽvare ñakumplívo jeroviápe léi ajúno rehegua ha ñame’ẽvõ pojerápe peteĩ ofrenda de ajúno ikatu haĝua jajoguave Salvador-pe. Atestifika humildad reheve umi imboriahu ha oikotevẽvare ñeñangareko jeroviapýpe ha’eha peteĩ mba’e ohechaukáva tyarõ porã jarekóva espiritualmente ha ohovasáta pe ome’ẽ ha pe oñeme’ẽvape. Jesucristo réra marangatúpe, Amén.