“Aduna koy daghan nga dagkong desisyon nga himoon. Unsaon nako pag-angkon og personal nga pagpadayag?”

“Tun-i pag-ayo ang positibo ug negatibo nga mga butang ug pilia kon unsay makapahiuyon nimo ngadto sa Dios. Hinumdomi nga mag-ampo sa dili pa, atol, ug human mohimo sa imong desisyon. Ang Espiritu mokompirmar nimo kon unsay sakto.”

Laneah S., 16, Utah, USA

“Ang pag-ampo ug pagbasa sa mga kasulatan 100% nga makatabang. Ang mga kasulatan nag-ingon, ‘Pangayo, ug kamo makadawat.’ Busa pangayo! Dayon buhata ang unsay imong gikinahanglan. Hinumdomi, ang Ginoo kanunayng mohatag!”

Parker B., 16, California, USA

“Pangayo sa Langitnong Amahan ug basaha ang Iyang mga pulong. Tan-awa kon sa unsang paagi ang Espiritu Santo motabang nimo pinaagi sa pagsulat sa mga pag-aghat kada adlaw, ug makakita ka og mga sundanan kon unsaon pag-angkon og personal nga pagpadayag.”

Caleb A., 18, North Carolina, USA

“Ang Basahon ni Mormon mao ang usa sa labing maayo nga himan nga anaa nato alang sa pagdawat og personal nga pagpadayag. Makakat-on kita gikan sa mga ehemplo sa karaang mga propeta.”

João C., 19, São Paulo, Brazil

“Ang imong tubag usahay dili moabot dayon, ug usahay moabot. Usahay ang tubag moabot nga usa ka espesyal nga pagbati o usa ka kanta nga imong madungog sa simbahan. Ang pamilya ug masaligan nga mga higala makahatag usab og maayo nga tambag.”

Anabel V., 12, Utah, USA