Melina J.

Litrato pinaagi ni Christina Smith

Ang akong higala dunay depresyon ug kabalaka ug mibati og dili gayod maayo. Sa kanunay mobati siya nga walay labot gikan sa pundok sa akong mga higala ug mag-inusara lang sa paglingkod. Wala ko kahibalo kon motubay ba ko sa unsay gipanghimo sa akong mga higala o makig-uban niining higala nga dili maayo ang gibati ug nag-inusara sa paglingkod.

Niana nakahukom ko nga akoa siyang taparan sa paglingkod. Ang uban nakong mga higala lain og tinan-awan sa akoa kay may kasuko sila kaniya, apan miadto ko ug gitaparan siya, ug dungan kami nga mihilak dihang gisultihan ko niya bahin sa iyang mga problema. Human niana, nagsugod na siya nga miarang-arang ang pagbati, ug akong nahimo ang pagpakita sa akong gugma ngadto kaniya ug sa gugma sa Dios alang kaniya.

Ang pagkahimong disipulo ni Jesukristo mao ang mahitungod sa pagpakigbahin sa Iyang gugma alang kanato ug ngadto sa uban. Mahitungod kini sa paghigugma, pagserbisyo, ug pagpalambo sa susamang mga kalidad nga anaa Kaniya dihang Siya dinhi pa sa yuta. Nianang adlawa, dihang mibati ko og kalooy sa akong klasmet, mibati ako nga sama sa usa ka tinuod nga disipulo ni Jesukristo.