Kālete Tampeļ eo

Tampeļ eo epaak tata n̄an n̄a ej pād ilo bar juon āne. N̄an etal n̄an ijo, jej aikuj etal ilo baļuun eo 45 minit aetokan kelak ak iuwe ilo ļoon eo im ej 12 awa aetokan. Ijan̄in kar etal n̄an tampeļ m̧oktaļo̧k, im ilo iiō in jikuļ eo aō āliktata, jinō ekkar kōm̧m̧an karōk ko bwe kemin etal. Ekar kakkwoņ jāān ium̧win juon iiō bwe baamle eo en maron̄ etal ippen doon.

Ijoke, kem naj ro̧o̧l n̄an kapijuknen eo am ālkin an naj jinoe jikuuļ, eo im ear kainepata n̄a. Ekkar lukkun aorōk ippa n̄an bōk grade (GPA) eo em̧m̧an ilo jikuuļ bwe in maron̄ bōk jāān in jipan̄ ko n̄an college. Iar ļōm̧ņak ao jab etal n̄an tampeļ, kōnke jon̄an oran jako ko remaron̄ kakkure grade eo aō āliktata. Innem jinō ear ba, “Etke kojjab jar im kajjitōk ippen Irooj kōn jipan̄?”

Ikar jidik m̧akoko kōnke ikar mijak, bōtaab ikar jokāālet n̄an jar. Jemedwōj Ilan̄ eaar tōl eō, im iaar kālet n̄an etal n̄an tampeļ eo. Ilo aolepen wiik eo kem kar pād ijo, jekkar etal n̄an tampeļ eo aolep raan. Eaar kanooj in kar kabwilōn̄lōn̄! Kōm̧m̧ani peptaij ko ekar juon en̄jake em̧man; ikar maron̄ en̄jake an lukkuun kajoor Jetōb eo.

Ilo jem̧ļo̧kin, iar maron̄ kadedeļo̧k aō jikuuļ kōn juon GPA eo em̧m̧an. Ilo aō dāpij juon bujen jemjerā eo epaak ipen Rilo̧mo̧o̧r eo, ear jipan̄ eō bwe en wōr aō kōjatdikdik ilo tōre eo. Ikar jelā bwe E ekar pād ippa, letok n̄an eō kajoor. Irooj ej jeļā kōn jerbal ko ad, im eļan̄n̄e jej lūkit men ko ilo lubūdin Pein, jemaron̄ lōke bwe aolep men renaaj em̧m̧an.

Ij kam̧m̧oolol bwe leddik eo jeū eaar wōr ippen peran n̄an karuwaineneik tok mijinede ro n̄an m̧weo m̧em. Kom̧ro kar ro jinointata ilo baam̧le eo am n̄an peptaij— iar 13 aō iiō im e ekkar 15. Ijeļā bwe n̄aij juon ajiri ejitōnbōro nejin Jemed Ilan̄. Jema eo ilo laļ ekkar jab pād ilo mour eo aō, ak ejipan̄ eō n̄an jeļā bwe ewōr juon Jemed Ilan̄ im bwe iar kōm̧anm̧an ilo nemāmein wōt E. Ij en̄jake iakwe eo An n̄an ̄n̄a; ijeļā bwe ilo iien ko reppen, E ej pād turu.