Jelm̧ae Kajjitōk ko Aō kōn Bwebwenato eo an Kabun̄ in

Ilo kūlaaj in history eo aō, rikaki eo aō ear jino kenono kōn Kabun̄ eo an Jisōs Kraist im Armej ro Rekwōjarjar ilo Raan Ko Āliktata. Ear jab em̧m̧an an kōļmenļo̧kijen kake Kabun̄ in. Ekar ba jej pālele eļōn̄ļo̧k jān juon ippād im kalijōkļo̧k ilo kūl in armej.

Aolep men ikar katak m̧oktaļo̧k kōn Kabun̄ in ekar em̧m̧an n̄an aō meļeļe. Bōtaab men eo ikar iione ilo kūlaaj ekar kōm̧m̧an aō ļōmņak kōn jet kajjitōk ko reppen jān bwebwenato eo an Kabun̄ in, āinwōt etke armej ro rekilmej raar jab kōtļo̧k aer kabwijer priesthood eo ilo juon iien, im etke m̧are elōn̄ļo̧k jān juon ekar waļo̧k.

Kōnke kōn men jab in, iar lukun jino aō ļōm̧ņak, kejekļo̧kjeņ, im jar. Iar riit jān jeje ko rekwojarjar, kenono ippen jinō im jema im ritōl ro aō, im kar katak eļapļo̧k ippa make. Mekarta ear lōn̄ aō kajjitōk, iar jab ebbwer ak kōtļo̧k.

Ke ikar ekkatak im katak, ikar nan̄in āinwōt kar kotak eō. Ijjan̄in kar de lukkuun meļeļe aolep men, bōtaab ikar maron̄ in lo aenōm̧m̧an.

Kiiō n̄e ewōr aō kajjitōk ko, ij dāpij wōt ta eo em̧ōj aō jeļā kadede, āinwōt aolep en̄jake ko me raar jipan̄ naan in kam̧ool eo aō eddōkļo̧k. Eļan̄e juon men ej jiktok nan ippa, jar ej men eo ekka aō kōm̧m̧ane, innem ij ron̄jake Jetōb eo ilo aō riiti jeje ko rekwojarjar.

Iiō kiiō ej jem̧ļo̧kļok, ikar itok n̄an jeļā kajoor eo an Jetōb, im ikar en̄jake aenōm̧m̧an im kaenōm̧m̧an im iakwe. Ijeļā bwe ewōr ilo m̧ool juon Anij eo ej kōnono n̄an kōj im kōņaan bwe jen bar ro̧o̧l n̄an kapijuknene eo.