Kōjeraam̧m̧an ko n̄an Kwe im Laļin

Ilo juon bukwin wōjke ko, Anij Jemān im Nejin, Jisōs Kraist, rekkar waļoktok im kenono n̄an Josep Smith ilo uwaake jar eo an Josep kōn ewi wōt kabun̄ eo en kobaļok ie (lale Josep Smith—Bwebwenato 1:16–20). Jisōs ear jiron̄ļo̧k Joseph bwe en jab kobaļo̧k ippān jabdewōt kabun̄. E ear kallim̧ur bwe tarlep in gospel eo An enaaj waļoktok n̄an Joseph ilo raan ko rej im̧aan.

N̄an elōn̄, Josep ekar āinwōt eban kūr n̄an kain jerbal rōt in aorōk. Ilo mejāer, ekar juon eo ļaddik ejajeļo̧kjeņ jān juon jikin kallib edik. Bōtaab kōn Joseph, Jemādwōj Ilan̄ im Jisōs Kraist remaron̄ kōm̧m̧an ilo m̧ool kabwilōn̄lōn̄ ko. Naaj kar lilo̧k kien ko n̄an Joseph, revelesōn ko raurōk, im bok ko remenin aikuij kōn karōk in iakwe eo an Jemed i Lan̄ im iakwe eo an Jisōs Kraist ejeļo̧k jem̧ļo̧kin im Pinmuur eo n̄an kōjeram̧m̧an im jipan̄ kōj jeļā wāwein ad jepļaakļo̧k n̄an kapijuknen eo ad.

Enjeļ Moronai ear waļoktok n̄an Josep Smith im jiron̄e kōn juon rekoot, jeje ilo pilej gold ko, eo kar kalbwini ijo epaakeļo̧k (lale Josep Smith—Bwebwenato 1:33–34). Tokālik, Joseph ear ukote rekoot eo n̄an ta eo ej kio Bok in Mormon, eo ej jutak ippen Bible eo āinwōt juon bar kam̧ool in Jisōs Kraist.

Ilo aolepen Bok in Mormon, armej ro, bukwi iiō ko m̧okta jān Kraist, rekkar jeļā im kanaan kake itok eo An im kar reim̧aanļo̧k n̄ane. Jekkar bareinwōt riit kōn an Rilo̧mo̧o̧r eo waļoktok im katakin riNipai ro. Ear kūr aolep n̄an itok n̄an E. Ekar kōmour rinan̄inmej ro, riakke ro, ripilo ro, im aolep ro rekkar en̄taan. Ear tokālik kōjeram̧m̧an ajiri jidik ro im jar kake er (lale 3 Nipai 11:14–15; 3 Nipai 17:7–9; 3 Nipai 17:21).

Bok in Mormon eo ej katakin kōj eļap kōn iakwe im jouj eo an Rilo̧mo̧o̧r eo. Ej lukkun kam̧ool bwe “Jisos ej eo Kraist.” Ej pād aibuojwōj in gospel eo An n̄an indreo. Bok in Mormon ej kwaļok juon pija eo alikkar kōn wāwein an Jemād i Lan̄ im ad Rilo̧mo̧o̧r iakwe kōj eļap jān jon̄an ad maron̄ meļeļe.

Rikwoj meļan in lan̄ ro jet raar etal n̄an ippān Josep Smith. John Peptaij ear bar itok n̄an kajepļaaktok maron̄ eo n̄an peptaij. Piter, Jemes, im Jon raar kōjepļaaktok doulul in rijjilōk eo im ki ko an mālim eo an priesthood. “Ro jet rekar bar itok, ekoba Elijah, eo im ekar kōjepļaaktok maron̄ eo n̄an kakobaik baam̧le ko n̄an indeeo ilo bujen ko n̄an indeeo im rej eļļā ļo̧k jān mej.”

Jisōs Kraist ear bareinwōt kajutak ilo Rikanaan Joseph juon Kabun̄ eo kar āiki āinwōt kar eo E ekkar ejaake ilo kar ien ko an Kallim̧ur m̧okta (lale Laajrak in Tōmak Ko 1:6). Ilo Jisōs Kraist im rijilōk im rikanaan ro an, Kabun̄ eo an Jisōs Kraist im Armej ro Rekwojarjar ilo Raan Ko Āliktata rej kōm̧m̧an kōjera a m̧m̧an ko an jepļaaktok in kajoor eo an priesthood eo im ej pād n̄an ro otemjej nejin Anij.

Imaron̄ ba bwe eļan̄n̄e kwoj en̄jake am̧ m̧ōjņo̧ļo̧k im bwe kwoj kile bwe kojjab wejāpdik ak bwe kwoj jōbwābwe, kwoj aikuij kemaanwa ippam makke im kile jon̄an am̧ utiej ippān Jemād i Lan̄ in Nejin, eļap jān am̧ maron̄ meļeļe. Aolep rej ruwainene n̄an itok n̄an Kraist im Kabun̄ eo An. Kabun̄ in ejjab n̄an ro rej wānik. Ej āinwōt juon hospital eo jej pukot ad kemour ie. Ilo kabun̄ in, jej ereilo̧k n̄an peļaakid, im jerbal n̄an ro jet ilo iakwe, im kwaļok gospel eo. Jemaron̄ in “kakkememej im kōkajoorļo̧k kōn naan eo em̧m̧an an Anij” (Moroni 6:4). Jemaron̄ lo aenōm̧m̧an im kemour. Ej juon kōjeram̧m̧an eļap!

Jemedwōj Ilan̄ im Nejin Jitenbōro, Jisōs Kraist, rej iakwe eok im kōņaan— eļap jān jon̄an—n̄an boktok eok n̄an kapijuknen eo im mour juon mour eo im Er rej pād ie n̄an indreo. Jepļaaktok eo ej kwaļok bwe Er rekkar kōm̧m̧an aolep men ko n̄an kōm̧m̧an bwe menin en maron̄ kōm̧m̧an ilo aibuojwōj n̄an kwe. Jet iien, komaron̄ ioon mālijon̄ im apan̄ ko, ak kwe kwoj “bwe [kwon] maron̄ bōk m̧ōņōņō” (2 Nipai 2:25) ilo mour in im eo juon. Rikanaan Joseph ear jeļā menin eļapļo̧k jān ro jet. Konaaj lo bwe komaron̄ bōk m̧ōņōņō ilo am̧ emmakijkij ukweļo̧k im oktakļo̧k n̄an am̧ Jemād i Lan̄ im Rilo̧mo̧o̧r.

Joseph ear jelm̧ae elōn̄ jum̧ae im kakkure ko, ak ear dāpij wōt, ”jitibōn lem̧ōņōņō eo an ippen (Josep Smith—Bwebwenato 1:28). Ear pād wōt ilo an m̧ōņōņō, kajur, im pen, im ear katōbrak jerbal eo kar lōke e n̄an kōm̧m̧ane. Ejja men in wōt em̧ool n̄an ro m̧oktaļo̧k jān e.

Ear lim̧aajņoņo ilo jinoin kar Kabun̄ in, im emaron̄ lim̧aajņoņo rainin, bōtaab Jepļaaktok eo ear wōnm̧anļo̧k tōre eo—im ej wōnm̧anļo̧k rainin. Jisōs Kraist ej tōl Kabun̄ eo An. Rikanaan ro remour rej wōnm̧anļo̧k ilo aer tōl kōj. Im̧okko im̧ōn Iroij renaaj wōnm̧anḷọk wōt im ekkal. Iakwe eo an Anij im Jisōs Kraist enaaj ajedeed n̄an aolepen laļ in ilo ad ļoor kūr eo an Rilo̧mo̧o̧r eo n̄an najidik jiip ko An im kajedeed gospel eo An. Mool ko kōn Jepļaaktok eo enaaj wōnm̧aanļo̧k ilo wāwein ko im jikin ko im kojjab kar kōtmene ilo tōre eo an Joseph. Jenaaj kajeon̄ kōm̧m̧an bwe en em̧m̧anļo̧k jidik laļ in im dikļo̧k jepel bōro.

Ilo am̧ katak kōn gospel eo kajojo raan, emakijkij jar, im jipan̄ ro jet, enaan eo an Jepļaaktok eo enaj un̄ur buruōm̧ im ukot mour eo am̧. Emaron̄ jab mōkaj an bōk kitien, ak enaaj boktok n̄an eok lan̄lōn̄—āinwōt kar n̄an Rikanaan Joseph.

Kōm̧m̧an bwe kōjeraam̧m̧an ko an iakwe im lan̄lōn̄ me Jepļaaktok eo ej bōktok n̄an kōjeraam̧m̧an im tōl mour eo am̧—kiiō im aolep iien.