2025 Unin Tōl an Jodikdik ro
7 Wāween ko n̄an Reilo̧k n̄an Kraist.
Kajjeon̄e iminene kein n̄an kalimjōk wōt Rilo̧mo̧o̧r eo.
Kōjerbal unin tōl eo an jodikdik ro ilo iiō in—“Reilo̧k n̄an Kraist”—ej kwaļok jidik idajon̄jon̄. Ekōjkan am̧ reilo̧k n̄an juon eo ejjab waļok ilo nemāmein juon armej? Ijjino kake iminene kein jiljimjuon.
1. Keememej bwe E ejjab Tilekeek
Aet, koj aikuj in kappukot E. Bōtaab E ekōņaan bwe kwon loe! Ejjab juon ikkure in em̧ooj. Irooj ej ikireleel n̄an kōjeram̧m̧an eok—ilo m̧ool, ej kam̧ōņōņōik E (lale Katak im Bujen Ko 41:1). E ejjab kappukot un ko n̄an joļo̧k eok. Ejaad oktak: E ej aolep iien kappukot n̄an kōjeraam̧m̧an eok. Āinwōt an Elder Patrick Kearon jen Doulul eo an Jon̄oulruo Rijjilōk ro kar katakin: “Jaab , [Rilo̧moor eo] ejjab kōm̧m̧an kein kabōjrak ko im dāpdep ko; E ej kōm̧akūt aoleper. Ejjab dāpij eok inabōj; Ej karuwaineneik eok n̄an deļo̧n̄. Aolepān jerbal in karejar eo An ekar juon kean̄ emour kōn kōttōpar in.”
2. Kile kareel eo An ilo Mour eo Am̧
Irooj ej m̧ōņōņō elan̄e jej “kile … pein ilo aolep men ko” (Katak im Bujen Ko 59:21). Kōn menin kanooj lale n̄an kile An kareel ilo mour eo Am̧! Kam̧olool E eļan̄e ej em̧m̧an aolep kain n̄an kwe im pukot ainem̧m̧an im melele eļan̄e ejjab.
3. Kam̧m̧oolol kōn Ta eo Ewōr Ippam̧
Ippānļo̧k kile kareel eo an Irooj ilo mour eo am̧, ej barāinwōt aorōk n̄an en̄jake—im kwaļo̧k—kam̧m̧oolol. Kwomaron̄ jab “lo” ilo likio in armej Rilo̧mo̧o̧r eo, bōtaab kwomaron̄ lo kōjeraam̧m̧an ko An ilo mour eo am̧! Elder Gary B. Sabin jān Doulul eo an ro eaar ba, “Kwōnaaj jamin maron̄ m̧ōņōņō kake eļapļo̧k jen am kam̧m̧oolol.” Kam̧m̧oolol Irooj kajojo raan kōn kōjeraam̧m̧an ko am̧. N̄e kwoj en̄jake am̧ m̧ōjņo̧ļo̧k, ļoor kapilōk an al in jar eo em̧wor: “Bwini aolep am̧ menin joij; Bwini menin joij kajo iair, Im enaaj kailbōk eok kōn ta eo Anij eaar kōm̧m̧ane.”
4. Jar Kajjojo Raan
Konaaj maron̄ļo̧k n̄an “lo” Rilo̧mo̧o̧r eo ilo aolepen juon raan eļan̄n̄e konaaj jino ilo am̧ kenono ippen Jemedwōj Ilan̄. Kajjitōk ippān n̄an jipan̄ eok keememej Rilo̧mo̧o̧r eo im lo ijo koņaan ilo mour eo am̧. Komaron̄ jar aolep ien kwoj kōņan ilowaan juon raan. Im m̧okta jān ien kiki, bar jar n̄an kwaļok n̄an Jemedwōj Ilan̄ kōn ta ko rekkar waļok. E ejjamin m̧ōk in ron̄ jān kwe!
5. Kakkilōklōki Eoon ko im Al in Jar ko
Juon wāwein n̄an dāpij wōt ļōm̧ņak ko am̧ ilo Jisōs Kraist ej ilo am̧ likit naan ko an eoon eo em̧m̧antata ippam ak naan ko an juon al eo ej im̧we eok koobrak kōļmenļo̧kijen eo am̧. Kajeon̄ kememeji ilo am̧ en̄jake ļōm̧ņak ko rejjab em̧m̧an jino walōn̄tak. Elōn̄ ien ko ilo am̧ kememej (im al buruom̧) taitōļ in juon al in jar emaron̄ bwe n̄an ukotļo̧k ļōmņak ko am̧: “Na Nejin Anij.” “Ij aikuj yuk aolep awa.” “Be still, my soul (Jab m̧akūtkūt, aō jetōb).”
Lale pija ko an Rilo̧mo̧o̧r eo
Lale jet pija ko rem̧m̧an ippam̧ im rej kwaļok kōn Rilo̧mo̧o̧r eo, im lūkit ijokko konij loi aolep ien. Jet jikin ko emaron̄ ilo dāpin ruum̧ in kiki eo am̧, kūlaaj eo ilo bathroom eo am̧, locker eo am̧ ilo jikuļ, ak āinwōt juon background ilo computer ak taleboon eo nejum̧.
7. Lale Laļ eo Ipeļakūūm̧
Ej aiboojoj! Im Rilo̧mo̧o̧r eo ear kōm̧anm̧ane n̄an eok (lale Katak im Bujen Ko 14:9)! Ejeļo̧k un jej jeļā kake kōn laļin bwe ekar naj aibuojwōj. Bolen jemaron̄ kar pād im mour ilo juon laļ eo aidik, square, im gray. Ijelo̧kin Rilo̧mo̧o̧r eo ear kōm̧anm̧an juon laļ “n̄an em̧m̧an im kōjerbal an armej, jim̧or n̄an kam̧ōņōņō māj im kalan̄lōn̄ bōro” (Katak im Bujen Ko 59:18). Ilo bar juon wāwein, laļin ej aibuojwōj ko̧nke elōn̄ men ko raibuojwōj rej kōkm̧anm̧an ad mour. Eļan̄n̄e kwoj kōņaan keememej Rilo̧mo̧o̧r eo, kalimjek peļaakūm̧.