Rikanaan Eo im Rilo̧mo̧o̧r eo An
Ilo juon wāween, bwebwenato eo kōn mour eo Josep Smith ej bwebwenato eo kōn an epaakeļo̧k Jisōs Kraist.
Aolep Renaaj Jubwike im Kautiej, jān Dan Wilson
Bwebwenato in mour eo an Josep Smith ej juon eo eļapļo̧k aorokin jān juon bwebwenato in kar baj mour eo an.
Ilo ad kwaļok bwebwenato in Jepļaaktok eo an gospel eo an Jisōs Kraist, ekkā ad ijjino kake bwebwenato ej an Josep Smith. Im emeļeļe menin. E make ear kwaļok bwebwenato in jinoin kar mour eo an elōn̄ allen n̄an jipan̄ armej meļeļe kōn wāwein an kar jino Jepļaaktok eo. Ilo juon wāween, bwebwenato eo kōn mour eo Josep Smith ej bwebwenato eo kōn an epaakeļo̧k Jisōs Kraist.
Juon Vision in Jeorļo̧k Bōd
Josep Smith eo ilo an dik ekar tarpok kake kabun̄ ko. Im ekkar bar wōr juon en̄jake eo ippen im ear kōm̧akūti bwe en jar ilo bwiļōn wōjke ko ijo im ear kōm̧m̧an Vision eo Moktata n̄an: “Iar en̄jake n̄an burom̧ōj kōn jerawiwi ko an.”
Ke Rilo̧mo̧o̧r eo ekar kenono n̄an Josep, Ear ba, “Josep, nejū m̧aan, aolep jerawiwi ko am̧ em̧ōj jeorļo̧k jān eok.
Josep ear jeļā jān ien eo bwe Jisōs Kraist ej mour. Ear bareinwōt jeļā bwe Jisōs Kraist ej jouj im ej jeorļo̧k jerawiwi ko. Jeļāļo̧kijen in pād ippen ear aurōk n̄an Josep. “Lo̧mo̧o̧r eo aō ej men eo ej aurōktata n̄an n̄a [kōnke] Ijeļā ilo ejeļo̧k pere kōn men ko an indreo,” ear ba.
Jeļāļo̧kijen eo kake Jisōs Kraist ear bareinwōt aorōk ilo jerbal eo Josep ekar kūr n̄an kōm̧m̧ane āinwōt juon rikanaan. Ekar kabwijōr juon naan in kam̧ool eo ekajoor kōn iakwe im tiriam̧o eo an Jisōs Kraist ilo aolepen mour eo an. N̄an waanjon̄o̧k, juon ien ear katakin, “Aolep bōro ko rej aikuij in ukweļo̧k im lukkun ereo, im Anij enaaj kile im kōjeram̧m̧an er ilo juon wāwein eo rejāmin bar jeram̧m̧an ilo jabdewōt wāwein.”
Bōd ko im Meanwōd
Jerbal eo Josep Smith kar kūr n̄an kōm̧m̧ane ear lukkun in aorōk. Im Josep ear katak n̄an bōk kien im kappilōk ko an Irooj ilo aorōk, ilo kar bwōd ko ear kōm̧m̧ani.
N̄an waanjon̄o̧k, ke peij ko ilo Bok in Mormon rekkar jako, Irooj ear bōk kōjeram̧m̧an eo n̄an ukook kajin ko jān Josep im kar tokālik ba n̄ane: “ewi ekkutkut in am kar rupi naan in jiron̄ ko im kien ko an Anij. … Kwōn kar jab mijak armej eļapļo̧k jān Anij” (Katak im Bujen Ko 3:6–7).
Bōtaab Irooj ear bar leļo̧k ejja enaan in wōt n̄an Josep: “Ak keememej, Anij e tūriam̧o; kōn menin, ukeļo̧k” (Katak im Bujen Ko 3:10).
Josep ear ukweļo̧k im kar leļo̧k n̄ane kōjeram̧m̧an eo n̄an ukook kajin ko. Aolepen men ko ear iooni remaron̄ kar pen n̄ane, ak ear ekkatak katak ko raorōk—ekoba bwe jen maron̄ ukweļo̧k im bōk kōjeraam̧m̧an kōnke Irooj etūriam̧o.
Rilo̧mo̧o̧r im Mōtta
Josep Smith ear lōn̄ an visōn ko, loļo̧k ko, im revelations ko im ear loe ak ron̄ ainikien Irooj Jisōs Kraist ak ekkatak kōn wōn e, paaktokin, im mijen eo an (lale, n̄an waanjon̄ōk Katak im Bujen Ko 19; 76; 93; 110).
Juon m̧ool im ekkar ekkatak ej bwe jerbal in pinmuur eo an Rilo̧mo̧o̧r eo ej n̄an aolep ro otemjej im rekkar mour ilo laļin—im aolep laļ ko im leddik im laddik ro nejin rej pād ie (lale Katak im Bujen Ko 76:24).
Ejja ien eo wōt ej ekkatak kōn wāwein jerbal ko an Rilo̧mo̧o̧r eo im reļļap, Josep ear bareinwōt ekkatak bwe Jemed Ilan̄ im Jisōs Kraist rejeļā im akwe kōj kajojo iaadwōj. Rej kōņaan juon bujen eo epaak ipped wōj kajjojo. Rej kōņan bwe jen kōm̧m̧an bujen ko, kōjparoki, im niknik n̄an jem̧ļo̧kin ilo tōmak. Bujen jemjerā in em̧wilaļ enaaj boktok n̄an kōj lan̄lōn̄ im lōke.
Bujen jemjerā eo an Josep ipen Jemed Ilan̄ im Jisōs Kraist ear lukkun m̧wilaļ jon̄an ke ilo tōre ko rem̧ōjņo̧ ilo mour eo an, ilo an kar ļak ilo jikin kalbuuj eo etan Liberty, ear maron̄ in ba:
“Inaaj kajeon̄ bwe in ainem̧m̧an kōn edodo ko aō, ilo aō jeļā bwe Anij ej juon eo m̧ōtta. Ilo E inaaj lo aenōm̧m̧an. Em̧ōj aō ajjeļo̧k mour eo aō n̄an lubwidin pein. Ij pojak n̄an etal eļan̄n̄e enaj kūr. Ij kōņan bwe in pād ippān Kraist.”
Ilo am̧ ekkatak kake mour im katak ko an Josep Smith, komaron̄ ļoor waanjon̄o̧k eo an. Ukweļo̧k, ko̧m̧m̧an im kejparok bujen ko, im wōm̧aanļo̧k ilo tōmak. Innem komaron̄ in bar jeļā bwe Rilo̧mo̧o̧r eo ej eo Mōttam̧.