“Raica Sai Au Ga na Rarama Moni Dulaka Cake”

E sega ni yali na iVakabula mai na noda ilakolako ni bula oqo. Ena veigauna kece, ena Nona loloma savasava kei na loloma veivueti, e tokoni keda o Koya ni da sotava na veilecayaki ni bula.

Na loloma oya e dau vakavotukana nida sa veitokoni tiko vakai keda ena Nona cakacaka.

Eda tokona na noda parofita bula ena koniferedi raraba, kei iratou na Mataveiliutaki Taumada, na Kuoramu ni iApositolo Le Tinikarua, Vakaitutu Raraba, kei na Vakailesilesi Raraba ni Lotu. Me tokoni e dua na tamata e kena ibalebale meda dulaka cake meda solia vei ira na noda vakanananu, yalodina kina nodra veivakabauti, ka cakacakataka na nodra vosa. Era vosa ena veivakauqeti ni Turaga; era kila na veika sotavi ena gauna oqo, na siro sobu ni bula savasava ni vanua, kei na levu ni sasaga ni vunica me vakacala na ituvatuva nei Tamada. Nida dulaka cake na ligada, eda sa solia na noda veitokoni, sega ni ena gauna ga oya ia ena noda bula e veisiga.

…Eda dulaka cake na rarama ni Turaga nida taura matua na noda veiyalayalati kei na gauna eda tokona kina na noda parofita bula ni sa vosataka na vosa ni Turaga.

Na dulaka cake na parofita sa dua na cakacaka tabu. Eda sega ni dabe galugalu ia eda taqomaki koya, vakamuria na nona ivakasala, vakatavulica na nona vosa, ka masulaki koya.

Kemuni na taciqu kei na ganequ, e dodonu me da cakava e levu cake na veivakadrukai ka lailai na vosakudrukudru, tutaka cake na vosa ni Turaga, Nona sala, kei na Nona parofita. …

…Nida tokona na noda parofita, eda vakadinaidinataka ni kacivi koya na iVakabula, na “rarama …kei vuravura.”