“Koi Au”

Ia ena volatukutuku ni gauna e levu era tukuna, sega ni vakabibitaka na keda irairai baleti Koya kei na Nona ivakadinadina baleta ocei o Koya. Era vakalailaitaka na Nona ivalavala dodonu me bula vakaivakarau walega, na Nona lewa dodonu me nona cudru ga, se na Nona loloma cecere me veivakadonui walega. Meda kua ni rawai ena ivakarau rawarawa me baleti Koya ka vakacala na vinaka ni nona ivakavuvuli. “Na buturaki sobu” e dina ena vuqa na gauna baleta na Nona bula savasava, na Nona loloma.

Ena Nona veiqaravi ena bula oqo, a vakavuvulitaka o Jisu ni rua na ivunau cecere. “Mo lomana na Turaga na nomu Kalou [ka] lomana na kai nomu me vaka ko lomani iko.” Kevaka meda muria na iVakabula ena yalodina ena rua na lawa bibi sega ni tawasei rawa oqo, sa dodonu me da taura matua na ka a tukuna taumada o Koya. Na ka e tukuna dina o Koya oya, “Kevaka dou lomani au, dou talairawarawa ki na noqu ivunau.”6 Ena yakavi vata oya, a kaya kina o Koya “dou veilomani; me vaka au sa lomani kemudou.”

E vakacava na loloma i Jisu?

Taumada, e loloma o Koya ena “yalona taucoko, igu, vakasama kei na kaukauwa,”e rawa kina Vua me vakabula na mosi titobu ka tukuna na dina dredre.

Na ikarua ni ivakarau ni loloma vakalou nei Jisu na nona talairawarawa kina vosa kecega sa lako mai na gusu ni Kalou,sa dau vakataudonutaka na Lomana kina Lomai Tamana Vakalomalagi.

Nida tu vata kei Koya ka raica na mavoa e Ligana, kei na yavana, kei na sarisarina, sa na tekivu meda kila na kena ibalebale Vua me colata noda ivalavala ca ka dau kila ka rarawa ka talairawarawa vakavinaka kina lomai Tamana—taucoko ena vuku ni Nona lomani keda.