Na iTutu Vakaturaga ni iTabagone

iTutu Vakaturaga! E veivakurabuitaki na kena vosa. Na cava mada na kena ibalelebale?

…Eda veivosakitaka na ka o taukena o ciqoma vaka itaukei semati kei Karisito baleta na veimaliwai ni veiyalayalati o sa digitaka mo curuma kei Koya kei na Tamamu mai Lomalagi.

Vakasamataka mada! E nuitaki iko na Kalou—vei ira na tamata kece e vuravura, na luve ni veiyalayalati—Nona kaimua—mo vukea na Nona cakacaka ena kena kau bula taucoko Vua na Luvena.

… O ni itabagone ni itutu vakaturaga. Na nomu veimaliwai ni veiyalayalati kei na Kalou kei Jisu Karisito e veimaliwai ni loloma kei na veidinadinati o na rawata kina na ivakarau levu cake ni Nodrau loloma soliwale—Na Nodrau veitokoni vakalou, veivakaukauwataki, kei na qaqa tudei. Na kaukauwa oya e sega ni ka ni vakasama walega, e dua na kalougata totoka, se parofisai e vakayacori vakaikoya. E ka dina.

Nio vakayacora na nomu itavi ni itutu vakaturaga, o sa sega ni galili. O sa cakacaka vata sara tu ga kei Jisu Karisiro. Ena veiyalayalati vou yadua—ka sa vakatitobutaki na nomu veimaliwai kei Koya—drau veitauri matua me yacova ni drau sa vaqaqacotaki. Ena ivakatakilakila tabu oya ni Nona loloma soliwale, o na raica tu na gagadre kei na kaukauwa mo bulataka saraga na iwalewale ni bula ni iVakabula—duatani mai na vuravura. O sa rawata oqo ni sa rawati iko o Jisu Karisito!

…Me kua ni veisautaki iko na vuravura nio sa sucu mo veisautaka na vuravura.