E Rawarawa na iVunau i Jisu Karisito.

Na vosa ni Kalou sa ivunau a vakavulica o Jisu Karisito kei ira na Nona parofita.

… Na ivunau oqori sai koya na vakabauta na Turaga ko Jisu Karisito, veivutuni, papitaiso, ciqoma na isolisoli ni Yalo Tabu, ka vosota me yacova na ivakataotioti ena vakalougatataki ira na luve ni Kalou.

Nida vakavulica na ivakavuvuli oqo vei ira eda lomana, ena vukei keda na Yalo Tabu meda kila na ka dina. Nida gadreva na veivakauqeti ni Yalo Tabu, sa dodonu meda levea na noda nanuma ga se noda vakavakadewa ga ka dau uabaleta sara vakalevu na ivunau dina.

E dua na sala vinaka ni drotani mai na vunau lasu oya me rawarawa tu ga na noda veivakavulici.

Na veivakavulici rawarawa ena rawa kina vei keda meda wasea totolo na ivunau ni veivakabulai, ni se bera ni tarai ira mai na gone na veitemaki nei koya na dauveivakacalai, ka se bera sara ni luvuci na dina e gadrevi mera vulica mai na kosakosa ni veimaliwai raraba, ilawalawa, kei na nodra dui dredre vakataki ira.

Nida cakava na noda vinaka duadua meda vakavulici ira eda lomana ena ivunau i Jisu Karisito, eso era na sega tiko ga ni ciqoma. Ena yaco mai ena nomu vakasama na vakatitiqa. Kakua ni soro kina vakatitiqa oqori . Gole vua na Kalou mo vukei.

…Ena yaco mo gugumatua ka dau vosota vakadede. Sa na qai rawa nio kila nio cakava na veika kece o rawata mo vukei ira o lomana kei ira o dau masulaka mera lako curuma na sasaga nei Setani me vagolei ira tani.