Qarava Vinaka na Wakana, era na Qai Tubu Cake na Tabana

Dua vei ira na ka bibi eda rawa ni vulica ena bula oqo o ya na duidui ni ka e tawamudu kei na ka e sega.

…Eso na dina era sa usutu, bibi, ka wakani noda vakabauta. Eso tale era sa ikuri se tabana—e yaga, ia kevaka ga era sa semati ki na veika bibi

Ena dua tale na vosa, o Jisu Karisito kei na Nona isoro veisorovaki sa waka ni noda ivakadinadina. Na veika tale eso era sa tabana.

Ni yaco meda qarava vinaka na noda ivakadinadina baleti Jisu Karisito, au vakasamataka de so na gauna eda nanuma cala ni tabana e wakana.

Meda sa qai tarogi keda: E yavutaki tiko beka na noqu ivakadinadina ena ka au nuitaka me yaco ena noqu bula? Sa na vakatau tiko beka ki na nodra ivalavala se nanuma eso? Se sa yavutaki dei tiko vei Jisu Karisito, “tauyavutaki ka tara cake vua”.[Kolosa 2:7],se cava ga na veiveisau ni ituvaki ni bula?

Meda kua ni namaka meda kila vinaka na ka kece ni bera ni da cakava. Qori e sega ni vakabauta. Kevaka meda waraka meda cakava me yacova ni sa saumi kece na noda taro, eda sa yalana vakaukauwa na vinaka eda rawa ni rawata, ka yalana na kaukauwa ni noda vakabauta.

Na vakabauta ena vosota tiko na veivakatovolei kei na veilecayaki ni bula baleta ni sa teivaki dei tu vei Karisito kei na Nona ivunau. O Jisu Karisito kei na Tamada Vakalomalagi sai Rau na ituvaki tawa veivukiyaki, ka igugumatua ni noda vakararavi.

Sa noqu masu ena yalodina kei na veivakalougatataki ni da na qarava vinaka tikoga na waka ni noda vakabauta vua na iVakabula, ena Nona ivunau, kei na Nona Lotu.