Buluta na Noda Yaragi ni Vakaduiduile

Na vakaduiduile e rawa nio cakava se yaco vei iko.

E rairai na ituvaki ca sara ni saqata na Kalou, o ya mo vakamumuri tu ga—ka tawakauwai kina Nona lewa ena noda bula. E vuqa era na sega ni via vakaduiduile sara era na rawa ni saqata na lewa kei na vosa ni Kalou ena nodra muria ga na nodra dui salatu ka tawakauwai kina veidusimaki vakalou.

Na iseleiwau kei na iyaragi tale eso era buluta na Leimanaiti saumaki mai era sa iyaragi ni vakaduiduile baleta na sala era vakayagataka kina. Na veiyaragi vata oqo sa tu e ligadra na luvedra, sa vakayagataki me taqomaka na vuvale kei na bula galala, era sa sega dina ni iyaragi ni vakaduiduile vua na Kalou.

Ena sala vata oqo, e tiko na veika ena noda bula era rairai tu vakai ira se vinaka taumada ia era vakayagataki ena sala cala sa yaco mera “iyaragi ni vakaduiduile.”

Kevaka meda lomana na Kalou ka gumatua meda qaravi Koya ena yaloda taucoko, vakasama, kei na kaukauwa me vatudei noda na lewa na ka kecega ka cakava na noda dui vakatulewa, eda na buluta rawa na noda iyaragi ni vakaduiduile. Mai na loloma soliwale i Karisito, na Kalou ena vosota na noda ca kei na vakaduiduile e liu ka na kauta laivi na duka ni ivalavala ca oqori kei na vakaduiduile mai na yaloda.

Nida buluta na noda iyaragi ni vakaduiduile e mua ki na reki cecere. Meda sa qai buluta—vakatitobu sara na veitiki ni veisaqasaqa kei na Kalou ena noda bula ka vakaisosomitaka ena yalo sa lomasoli kei na vakasama sa tu vakarau.