Ena Lesu Tale Mai na Turaga o Jisu Karisito

Sa vakatotolotaka tiko na Turaga na Nona cakacaka.

Na cava e totolo kina na noda tara valetabu e na kena totolo duadua? Baleta na cava? Baleta ni sa vakaroti keda na Turaga meda kitaka vakakina. Na veivakalougatataki ni valetabu e veivuke ena vakasoqoni vata kei Isireli ena yasa ruarua ni ilati. Na veivakalougatataki talega oqo ena vukea na vakarautaki ni tamata me veivuke ena vakarautaki ni vuravura me baleta na iKarua ni nona Lesu mai na Turaga!

Oqo na noqu yalayala vei kemuni: O ira kece era vakasaqarai Jisu Karisito ena yalodina era na kunei Koya ena valetabu.

Au vulica ni taro bibi duadua meda na sauma o keda yadua sai koya oqo: Ki vei cei se kina cava meu solia kina na noqu bula?

Na noqu vakatulewa meu muri Jisu Karisito sai koya na vakatulewa dredre duadua au qai bau cakava. E vukei au talega meu vorata na cava ni bula.

Au vakauqeti kemuni moni solia eso na gauna e veimacawa—ena vo ni nomu bula taucoko—mo vakalevutaka cake na nomu kila na Veisorovaki i Jisu Karisito.

A taura Vua o Jisu Karisito na nomu ivalavala ca, nomu mosi, nomu mosi ni yalo, kei na nomu malumalumu. E sega ni gadrevi mo colati ira duadua!…

E sega ni sa rui totolo se sa rui bera na nomu yaco mo tisaipeli yalodina nei Jisu Karisito.

Se bera tiko mai na kena e uasivi duadua kemuni na taciqu kei na ganequ, baleta ni na lako tale mai na iVakabula! Se bera tiko mai na kena e uasivi duadua baleta ni sa vakatotolotaka tiko na Turaga na Nona cakacaka. Se bera tiko mai na kena e uasivi duadua nida vagoleya taucoko na yaloda kei na noda vakasama vei Jisu Karisito.