Ikkure in Ijtō

Rikaļoor ro rej jutak ilo juon ļain n̄an ejaake juon iaļ kein dāpdep an pija eo im kōjjaļaaļe kimij ko aer.

Ribwebwenato eo: Jabōt eo m̧okta jān an Jisōs Kraist kar mej, E ekar itok n̄an Jerusalem ioon juon kidia donkey. “Im ke Ekar itok … , aolepān jarlepju in rikaļoor ro rekar jino lan̄lōn̄ im nōbar Anij kōn juon ainikien eļļaaj kōn aolep jerbal ko rekajoor er rekar loi.”

Kein dāpdep pija eo etetal jān iaļ eo ej dāpij pija 1 (Jisōs Kraist ej pād ioon kidia donkey eo). Rikaļoor ro rej lam̧ōj “Hosanna!” jejjo iien ke rej kōjjaļaaļe kimij in nii ko aer.

Rikaļoor 1: “En jeraam̧m̧an Kiin̄ eo ej itok ilo etan Irooj in aenōm̧m̧an in lan̄, im aiboojoj ilo utiejtata.”

Ribwebwenato: “Im ke Ekar itok n̄an Jerusalem, aolepān būkwōn eo ekar em̧m̧akūt, Wōn in?”

Rikaļoor 2: “En̄in Jisōs rikanaan an Nazareth in Galilee.”

Aolep rej al eoon jilu “Beautiful Savior” (Children’s Songbook, 62–63).

Ribwebwenato eo: Ilo Taije, Jisōs Kraist ekar aintok rikaļoor ro An im kar leļo̧k n̄an er kwojkwoj eo.

Kein dāpdep pija eo ej dāpij pija 2 (Jisōs ilo Kōjota in Kijone eo). Rikaļoor ro rej jijet ipeļaakin im reilo̧k n̄an pija in Jisōs.

Ribwebwenato: “Im ke raar m̧ōn̄ā, Jisōs ar bōk pilawā im ruje, im kōjeraam̧m̧an e, im leļo̧k n̄an ro rikaļooran, im ba, Bōke, m̧ōn̄ā; en̄in ej ānbwinū.”

Ilo kautiej, juon iaan rikaļoor ro ej kotak pilawe eo.

Ribwebwenato eo: “Im Eaar bōk kap eo, im ke em̧ōj An leļo̧k kam̧m̧oolol, Eaar leļo̧k e n̄an er; im raar aolep idaak jān e. Im Eba n̄an er, En̄in bōtōktōkū jān kallim̧ur eo ekāāl, eo ekar to̧o̧rļo̧k kōn elōn̄.”

Ilo kautiej, juon iaan rikaļoor ro ej kotak kab eo.

Ribwebwenato eo: Jisōs ekar barāinwōt katakin er juon men eaorōk. E ekar ba, “Kien ekāāl Ij lewōj n̄an kom̧, Bwe kom̧win yokwe doon āinwōt Iar yokwe kom̧. … Ilo men in armej otemjej renaaj jeḷā bwe koṃij rū kaḷora, eḷan̄n̄e koṃij yokwe doon.”

Aolep rej al “Love One Another” (Children’s Songbook, 136).

Ribwebwenato eo: “Innām ekar itok Jisōs n̄an juon jikin ņaetan Gethsemane, im ba n̄an rikaļoor ro, Jijet ijin, ke ij etal im jar ijuweo.”

Rikaļoor ro rej jijet ippān doon ilo juon jikin ioon stage eo. Kein dāpdep pija eo ej jutak ilo jikin eo juon ioon stage eo, jibwe lōn̄ļo̧k pija 3 (Jisōs ej jar ilo jikin kallib eo).

Rikwaļo̧k bwebwenato eo: “Im [Jisōs] ilo̧k jidik im pedowane, im jar im ba, O Jema, eļan̄n̄e e maron̄e en ilo̧k kab in jān Eō; a en jab ankil Aō, a ankil Am̧.”

Rikaļoor ro rej babu im kōtanke rej kiki.

Ribwebwenato eo: Ilo an Rilo̧mo̧o̧r eo kar jar, rikaļoor ro An rej kiki. Jisōs ekar en̄taan ilo jikin kallib eo make ļo̧k iaan. Ekar en̄jake aolep metak im būrom̧ōj ko ad bwe En maron̄ meļeļe kōn kōj im jipan̄ kōj. Ekar en̄taan n̄an kōļļāiki wōņāān jerawiwi ko ad.

Aolep rej al “Gethsemane” (Hymns—For Home and Church, no. 1009).

Ribwebwenato: Ālkin an Jisōs kam̧ōj an jar, ritariņae ro rekar bōke E im likwōje E. Mekarta E ejjeļo̧k men en Ekar kōm̧m̧ane, ritōl ro rekar pepe n̄an m̧an E bwen mej.

Kein dāpdep pija eo ej kotak pija 4 (Rilo̧mo̧o̧r ioon dōbwāāl eo). Rikaļoor ro rej būkwelōlō ipeļaakin, reilōn̄ļo̧k n̄an pija eo.

Ribwebwenato eo: Ke E ej toto ioon dōbwāāl eo, “Jema, jeorļo̧k aer bōd; bwe rejjab jeļā ta eo rej kōm̧m̧ane.” Aaet ilo metak eo eļap An, E ekar waanjon̄ak eo ewāppen kōn iakwe im jeorļo̧k bōd.

Aolep rej al “There Is a Green Hill Far Away” (Hymns, no. 194).

Ribwebwenato eo: Ālkin an Jisōs Kraist mej, Ānbwinnin kar likūti ilo juon lōb ium̧win jilu raan ko. Ilo raan eo kein kajilu, Meri Magdalen im kōrā ro jet rekar itok n̄an loļo̧k lōb eo. “Im rej lo ejm̧aan eo e dāpiļo̧k jān lōb eo. … Im rej deļo̧n̄ ilowaan, im jab lo ubōn Irooj Jisōs.”

Meri im kōrā ro rekar būrom̧ōj etetal ioon stage eo im reito reitak, repok.

Ribwebwenato eo: ruo enjeļ rekar waļo̧kļo̧k im kōnono n̄an kōrā ro.

Enjeļ 1 im Enjeļ 2 rej wanlōn̄ļo̧k ioon stage eo tok juon Meri.

Enjeļ 1: “Jab mijak … bwe ijeļā kom̧ ar pukōt e, eo ekar dōbwāāl.”

Enjeļ 2: “Ejako ijin: bwe E em̧ōj an jerkak.”

Ribwebwenato eo: “Im em̧ōkaj aer ilo̧k … kōn mijak im lan̄lōn̄ eļap, im kar ettōr n̄an bōktok [rikaļoor] ro jet naan eo.”

Meri im kōrā ro rej lan̄lōn̄ ettōr lōn̄ļo̧k ioon stage eo n̄an kwaļo̧k nuuj ko rem̧m̧an ippān aolep.

Meri: E em̧ōj an jerkak! Jisōs Kraist emour!

Kein dāpdep pija eo ej kota pija 5 (Kraist eo ekar jerkakpeje). Aolep rej ro̧o̧lļo̧k n̄an stage eo.

Ribwebwenato eo: Rilo̧mo̧o̧r eo ad ekar bar jerkak ilo jibbon̄ in Ijtō eo. Kōnke E, men otemjej rekar oktak. Jemaron̄ kōjatdikdik, aenōm̧m̧an, im m̧ōņōņō. Kōnke Ej mour, E, E ej pād ippād rainin im aolep iien.

Aolep rej al “Jesus Has Risen” (Friend, Apr. 2025, 18–19).