Revelesōn
Elder Neil L. Andersen: Unin kōnono eo ad kein kajilu ej revelesōn. Ej juon unin kōnono Būreejtōn Oaks ekar jab kōnnaan wōt kake, ak juon eo me ekar bar mour kake. Āinwōt aō kar ba m̧oktaļo̧k, ekar ba, “Ilo aolepān mour eo aō rūkaki eo aō eaorōktata ej ainikien emera im en̄jake ko rej itok jān Jetōb eo an Irooj.”
Ilo kar juon ennaan kar letok ilo 1992 eo, eaar bwebwenato kōn juon iien ekauwōtata me tōl jān Jetōb Kwojarjar eaar lo̧mo̧o̧ren e im juon likao ejaje kajjeen jān juon mennin naaj kar kabūrom̧ōjm̧ōj. Eaar jokwe ilo Chicago iien eo. Ālkin juon kweilo̧k an Kabun̄ in, e im Sister Oaks raar ektak juon sister n̄an m̧weo m̧on ilo eria eo ekauwōtata ilo Chicago. Eaar jipan̄e sister eo n̄an m̧aan kōjām eo an.
Ke ej roolļo̧k n̄an wa eo, juon likao ejaje ej jede tok jen ia ej jibwe juon pu, im likut pu eo n̄an lojien Elder Oaks. Ļein ar kajjitōk jāān, pu eo an ej pād wōt ilojeen, ālkin leļo̧k letok ko, Elder Oaks eaar ba kōn juon baj ej ettōrtok im kōn im̧we eo in ej itok n̄ane. Jen lale.
Būreejtōn Dallin H. Oaks (1992): Ke menin ej waļo̧k tulikin rikoot eo edik, eļak jab loe, eaar jino ikūm̧kūm̧ im kar m̧ad. Pu eo an eaar etoļo̧kļo̧k jān lojeen m̧ae iien eo ej jitōn̄ļo̧k tuanmiin̄ jidik. Iaar kotak peiū kadede, im kōn juon emakut em̧ōkaj imaron̄ kar bōk pu eo im kakkōt ippān ļein ilo an ban maron̄ pu eō. Iaar aetokļo̧k im eddoļo̧k jān likao in im ilo iien eo iaar bar ekkeke in rikkure. Ejjeļo̧k aō kar pere ke imaron̄ kar anjo̧ ilo juon iien kakkōt em̧ōkaj n̄e imaron̄ kar bōk pu eo jāne.
Ke ittōn em̧akut in tōn bōke, ekar itok juon en̄jake ejej uwaan. Iaar jab lo ak ron̄ jabdewōt, ak iaar jeļā juon men. Iaar jeļā ke ta eo enaaj waļo̧k n̄e inaaj kar bōke pu eo. Kōmro nakar kakkōt, im inkar kajitļo̧k pu eo n̄an ubon likao in. Inkar puiki, im enaaj kar mej. Iaar bar jeļā ke ijjab aikuj likut bōtōktōkin likao in ilo kōļmenļo̧kjen eo aō aolepan mour e aō.
Iaar jab ikumkum, im ke baj eo ej etal iaar ļoor im̧we n̄a likut peiū ioon aeran im kōnnaan n̄ane. Eaar wōr nejum̧ro June jodikdik ilo iien eo, im ekōnono ilo katakin ekar juon men ejjab pen.
“Reitok m̧ok,” iaar ba, “ejjab jim̧we menin. Menin kwōj kōm̧m̧ane ejjab jim̧we. Wa ne tok emaron̄ naaj waan juon policeman, im maron̄ kamej eok ak kalbuuj eok kōn menin.”
Kōn pu eo an rooltok n̄an lojeō, rikoot eo edik eaar uwaak n̄an naan ko aō ilo an bar kipel eō kōn kōņaan ko an alen jilu. Ak ilo tōre in ainikien eaar meraļo̧k. Ke eaar ba enaaj m̧an eō āliktata, eaar jab kōbōkakkak. Im ke iaar bar m̧akoko, eaar bōjrak jidik, im likut pu eo an lowaan bōjo eo an im ko. June ekar kōpeļļo̧k kōjam eo, im kōm kar ettōrļo̧k, wūnojdikdik naan in jar in kam̧m̧oolol.
Elder Andersen ippān Rūm̧m̧an Ded ro: Im jej pād ijin ippān Joy, Lindsay, Nicole, im Max. Im kōmij kōnono kōn revelesōn. Kōm̧ kar ron̄ ta ko Būreejtōn Oaks eaar ba ilo iien eo. Ekar ba, “Iaar jab loe jabdewōt. Ikar jab ron̄ jabdewōt men, ak iaar jeļā juon men.” Em̧ōj ke am̧ en̄jake menin m̧okta ak bar juon āinļo̧k wōt?
Nicole: Men eo ij ļōmņak ej jokāālet eo n̄an kāālet n̄an bōk juon baam̧le. Menin eaar bōk eļap jar im eļap jitlo̧k n̄an n̄a. Iaar kōņaan boktok ajri n̄an laļin. Iaar jab lukkuun jeļā ekōjkan an aolep men naaj jerbal, im ij keememej aō kar bokļo̧k ikdeelel eo aō n̄an Irooj, iaar jiron̄ E ke ikōņaan nejū ajri.
Im ikdeelel eo in ilo kar būruō. Im iaar lakkar en̄jake eļap aenōm̧m̧an jān Anij im E eaar lo būruō, E eaar lo ta eo iaar en̄jake, E eaar kile ikdeelel ko aō, im ikdeelel eo eaar kwojarjar.
Elder Neil L. Andersen: Olivia, ta eo kwomaron̄ ba n̄an kōm?
Olivia: Ij ļōmņak iien ko kōn revelesōn ikar būki me relukkuun in epaake menono eo aō rej ilo tampeļ, im ij lukkuun ettoļo̧k wōt jān meļeļe aolep men ilo menin letok kwojarjar eo. Ij ļōmņak ej ļapļo̧k kōn juon—ijelo̧kin lukkun melele aolep men kōn mennin letok kwojarjar eo, eļapļo̧k meļeļe en̄jake eo ke Jisōs Kraist ej pad ilo kain̄i eo, im tarlep in priesthood eo an ebar pād, im E eo ej kōkwōjarjar eō im kōtļo̧k bwe in en̄jake melele in.
Al in jar eo em̧m̧atata ippa ej “My Shepherd Will Supply My Need.” Ilo eoon eo āliktata ej ba, “Ejjeļo̧k bar juon ruwaimejete ak rilotok, ak āinwōt juon ajri ilo m̧weo.” Ijeļā ke kōj rilotok ilo tampeļ. Ak em̧ōj ao melele en̄jake eo āinwōt juon ajri ilo jikūn. Ke ij jijōt ilo tampeļ im kajjieon̄ em̧m̧aō ippān Anij.
Elder Neil L. Andersen: Aiboojoj.