Jutak kōn M̧ool

Elder Neil L. Andersen: Jen jino kōn jutak kōn m̧ool. Ilo ami jeļā jān ron̄jake Būreejtōn Oaks iumwin iiō ko maantak, e ejjab mijak in kōnono kōn m̧ool eo ilo iakwe. Ideel kōn peran eo an. Aolep iien ejouj im jeļā ļōmņak ilo an kwaļo̧k, ak ekajju ilo jipan̄ kōj jeļā ta eo ejim̧we.

Alooje pija eo ad kein kajuon juon minit jān Būreejtōn Oaks innām iien ekōnono eo am ippān jet iaan rūm̧m̧an ded ro ad me rej pād ippād.

Būreejtōn Dallin H. Oaks (2024): Ļoor Kraist ejjab juon men bajjōk ak iminene. Ej juon kien me ej wōnm̧aanļo̧k wōt im wāween mour bwe aikuj in tōl kōj ilo aolep iien ko im ilo aolep jikin ko. Katak ko im waanjon̄ak ko An rej kōmeļeļeiki iaļ eo n̄an aolep ro rikaļoor in Jisōs Kraist.

Būreejtōn Dallin H. Oaks (2022): Jej mour ilo tōre ko rōkauwōtata, n̄e nana em̧ōj ņa etan em̧m̧an, im em̧m̧an em̧ōj ņa etan nana. Jej aikuj jutak ņae pedped im iminenen kein me rej kattoļo̧k kōj jen katak ko an Irooj im bujen, jeraam̧m̧an, im eddo ko ad. Jemaron̄ kōm̧m̧ane menin kōn iakwe.

Būreejtōn Dallin H. Oaks (2023): Jej maron̄ iakwe wōt ro jet im pukot men eo jej juon wōt ie ilo an ejjeļo̧k jab errā kōn m̧ool eo jejeļā.

Elder Neil L. Andersen: Kwomaron̄ ke tōmak jikin in aiboojoj? Im jenaaj kiiō kōnono kōn jutak kōn m̧ool.

Epād ijin ippa rum̧m̧an ded rein rem̧m̧an jān eria in lo Washington D.C. Epād ippad Zack, Sameeta; eppād ippād Joy; im ebar pād Ethan. Im jej tōn kōnono jidik kōn ta ko jaar loi ilo katak ko an Būreejtōn Oaks.

Ta ar itok n̄an ļōmņak eo am̧ ke jaar ron̄jake naan ko an? Jabdewōt ekōņaan ke ijjino?

Ethan: Ej juon kāālet in kōļmenļo̧kjen n̄an ba, “Inaaj juon rikaļooran Kraist. Inaaj kāālōt Kraist jekdoon n̄e epen, ak jekdoon jekjek ko aō ak ta eo ij en̄jake ke ej kapojrak n̄a. Ijeļā bwe E emaron̄ elļā jān menin im jipan̄ eō.”

Zach: N̄an n̄a, emaron̄ penļo̧k n̄an kāālet Kraist n̄e ejjeļo̧k juon ej kalimjōk eok. Im em̧ōj aō jek ippa make, ewi wāween aō naaj kanne iien ak kāālōt in juon rikaļooran Jisōs Kraist ilo iien eo?

Elder Neil L. Andersen: Ippād rainin Chris, Olivia; epād ippād Lindsay, im epād ippād Kelson. Im jej kijoror in ron̄jake ļōmņak ko ami kōn ta eo ej kab m̧ōj ad ron̄ jān Būreejtōn Oaks. Lindsey, ta eo kwaar ļōmņake ke kwoj ron̄ naan kein?

Lindsey: Ijeļā ke jutak kōn m̧ool ej juon men me, ilo laļin, emaron̄ pen, ak kwojeļā kwojjab make iaam̧. Epād ippam Jetōb, im imaron̄ ba ke eļan̄n̄e kwoj kajjitōk bwe Jetōb en pād ippam̧ ilo jekjek kein reppen, innām E naaj tōl eok im lewaj n̄an kwe naan ko kwoj aikuj kwaļo̧k bwe kojjab make iaam̧; kwōj m̧ōttan jibadbad eo eļap an laļin, eo ej bwe kwōn juon rikaļooran Kraist im jutak kōn Etan.

Chris: Ij ļōmņak juon men ealikkar ilo naan eo “jutak kōn m̧ool” ej m̧ool eo ke ewōr jum̧ae ie, im menin ej kōm̧m̧an bwe en pen jutak kōn m̧ool jet iien. Ak ij ļōmņak juon men me ejipan̄ eō ej n̄an keememej kien ko ruo reļaptata: juon n̄an iakwe Anij, eo jej kwaļo̧k ilo ad ļoor kien ko, innām n̄an bar iakwe ro riturud. Im ij ļōmņak wāween eo em̧m̧antata n̄an jutak kōn m̧ool ej n̄an ejaake juon jikin me ej karuwanene jetōb n̄an kam̧ool kōn ta eo kwoj kōnono kake. Im wāween eo em̧m̧antata n̄an karuwanene jetōn ej ilo kwaļo̧k iakwe.

Elder Neil L. Andersen: M̧okta jān ad kōnono kōn unin kōnono eo ad kein karuo, jemaron̄ ke bar kwaļo̧k iakwe jān juon jikin turājet in la in?

Rūm̧m̧an Ded ro jān Mozambique: Kōmij pād ilo Munhahva, Mozambique. Kōmij iakwe eok, Būreejtōn Oaks.

Rūm̧m̧an Ded ro jān BYU: Kōmij iakwe eok, Būreejtōn Oaks. Kōmij kam̧m̧oolol kōn waanjon̄ak in tōmak eo am̧. Kōmij iakwe eok, Būreejtōn Oaks.

Rūm̧m̧an Ded ro jān Spain: Iakwe, Būreejtōn im Sister Oaks! Kōmij jān Madrid, Spain. Kom̧m̧ool kōn katak ko am̧. Kōmij iakwe eok! Kisses!