M̧are, Baam̧le, im Ajri ro
Elder Neil L. Andersen: Eļap adwōj aolep kar emakūt kōn ennaan eo an Būreejtōn Oaks ilo kweilo̧k eo eļap kiiō. Ar kōnono kōn kajoor eo eļap an baam̧le, m̧are, im ajri ro. Kōmij keememej ke ej ba, “Kabun̄ eo an Jisōs Kraist jet iien jeļā kake āinwōt Kabun̄ eo ej pedped ioon baam̧le. Ej!” Jen alooje juon pija ekadu im kōmeļeļe eo ad ippān rūm̧m̧an ded ro.
Būreejtōn Dallin H. Oaks (2025): Kadkad eo ad n̄an Anij im jibadbad eo an mour wabanban in ad kar kōmeļeļeik ilo naan ko an baam̧le. … Eaorōk bwe Armej ro Rekwojarjar ilo Raan Ko Āliktata rej jab jerwane meļeļe eo an jibadbad eo an m̧are im aorōk eo an ajri ro. En̄in ej jekļaj eo me jej kajjion̄ n̄ane.
Katak eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata ej pedped ioon baam̧le.
Jej juon kabun̄ pedped ioon baam̧le.
Būreejtōn Dallin H. Oaks (2023): M̧are ej dilep eo n̄an jibadbad eo an mour in im ta eo itok ālik. Jej ro nejin Jemedwōj Ilan̄ eo eaar kōm̧anm̧an kōj kōn maron̄ n̄an ļoor kien eo An n̄an tim̧oon im wōrļo̧k im kobrak laļ. Kajoor eo n̄an kōm̧anm̧an ej juon iaan menin letok ko raiboojoj ippād ilo mour in. Ak jibadbad eo an menin letok in ej ilo kien erreeo, kien eo bwe kajoor eo ad n̄an neji ej ilowaan wōt m̧are eo ikōtaan juon em̧m̧aan im juon kōrā. …
Ļōmņake ta eo ro rūm̧m̧an ded Rekwojarjar ilo Raan Ko Āliktata rej jerwane n̄e ej lukkuun rum̧wijļo̧k aer m̧are ilo juon iien eaitok: iien ko rem̧m̧an rejako im kōjeraam̧m̧an ko rerum̧wij. Ej meļeļein edikļo̧k iien eddōkļo̧k eo an juon make me ej waļo̧k ilo jemdo̧o̧n ko ikōtaan ļeo im lieo pālele, kain eddōkļo̧k rot in ej āinwōt wūjlepļo̧k im ettā. Ej meļeļein bwe edikļo̧k jerbal ippān doon n̄an kalōk aelōn̄ in kiin̄ eo an Anij. Im men eo eaorōktata, ej meļeļein bwe edikļo̧k an ajri ro rej ļotak tok rūtto tak kōn kōjeraam̧m̧an eo an gospel in.
Kemeemej, Jemedwōj Ilan̄ eo ej iakwe kōj ewōr juon An karōk n̄an rūm̧m̧an ded ro nejin im bwe m̧ōttan karōk in ej m̧are im ajri ro.
Elder Neil L. Andersen: Kom̧ij tōmak ke jikin aiboojoj in, jikin aiboojoj ej pād ilo juon jikin em̧m̧an tata lale Washington D.C. Tampeļ? Im jej pād ijin n̄an kōnono kōn baam̧le, kōn m̧are, im kōn ajri ro.
Im epād ippad ijin Max im Nicole, ro em̧ōj aer m̧are. Im ebar pād ilo rājet Christ im Lindsay, ro ebar m̧ōj aer m̧are. Ta eo kom̧ kar ļōmņake ke kōm ar ron̄ an Būreejtōn Oaks kōnono ilo kweilo̧k eo ļo̧k?
Max: Ij lukkuun kam̧m̧oolol kōn Būreejtōn Oaks im an katakin kōn aorōk eo an baam̧le. Ij ļōmņak kōn n̄a im Nicole, pālele ippān Nicole ej juon iaan kāālōt eo ejeraam̧m̧antata ilo mour e aō. Barāinwōt, ejaake juon baam̧le. Ewōr juon nejim ļaddik jilu an iiō, Enoch.
Nicole: Ij lukkuun kam̧m̧oolol kōn katak ko an rikanaan ro im rijilōk ro kōn aorōk eo an baam̧le. Ij ļōmņak ilo raan ko kajjojo ad, emaron̄ pen n̄an kajjieon̄ pukot mejļan ewi wāween naaj mour ko ad n̄e ewōr ad jerbal im bar juon baam̧le. Ijeļā n̄an n̄a, iaar jeļā ikōņaan bōk juon graduate degrees, juon graduate degree, im iaar bar kōņaan juon aō baam̧le. Im iaļ eo n̄an kōm̧m̧ane men kein jim̧or ekar jab alikkar n̄an n̄a. Im komro Max kar jolo̧k eļap iien n̄an jitlo̧k im jar im etal n̄an tampeļ in kajjieon̄ ekkatak peļani men kein ruo. Im kōm kar en̄jake ke eļan̄n̄e kōm likut baam̧le eo am m̧okta, aolep men renaaj jerbal.
Im jet iien kōm kar jab jeļā allōn̄ n̄an allōn̄ ewi wāween an men ko naaj jerbal, ak raar. Im ewōr aō kam̧ool ekajoor kōn aorōk in baam̧le im kōm̧m̧an bwe baam̧le eo en m̧oktata.
Elder Neil L. Andersen: Kōn menin, Lindsay, jiron̄ kōm kōn am̧ kar m̧areik Chris.
Lindsay: Kōm̧ro kar m̧are ilo tampeļ in ijin. Im kar maron̄ in liāp ippan Chris, juon armj eo em̧m̧an im mera āinwōt Chris, ej juon kōjeraam̧m̧an eļap n̄an jeļā ke kōm ej ippan doon ilo menin, ak ejjab kōmro wōt ruo, bwe jej baam̧le im Kraist ej dilepen baamle ko ad, im bwe jabdewot apan̄ rej itok, n̄e ej kōļļā muri in jikuuļ ko ad ak kappukot juon jerbal eo ekarbōb, jejeļā ke jenaaj kōm̧m̧ane ippān doon ippān Kraist.
Chris: Bōlen etto jidik am kar m̧are, ak ij ļōmņak ekar jab kōn an jabwe am kar kajjion̄. Ij ļōmņak ewōr an Irooj iien n̄an aolep men, im ij ļōmņak kōmro jimor kar tiljek im lōke ke ekar wōr an Irooj karōk n̄an kōm. Im n̄e kōm naaj kar kōjparok kien ko An, iien eo am enaaj kar itok wōt.
Elder Neil L. Andersen: We have Ethan, Joy, Olivia, Zach, Sameeta, Lindsey, im Kelson. Im jenaaj kōnono jidik kōn naan kein: baam̧le, m̧are, ajri ro.
Kelson: Ij ļōmņak elōn̄ armej ro me ewōr jekjek ko rooktak jān doon an baam̧le eo aer. Ij en̄jake aō jeraam̧m̧an kōn baam̧le eo kar letok n̄an eō im eļap tōl, jibadbad, jeļā kadkad, im en̄jake in jokne.
Ij ļōmņake aolep kōjeraam̧m̧an kein iaar buki ke ij juon bar uwaan juon baam̧le, im lo an ro jeiū im jatū im baam̧le ko aer, im jon̄an an em̧m̧an mour in baam̧le. Ijeļā kajjeen elōn̄ armej. Ijeļā ke ejjeļo̧k baam̧le eweeppan, ak elōn̄—lan̄lōn̄ eo me ej pād ilo baam̧le, emaron̄ kipel eok n̄an kōņaan.
Sameeta: Ijjan̄in de m̧are, ak ij reim̧aanļo̧k n̄an juon m̧are ilo tampeļ. Ijeļā ke m̧are eaorōk n̄an karōk eo an Anij, im gospel eo make ej katakin kōj—ej kōjeraam̧m̧an im kōkwojarjar kōj n̄an indeeo. Jet iien jekōņan bwe en em̧m̧an, ak ejjab.
Ak juon men iaar ekkatak ilo mour eo aō ej n̄an tōmak iien eo an Anij. Ijeļā ke E ewōr an karōk n̄an kōj kajjojo, im E ejeļā kajeed im iakwe kōj kajjojo. Im jekdoon ewi aetokan, lōke wōt E.
Im men eo kein karuo iaar ekkatak ej n̄an kōpooj eō ilo jetōb im ippa make. Kōppopo n̄an m̧are indeeo ejjab ijjino n̄e kwoj loe juon m̧ōttam̧. Komaron̄ jinoe ial eo am̧ kiiō.
Elder Neil L. Andersen: Kiiō, Joy, ij kōjatdikdik bwe koban dike aō ba menin. Kwar kobatok ilo Kabun̄ in jejjo wōt iiō ālkin am̧ kar pād ilo juon pālele eo ekabūrom̧ōjm̧ōj. Ekōjkan am̧ kalimjōk baam̧le ak palele kiiō? Kōpād tok ia āinwōt juon uwaan Kabun̄ in?
Joy: Ekwe, em̧m̧an ippa wāween an Būreejtōn Oaks kar kōnono n̄an aolep, im em̧m̧an ippa ke aer kwaļo̧k ke ejjab aolep jekjek rej m̧ōņōņō. Em̧m̧an ippa an kar kōnono n̄an m̧am̧a ro, kōnke n̄aij juon m̧am̧a jān palele eo im juon neju ļaddik emen an iiō.
Im em̧m̧an ippa an kar ba, jekdoon n̄e kwojjab pālele kiiō, komaron̄ katakin wōt ajri ro n̄an kappukotļo̧k kōjeraam̧m̧an ko an baam̧le im liāp ilo tampeļ. Ij en̄jake an un̄ur eō ke ej kōnono n̄an armej ro ejjab jejjot jekjek ko aer, ak āinwōt m̧am̧a ro rejjan̄in m̧are.
Elder Neil L. Andersen: Elukkuun aiboojoj am̧ ba.
Ethan: Juon iaan men ko Būreejtōn Oaks eaar ba m̧okta jān devotional eo an BYU ej bwe jejjab maron̄ kipel men ko an jetōb. Iar riiti ļain eo im kar lukuun em̧akut kake kōnke jekōņaan juon palele ilo jetōb, im jekōņan baam̧le in jetōb. Jekōņaan juon baam̧le eo ej pedped ioon Kraist. Jekōņaan juon m̧ōttad eo me ej tōmak ke jemaron̄ jerbal n̄ane im jemaron̄ rie. Im jenaaj loe wōt n̄e jej mije mour ko an n̄an Jisōs Kraist. Im ij ļōmņak jet iien ewōr kūtoto n̄e jej iddik wōt, kain en an, “O, inkar kōm̧m̧an bwe en tōprak menin,” ak menin ak men weo ak jabdewōt. Ak ilo m̧ool, kojjab maron̄ kipel men ko an jetōb.
Elder Neil L. Andersen: Ij iakwe ta eo kom̧ij ba. Inaaj idajon̄jon̄e kom̧ jidik ijin. Kom̧ij jab maron̄ kipel men ko an jetōb, ak komaron̄ kan̄ōltok elōn̄ļo̧k iiaio ko ippān jiron̄ ro. Elmen am̧ kōm̧m̧ane menin?
Ethan: Ekwe, kwojeļā, ebooļ kain kilen m̧adm̧ōde ijin. Kwojeļā, aolep iien ij kajjieon̄ erreilo̧k jān jabōn juon ruum̧. Bōlen juon ak ruo app. Ak ilo m̧ool, ij ļōmņak eaorōktata n̄an meļeļe bwe jibadbad eo ej men eo eaorōktata.
Likut eok make ijoke otemjej im lōke n̄an ba, n̄aij juon ļaddik nejin Anij, im elōn̄ men ko rem̧m̧an rej itok n̄an n̄a. Ij tōn diwojļo̧k in kwaļo̧k kajjeō n̄an juon armej im ekkatak kake er im ekkatak eļapļo̧k kōn wōn er im ta ko rej tōmak im ta ko rej kōm̧m̧ani ilo mour in. N̄e kwōj mije jeļā kōn armej eo juon, komaron̄ ekkatak eļapļo̧k kōn kwe make.
Elder Neil L. Andersen: Olivia. Ilo am̧ kappok wōt won eo konaaj m̧areiki, ta ko kwoj kappukoti?
Olivia: Ij ļōmņak m̧oktata im aorōk tata, ij kappukote juon eo me ej kōjparok bujen ko aer.
Elder Neil L. Andersen: Zach, kojeļā juon men Būreejtōn Oaks eļap an kōnono kake ej kean̄ eo an baam̧le. Ekōjkan am̧ en̄jake kōn pedped in katak ko rooktak ijin? Im konan̄in ke ļōmņaki raan kein?
Zach: Ewōr ruo aō ļōmņak. Kein kajuon ej bwe emaron̄ pen ron̄jake ritōl ro an Kabun̄ ak riiti kean̄ eo an baam̧le im lale ewi ijo mour e aō emaron̄ pād ie ilo tōrein, im menin emaron̄ lukkun pen. Bōtaab kōn an pen ejjab meļeļe in ke ejjab m̧ool ak ej m̧ool eo. Ļōmņak eo aō kein karuo, ilo ad kar ron̄jake pija in, Būreejtōn Oaks ekar kōnono bwe eddōkļo̧k eo eļaptata ej itok ilo m̧are im jemjerā ko an m̧are, im jeļā ke menin em̧ool—tōmak, lōke ke em̧ool—ejjab jeorļo̧k aō bōd, āinwōt juon eo ejan̄in m̧are, jān mije bujen ko iaar kōm̧m̧ani im kajjieon̄ eddōkļo̧k āinwōt Kraist ilo aolep wāween ko imaron̄i.
Elder Neil L. Andersen: Lukkuun in. Kom̧ em̧ool kōn kōļmenļo̧kjeņ ko raiboojoj.
Jemaron̄ ke bar alooj iakwe ko āliktata kwaļo̧ki n̄an Būreejtōn Oaks m̧okta jen ad etal wōt n̄an unin kōnono eo kein kajilu?
Rūm̧m̧an Ded ro jān Tonga: Kōmij jar kōn kom̧ jān āne ko raiboojojo an Tonga.
Rūm̧m̧an Ded ro jān Korea: Lewaj iakwe jān Korea! Kōmij iakwe eok, Būreejtōn Oaks.
Rūm̧m̧an Ded ro jān Brigham Young University–Idaho: Ej am jeraam̧m̧an n̄an rejtake eok āinwōt Rikanaan eo an Kabun̄ eo an Jisōs Kraist ilo m̧wen̄an in tok juon an ritōl an Kabun̄ in, Būreejtōn Oaks. Kōmij reim̧aanļo̧k n̄an ļoor eok im m̧ōņōņō in rie eok āinwōt rum̧m̧an ded ro peļaakin laļin.