3:5

Rikam̧ool an Kraist

Būreejtōn Dallin H. Oaks (1984): M̧ōttan eo kein karuo an kweilo̧k in ej iien eo aō em̧m̧an im̧aan tata n̄an kōnono n̄an aolepān membōr in Kabun̄ in, n̄an kwaļo̧k aō bōk kūr in aō n̄an Ko̧o̧njeļ eo an Jon̄oulruo eo. … Inaaj wūjlepļo̧k aolepān būruō, maron̄, ļōmņak, im kajoor n̄an lōke in eļap kar likūt ippa, eļap tata n̄an eddo ko an juon rikam̧ool ejenolo̧k kōn etan Jisōs Kraist ilo aolepān laļ in.

Būreejtōn Dallin H. Oaks (1987): Jej iakwe Irooj Jisōs Kraist. E ej ad Messaia, ad Rilo̧mo̧o̧r, im ad Ripinmuur. Etan ej āt eo deeo me jemaron̄ mour.

Būreejtōn Dallin H. Oaks (1994): Tōmak ilo Irooj Jisōs Kraist ej kōpooj eok n̄an jabdewōt men mour in ej bōktok. Kain tōmak rōt in ej kōpooj kōj n̄an ņa mejļan iien ko rem̧m̧an an mour—n̄an koortokjān men ko jej būki im n̄an bun̄m̧aanļo̧k ilo mennin inepata ko an men ko rejako.

Būreejtōn Dallin H. Oaks (2000, “Kraist Eo Emour”): Kōmij kwaļo̧k am kam̧ool āinwōt Rijilōk ro kar kapit—bwe Jisōs Kraist ej Kraist Eo Emour, jab wabanban Nejin Anij. E ej Kiin̄ Immanuel eo ekajoor potata, eo ej jutak rainin ituanbwijmaron̄ in Jemān. E ej meram eo, mour eo, im kōjatdikdik eo an laļ in.

Būreejtōn Dallin H. Oaks (2006): Ij kam̧ool bwe Jisōs Kraist, ad Rilo̧mo̧o̧r, eo karuwainene kōj aolep n̄an itok n̄an E im weeppān ilo E. E enaaj kor kineej ko ad im E enaaj kōmour ro rej eddodo.

Būreejtōn Dallin H. Oaks (2013): Ļo̧o̧r Kraist ejjab juon men bajjōk ak iminene an jet iien ak ej juon kien ej wōnm̧aanļo̧k wōt ilo wāween mour me ekitbuuj ilo aolep iien im ilo aolep jikin ko

Būreejtōn Dallin H. Oaks (2025): Ij kam̧ool bwe Irooj Jisōs Kraist, eo ej Make Wōt Jitōnbōro Nejin Anij Jemād Indeeo. E ej kūr kōj n̄an ļoor iaļ in bujen eo me ej tōlļo̧k n̄an juon ippān doon eo an baam̧le ilan̄. Kajoor ko an liāp an priesthood eo, kar tōl kōn kii ko kar kōjpeļaaktok ilo Kirtland Tampeļ, rej kobaik baam̧le ko n̄an indeeo Rej kiiō kōjerbali ilo aolep tampeļ ko an Irooj ilo aolepān laļ in. Menin em̧ool. Jen m̧ōttan.

Būreejtōn Dallin H. Oaks (2025): Ijeļā eļapļo̧k jān jabdewōt lōke ilo mour eo aō bwe en̄in ej Kabun̄ eo an Jisōs Kraist im Armej ro Rekwojarjar ilo Raan Ko Āliktata. Ij kam̧ool kōn Jisōs Kraist, eo ej bōran Kabun̄ in, im ej leļo̧k kōjeram̧m̧an ko An n̄an aolep ro rej kappukot n̄an jerbal n̄an E. Ilo etan Jisōs Kraist, amen.