Naan in Ikkilōk ko

Elder Neil L. Andersen: Eļap aō m̧ōņōņō in kar pad ippami ro raar bok konaer ilo kōmeļeļe kein im kar ļo̧kjenaō kōn ami tiljek im ami ro rikaļooran Kraist. N̄an ro renaaj kōņaan lo elōn̄ļo̧k kōn ekōnono kein, renaaj link n̄an electronic in nokon in.

Ro jeiū im jatū rejitōn bōro, komro Kathy lukkun m̧ōņōņō in kar pād ippami jotenin. Kathy, komaron̄ ke letok jidik enaan in ikkilōk emaron̄ wōr ippam kōn nokon in?

Sister Kathy Andersen: Kom̧ em̧ool. Eļap aō kanooj kam̧m̧oolol kōn iien in em̧m̧an n̄an pād ijin ippān ļein ippa joteen in im kōn aō pād ijin ippāmi wōj aolep. Elukun kar juon jotenin eo ejenolo̧k, im jaar en̄jake ilo būruōd.

Im̧ōņōņō kōn juon iien emman ilo raan ko rej itok, mene ilo stake conference ak alooj kweilo̧k eo eļap, n̄an maron̄ kotak peiū in rejetake Būreejtōn Dallin H. Oaks āinwōt juon rikanaan, rilolo, im ribōk revelesōn, im āinwōt juon Būreejtōn an Kabun̄ eo an Jisōs Kraist im Armej ro Rekwojarjar ilo Raan Ko Āliktata.

Im m̧ae iien eo inaaj kotak peiū ilōn̄, ilōn̄ in būruo im ilo jar ko aō, ij kam̧m̧oolol Jemedwōj Ilan̄ kōn em̧m̧aan in eo ej kiiō rikanaan an Anij. Ewōr juon eoon me kōmro leo ippa emakijkij amro kōnono kake n̄e kōmij ļōmņak kōn Būreejtōn Oaks. Eoon in epād ilo Katak im Bujen Ko ijo Irooj ej kōnono kōn Hyrum Smith.

Ekar ba, “N̄a… Ij iakwe e kōnke m̧ool eo an būruōn, im kōnke e ej iakwe men eo me ejim̧we Im̧aō.” Im ij ļōmņak jaar ba elōn̄, elōn̄ katten ilo mour ko am, ej būruōn Būreejtōn Dallin H. Oaks.

Ij iakwe Jema Ilan̄, im ij iakwe aō Rilo̧mo̧o̧r Jisōs Kraist. Inaaj kwaļo̧k aō kam̧ool ilo naan ko an al aiboojoj in jaar ron̄jake jotenin jān kuwaer eo: “Praise to the Lord, the Almighty, the King of creation.” Innām bar juon eoon jan: “Praise to the Lord. Oh, let all that is in me adore him.” Ij iakwe E kōn aolepen būruō im aō. Ilo etan Jisōs Kraist, amen.

Elder Neil L. Andersen: Inaaj jipan̄ eok n̄an ijo.

Ij iakwe eok.

Jej lan̄lōn̄ ilo em̧m̧an im tōmak eo ami ilo Irooj Jisōs Kraist. Em̧m̧an ippam kweilo̧k ippami im aolep peļaakin laļin—likao ro, jiron̄ ro, ļaddik im leddik ro nejin Anij, ajri in bujen, rikaļooran Jisōs Kraist. Kōmij ļo̧kjenam kōn wujleplo̧k eo ami n̄an Rilo̧mo̧o̧r, im kōmij kam̧m̧oolol Anij bwe kōm pād ippam ilo ad kōppopo n̄an Itok eo Kein Karuo an Irooj.

Jej mour ilo iien kein reppen—iien ko me kapo ej ļapļo̧k, me jon̄ak ko an laļin reoktak jān jon̄ak ko an gospel eo an Jisōs Kraist. Jej mour ilo juon iien me jajjab aikuj kōm̧m̧an kōjak kōn ad mour in rikaloor. Ke iaar depjab kane ami, juon rikanaan an Anij eaar ba, “[Kajjojo armej in tōmak] ej atōrtōr ilo tōmak, im ijo … ej aikuj kwaļo̧k kāālet eo an.” Ijeļā menin em̧ool.

Bar juon rikanaan an Anij ekar ba, “Juon armej ejjab lukkun oktak m̧ae ej loe kajoor an Anij ej pād ippān ritōl ro an Kabun̄ in, im m̧ae ej toļo̧n̄e kijeek eo an make.” Menin elukkuun m̧ool.

Rikanaan eo im tampeļ rej jitōn̄ļo̧k kōj n̄an Jisōs Kraist. Āinwōt rikaļoor ro An ilo raan kein āliktata, jej kōppopo n̄an jepļaaktok eo An, jej kajoorļo̧k jān kam̧ool eo an kōn rikanaan eo an Irooj im m̧weo im̧ōn Irooj.

Ippān kajoor eo an Jetōb eo An, rikanaan im tampeļ rej kōjeraam̧m̧an ko ruo rekajoor Irooj eaar letok n̄an kōj ilo laļin in n̄an kōjepel em̧m̧an jen nana, n̄an meļeļe lukkun jibadbad eo ad ilo mour in, im lukkun erom rikaļoor ro An.

Ij kwaļo̧k kam̧ool kōn Būreejtōn Dallin H. Oaks. Kar kōpooj e im kōkm̧anm̧anļo̧k ilo kijeek in en̄taan eo, im kar kōkāāl anwbinin im kōļmenļo̧kjen eo an n̄an iien in bwe en kōnono ilo etan Irooj.

Ij kwaļo̧k kam̧ool bwe tampeļ in im̧aad, im aolep m̧oko rekwojarjar m̧on Irooj reobrak kōn kajoor, aenōm̧m̧an, jokne, revelesōn, rej waļo̧k jen kii ko an priesthood me rej kōtļo̧k bwe men kein ren pen ioon laļ im bar pen ilo lan̄. Eļap am kam̧m̧oolol kōn tampeļ ko rellōn̄ kiiō rej ekkal peļaakin laļin.

Ej juon iien em̧m̧an n̄an mour, juon iien kōttar im kōppopo n̄an itok eo an Rilo̧mo̧o̧r. Im E ekar kōketak kōj: “Kom̧win m̧ōņōņō; N̄a Iar bōk anjo̧ ioon laļ.”

Ilo kajoor in rijilōk eo aō, ij kōjeraam̧m̧an kom ilo ami kōpooj kōm make n̄an roltok eo an ad Rilo̧mo̧o̧r, bwe naaj lewaj n̄an kōm juon kam̧ool epen kōn rikanaan eo an Irooj im kajoor eo ekwojarjar an m̧weo Im̧ōn. Ij kallim̧uri kom̧ bwe enjeļ ro an lan̄ renaaj kōjeraam̧m̧an kōm ilo ami kappukot n̄an erom lukkun rikaļooran Jisōs Kraist.

Ij kam̧ool ke Jisōs Kraist ej Nejin Anij, Rilo̧mo̧o̧r im Ripinmuur an aolep armej. En̄in ej kam̧ool eo aō, ilo etan Jisōs Kraist, amen.