Bootaki n Taromauri 2025
Te Kaotioti


5:42

Te Kaotioti

Unimwaane Neil L. Andersen: Ara kateniua ni iango bon te kaotioti. Bon te atu ni marooro ae e aki ti tataekinna Beretitenti Oaks, ma e a tia ni maiuakinna. N aron ae I a tia n taekinna mai mwaaina, e taku, “I nanon maiu, au tia reirei ni koaua bon te bwanaa ae maraara ao namakin ake a roko mairoun Tamnein te Uea.”

N te marooro are e anga n 1992, e karakina te bwai ae riki ae karuanikai ike e kamaiuaki ma temanna te kairake ni ikawai ae aki kinaaki man ana kairiiri te Tamnei ae Raoiroi. E maeka i Chicago. N bwaran te boowi n te Aro, ngaia ma Titita Oaks a katoka temanna te aine man te uoote ae maeka n te tabo ae bati te kanganga iai i Chigago. E buoka te aine aei ni karokoa n mataroan ana auti.

Ngke e a okira ana kaa, e kaoti temanna te ataeinimwaane ma ana kati i baina, ao e taua te kati nakon biriton Unimwaane Oaks. E tuatua ana mwane, ma ana kati are e katenaa ma biritona, ao n rimwiiaki ni maroro aika a kamwebuaka, E karakinna Unimwaane Oaks bwa e kaoti te bus ao e anganaki te unga n nano n aron ae imwiina. Tia matakuakinna.

Beretitenti Dallin H. Oaks (1992): N rikin aio i akuun te tia tanabwai ae kairake aei, ike e bon aki nooria, ao e moanna n nako nanona ao tabe ana iango. E mwainging ana katii man biritou ni karokoa e kaineti tabona ma rarikiu te maing. E a tauraoi baiu ni mwemwerake, ao n te tai ae tawe I kona n taua ana kati ao n inimaki ma ngaia n ataia bwa e angabuaka tekeu n te katii. I abwabwaki ao n tinebu riki nakon te ataeinimwaane aei ao n rorou arei ao e rangi ni marurung rabwatau. Akea au raraoma bwa I kona n totoko n te boomwaane ae tawe ngkana I kona n anaa ana katii.

Ngke N nang moana karaoan anne, E roko irou te bwai ae kaokoro. Akea te bwai ae I nooria ke n ongo, ma I ataa te bwai teuana. I ataia bwa tera ae kona n riki ngkana I anaa ana katii. Ti na inimaki, ao N na kona n katika te katii nakon bwabwaan te ataeinimwaane arei. E na nako kanoana, ao e na mate. I ataia naba n au iango bwa I riai n aki kariaia bwa Nna bukintaeka iroun te ataeinmwaane arei ao e na titiku n au iango i nanon maiu.

I kataia n taona angina, ao ngke e butinako te bwati I katika baiu te angatai ao n taua angana ao n anganna te reirei. Iai natira ngai ma June aika kairake n te tai anne, ao te angareirei reirei kanga bon te taneiai iroura.

“Taraa ikai,” I taku, “e aki eti aei. E bon aki eti te bwai ae ko karaoia. Te kaa are i mwiina tao te kaa ni bureitiman, ao ko konaa ni mate ke ni kabureaki ibukin karaon aei.”

Ma te katii ae manga okira tauakina i biritou, e kaeka te tia tanabwai nakon au reirei ao n manga tua riki te katentai ibukin te bwai are e tangiria mai irou. Ma n te tai aei ao e a marau bwanaana. Ngke e a anga ana taeka te kabanea n tai bwa e na tiringai, e aki bwanaa n kairoro. Ngke I aki kan anganna riki, e tei teutana, ao i mwiina e katika te katii nakon buuana ao e birinako. E kauka te kaa June, ao ti butinako, ma ara tataro ni karabwarabwa.

Unimwaane Neil L. Andersen ma Kairake ni Ikawai: Ao ti mena ikai ma Joy, Lindsay, Nicole, ao Max. Ao ti marooroa taekan te kaotioti. Kam ongo ana taeka Beretitenti Oaks n te tai are e riki iai te bwai arei. E taku, “Akea te bwai ae I nooria. Akea te bwai ae I ongo, ma I ataa te bwai teuana.” Iai mai buakomi ae e a tia n rinanon anne ke tao ae ai aron anne?

Nicole: Teuana ae roko n au iango bon te babaire n rinean karekean te utu. I taku bwa e anaa te tai n tataro ae korakora ao te aki mamatam ibukiu. I tangiria ni karokoia ataei nakon te aonaaba aei. I aki koaua raoi bwa e na kanga aron mwakurian bwaai, I ti uringa uotakin nanou nakon te Uea, n kaongoa bwa I tangiria n karekeia natiu.

Ao anne te bwai ae tangiria nanou. Ao e okioki irou namakinan te rau mairoun te Atua ngkai E noora nanou, bwa E noora are I namakinna, ao E kinai baika e tangirii nanou, ao anne bon te bwai ae tau ao man riai.

Unimwaane Neil L. Andersen: Olivia, tera ae ko kan taekinna nakoira?

Olivia: I taku bwa te tai ae I karekea te kaotioti ae rangi n roota nanou bon i nanon te tembora, ao I aki rangi n ota ni bwaai ni kabane n te entaumente. I taku bwa e raka riki nakon—ataakin aron kanoan te entaumente, e irekereke riki nakon te atatai ke te namakin bwa e mena ikekei Iesu Kristo n te otenanti, bwa e mena ikekei kororaoin Ana nakoanibonga, ao bon Ngaia are e kaitiakai ao n karekea nakoiu namakinan te mataata anne.

Te anene ae mamate nanou iai bon “My Shepherd Will Supply My Need.” Ao e taku te kabanea ni kibu, “Tiaki te aomata ae aki kinaaki tiaki naba te iruaa, ma ai aron te ataei n te mweenga.” Ao I ataia bwa ngaira bon iruwa n te tembora. Ma I a mataata n namakinan aron te riki n ataei n te mweenga. Ngke I tekateka n te tembora ao ni kataia n reitaki ma te Atua.

Unimwaane Neil L. Andersen: E tamaroa.

Bwaai aika a na taraaki

  1. “Acknowledgements,” Dallin H. Oaks, Life’s Lessons Learned (Deseret Book; 2011)

  2. Dallin H. Oaks, “Bible Stories and Personal Protection,” Ensign, Nob. 1992