Ana Tia Kakoaua Kristo

Beretitenti Dallin H. Oaks (1984): Te maungatabu ae te kauatai n te ririki aei bon au moan tai ni marooro nakoia kaain te Ekaretia, n kaota butimwaean weteakiu nakon te Kauntira n te Tengaun ma Uoman. … N na kabanea nanou, au iango, ma korakorau n te onimakinaki ae korakora ae I anganaki, riki ibukin taian tibwanga ibukin te tia kakoaua ae onoti ibukin aran Iesu Kristo n te aonaaba ae bwanin.

Beretitenti Dallin H. Oaks (1987): Ti tangira te Uea ae Iesu Kristo. Bon ngaia te Mesia, ara Tia Kamaiu, ao te Tia Kabooira. Bon ti ngaia te ara ae ti kona ni kamaiuaki iai.

Beretitenti Dallin H. Oaks (1994): E na katauraoiko onimakinan te Uea ae Iesu Kristo ibukin bwaai ake a na roko n te maiu. E na katauraoiko te aeka n onimaki aei n waaki i nanon taai ni kabane i nanon te maiu—n waaki i nanon ake ko karekei ao n teimatoa ni waaki rinanon te nanokaawaki n aki reken ake tabeua iroum.

Beretitenti Dallin H. Oaks (2000 “Te Kristo ae Maiu”): Ti kaota ara kakoaua, ngkai Ana Abotoro aika ti katabuaki—bwa Iesu bon te Kristo ae Maiu, Natin te Atua ae aki mamate. Ngaia te Uea Imanuera, are e tei n angatain Tamana. Ngaia bon te oota, te maiu, ao te kantaninga n te aonaaba.

Beretitenti Dallin H. Oaks (2006): I kaota au koaua ibukin Iesu Kristo, ara Tia Kamaiu, are e kaoira ni kabane bwa ti na roko nakoina ao ni kakororaoaki i Rouna. E na kabaei ikoakira ao E na kamaoi nanora aika a rawawata.

Beretitenti Dallin H. Oaks (2013): Iriiran Kristo bon tiaki te kabwarabae ke te taina n tai karaoana ma te motinnano ae reitinako ao waakin te maiu ae na maiuakinaki n taai nako ao n taabo ni kabane.

Beretitenti Dallin H. Oaks (2025): I kakoaua te Uea Iesu Kristo, ae Ngaia te Rikitemanna iroun te Atua Tamara ae Akea Tokina. E kaoira bwa ti na toua kawain te berita are e na kairiira nakon te ikotaki ma ara utu i karawa. Mwaakan te nakoanibonga n kabaebae, ake a kairaki ma kaokan kiing n te Tembora i Kirtland, e na ikotiia utu n akea tokina. A teimatoa karaoakin aikai inanon ana tembora te Uea aika a rikirake mwaitiia n kabutaa te aonaaba. Aio e bon koaua. Ti na ira buakona.

Beretitenti Dallin H. Oaks (2025): I ataia i aon bwaai ni kabane i nanon maiu bwa aio bon Ana Ekaretia Iesu Kristo Ibukiia Aika Itiaki ni Boong aika Kaitira. I kakoaua iroun Iesu Kristo, are bon Ngaia kautuun te Ekaretia, ao n anga Ana kakabwaia nakoia ake a ukoria ao ni beku i Bukina. N aran Iesu Kristo, amen.