Tei ibukin te Koaua

Unimwaane Neil L. Andersen: Ti a moanna man te teei ibukin te koaua. N aron ae kam ataia n ami ongora nakon Beretitenti Oaks rinanon ririki n nako, e aki maaku n taetae n te koaua ma te tangira. I mataaiakina ninikoriana. E akoi n taainako ao iangoraoi n ana marooro, ma e kaineti ana maroro ni buokiira n ataa ae eti.

Matakuakina ara moan tamnei ae uarereke mairoun Beretitenti Oaks, ao imwiina ara marooro ma tabeman kairake ni ikawai aika raora ikai.

Beretitenti Dallin H. Oaks (2024): Iriiran Kristo bon tiaki te kabwarabae ke te taina n tai. Bon te motinnano ae reitinako ao te katei ae na kairiira n taainako ao n taabo nako. Ana reirei ao Ana katooto bon ngaia are e kaota te kawai ibukiia taan iriira Iesu Kristo.

Beretitenti Dallin H. Oaks(2022): Ti maeka n taai ae onrake n taian kanganga, ike a atongaki iai bwaai aika a bububaka bwa a raraoi, ao ake a raoiroi bwa a buakaka. Ti riai n tei ni korakora ni kaitarai anua ao waaki ake a na katikiira nako man ana reirei te Uea ao ara berita aika tabu, arora aika raraoi ao katabeakira. Ti kona ni karaoa aei ma te tangira.

Beretitenti Dallin H. Oaks(2023): Ti kona n teimatoa n tangiriia aomata ao n teimatoa n ara waaki n aki kabuaa te koaua are ti ataia.

Unimwaane Neil L. Andersen: Ko kona ni kakoaua te tabo ae rangi n tamaroa aio? Ao ti na marooroa ngkai taekan te tei ibukin te koaua.

Irarikiu ikai bon aman kairake ni ikawai man aonon Wasthington D.C. Iai Zack, Sameeta; iai Joy; ao iai Ethan. Ti na taetae teutana ibukin te bwai are ti a tibwa nooria n ana reirei Beretitenti Oaks.

Tera ae roko n ara iango ngke ti kakauongo nakon ana taeka? Iai ae kan moanna mai iroumi?

Ethan: Bon te rinerine n taekinna, “N na riki bwa ana reirei Kristo. N na rinea Kristo e ngae ngkana e kangaanga, ke ngkana e tukai te bwai ae riki nakoiu. I ataia bwa e kona n tokanikai i aon anne ao ni buokai.”

Zach: Irou, e na kona ni kangaanga rinean Kristo ngkana akea ae nooriko. Ao N na keiakinna i bon irou, bwa N na kanga ni kabongana te tai ke n rineia bwa Nna riki bwa ana reirei Iesu Kristo, n te tai anne?

Unimwaane Neil L. Andersen: Iai irarikira n te bong aei Chris, Olivia; iai Lindsey, ao iai Kelson. Ao ti ingainga ni kan ongo am iango iaon te bwai are ko a tia n ongo mairoun Beretitenti Oaks. Lindsy, tera ae roko n am iango ngke ko ongo taeka aikai?

Lindsey: I ataia bwa te tei ibukin te koaua bon te bwai ae, n te aonaaba aei, e kona ni kangaanga, ma ko ataia bwa ko aki maroaa. Iai iroum te Tamnei, ao N na kangai bwa ngkana ko bubutiia te Tamnei bwa e na mena iroum n taai ni kangaanga, E na kairiko ngkanne ao n anganiko taeka ake ko riai n tibwai ibukina bwa ko aki maroaa, ngkoe kaain te tai ae kakaawaki n te aonaaba, are bon ana reirei Kristo ngkoe ao te tia tei ibukina.

Chris: I taku bwa te bwai ae kuneaki n taainako n te mwakoro n taeka ae “tei ibukin te koaua” bon kaotana bwa iai kakaitara tabeua, ao anne ae reke man te tei ibukin te koaua n taai aika a kangaanga. Ma I taku bwa te bwai ae buokai n ururing taian tua ake uoua ake a korakora: teuana bwa ti na tangira te Atua, are ti kaotia man iriiran ana tua nako, ao imwiina bwa ti na tangiriia naba raora. I taku bwa te kawai ae te kabanea n tamaroa ibukin te tei ibukin te koaua bon karikan te tabo ae kaoa te Tamnei n kakoauaa are ko taetae ibukina. Ao te kabanea n tamaroa ni kawai bon kaoan te tamnei man kaotan te tangira.

Unimwaane Neil L. Andersen: Imwain maroroan ara kauoua n rongorongo, ti kona ni kaota te tangira man taabo tabeua n te aonaaba?

Kairake n Ikawai mai Mozambrique: Ti mena i Munhahva, Mozambique. Ti tangiriko, Beretitenti Oaks.

Kairake n Ikawai ma BYU: Ti tangiriko, Beretitenti Oaks. Ti kakaitau ibukin maium n kakaota te onimaki. Ti tangiriko, Beretitenti Oaks.

Kurubu ni Kairake n Ikawai mai Tibein: Mauri, Beretitenti ao Titita Oaks! Ngaira mai Madrid, Spain. Kam rabwa ibukin ami reirei. Ti tangirii ngkami! Kisses!