Sauniaina ma Aoao Atu Lesona o Sauniuniga mo le Olaga: Aoaoina Atu o se Lesona

Sister Katrina Hunt: Ia. O nei, o outou, ia talanoa tou laulau po o le a se luitau faalelagona o feagai ma le tupulaga? Ia, tatou talanoa mo se minute.

VASEGA: (Talatalanoa)

Sister Hunt: I lau api talaaga, ou te manao ia e tusi ai se liutau faalelagona o loo feagai nei ma oe.

Ou te faamoemoe, a tou taape, o le a sili atu na tou lagona le talitonu mausali e mafai e le Faaola na fesoasoani ia oe, o le a fesoasoani, i ou luitau o feagai nei ma oe, i soo se luitau o foufou mai.

Lelei. E amata la, o ai le tatou faataitaiga sili i mea uma?

VASEGA: Iesu Keriso.

Sister Hunt: Manaia. Manaia tele. O lea ia outou su’e uma i le Isaia mataupu 53? Ma e mafai ona outou o i fuaiupu e 3 seia oo i le 5? Faitau filemu ia oe lava? Tusi i le pepa lea se fuaitau e tumatila ia oe? O tua ua i ai se upusii mai ia Elder Soares. E mafai na vase se mea e tumatila ia oe, pei foi o le mau?

Faatasi ai ma lau laulau, pe o le a e mafaufau i lenei mau, Isaia 53:3–5, ma le upusii a Elder Soares? E mafai na ta’u mai se upumoni e maua i nei punaoa faalelagi e lua? Fai loa.

VASEGA: (Talatalanoa)

Sister Hunt: Ua lelei. E i ai se laulau e fia faasoa mai? Le a se upumoni na tou maua?

Opia.

Opia: O le upumoni na maua i le upusii. Fai mai, “Ua ofo mai e le Faaola le toomaga ma le mafanafana.” Ou te fiafia i ai ona ua Ia silafia mea o tatou oo i ai, ma i ai ma i tatou i taimi uma. Tatou te manatu i isi taimi ua tuua na’o tatou, ae a tatou aapa atu ia te Ia, e tali mai lava.

Sister Hunt: Manaia. E silafia e le Faaola mea o feagai ma tatou.

Le a se mea e mafai ona Ia faia i ai?

Opia: E mafai ona Ia ofoina mai ia i tatou se tasi e i ai iina mo i tatou, o se tasi tatou te iloa e mafai ona tatou o i ai i taimi uma, ma tuuina mai ia i tatou le filemu o le mafaufau.

Sister Hunt: Manaia. I le amataga sa e ta’ua ai, e faamafanafana i tatou, a? E tuu mai e Ia le filemu ma le mafanafana.

Ia, ou te iloa o lenei upumoni na tou ta’u mai mai le mau ma Elder Soares, e moni. I lo’u olaga, na i ai taimi e leai se isi e iloa o’u faalogona. Ae na silafia e le Faaola, ma Ia tuu mai le filemu ma le mafanafana. Tatou faia la i le vaai faalemafaufau i ai.

Lelei. Ia outou uma moeiini o outou mata. Ma e mafai ona tou mafaufau i le luitau faalelagona sa e tusia i lau api talaaga. La’a ou fesili atu nai fesili. Tau o le tou mafaufau i ai. A uma, ni nai minute, ia pupula tou mata, ma tusi i lalo ni tou manatu ma lagona. Lelei?

Fesili muamua: Ana i ai le Faaola ma oe, o le a se mea e fai e le Faaola? Mata o le a se mea e fai e le Faaola a o e feagai ma lou liutau faalelagona? O a ni ou mafaufauga ma lagona?

Lesi fesili: Le a Sana tala ia te oe? Le a se mea Na Te fai atu e te faia?

Lesi mea: Le a se mea e fesoasoani Lona i ai, alofa, ma lagolago e te taulima ma faatoilalo ai lou popole faalelagona?

Pupula tou mata ma tusi i lau api talaaga soo sou manatu ma lagona na i ai?