Sauniaina ma Aoao Atu Lesona o Sauniuniga mo le Olaga: Folasaga

Uso Jason Willard: Talofa, o lo’u igoa o Jason Willard. Pei o outou,ou te alofa ma lo’u loto atoa i le Tama Faalelagi ma Lona Alo, o Iesu Keriso. Te alofa i le tupulaga ma talavou matutua i le lalolagi atoa. Pei o outou, ou te faamoemoe tele e fesoasoani e faaloloto lo latou liua ia Iesu Keriso ma Lana talalelei toefuataiina, agavaa mo manuia o le malumalu, ma ia saunia i latou, latou aiga, ma isi mo le ola faavavau ma le Tama oi le Lagi.

I lena iuga, ou te fia faasoa atu ni manatu e faigofie ai ona e sauni ma aoao atu lesona Sauniuniga o le Olaga. O Ianuari 2024, na faailo mai ai e Uso Webb nei lesona faaleautu e aoao faatasi pe lua i le vaiaso. Sa atina a’e mai autu pei o le sauni mo le misiona, malumalu ma aoga; tomai suesue i tusitusiga paia; tinou faalelagona; tomai o le olaga; ma aoaoga a perofeta o aso e gata ai.

Sa ia faasoa mai foi le vaaiga mamao ma le faamoemoega o nei lesona Sauniuniga o le Olaga, i le fai mai:

Uso Chad H Webb: O lo matou faamoemoe ia fesoasoani i se tupulaga o talavou ia iloa le ala e suesue ai tusitusiga paia ma ia tamau i aoaoga a perofeta soifua. O se tupulaga o talavou e malolosi faalelagona, o e e i ai tomai ma le gafatia e faamanuiaina ai i aoga, avea ma tama ma tina amiotonu, ma o le a ta’ita’i i le Ekalesia ma i o latou nuu. E fesoasoani i se tupulaga ia saunia ia malamalama i feagaiga o le malumalu, e tuuto loloto e tausi feagaiga, ma se tupulaga o faifeautalai agavaa, ta’uaogaina, malolosi faaleagaga, ma saunia e fai ma sui o le Faaola e valaaulia le lalolagi e omai ia te Ia.

E faamoemoe ia saunia se tupulaga o so’o o Iesu Keriso ua liua loloto ia te Ia ma Lana talalelei toefuataiina i le olaga atoa.

Uso Jason Willard: I le asiasi ma faiaoga o nei lesona faaautuina i le tausaga ua te’a, ua iloa ai le tino moni mai o lenei faamoemoe. O faiaoga e mafaufau i lenei iuga, le vaaiga mamao i tagata e avea ai le tupulaga, ua vaai i vavega na faamoemoeina e Uso Webb. O le tāmau o le aisea o lesona Sauniuniga o le Olaga i mafaufau, tatou talanoa i le e faapefea ona saunia ma aoao atu nei lesona. Sa ou aoao atu se tasi o nei lesona Sauniuniga o le Olaga i se vasega seminare. O a’u o se peteriaka faauuina i la’u siteki, sa ou manatu e faigofie le aoao atu i faamanuiaga faapeteriaka. Sa ou alu ma le faamoemoe e aoao atu i faamanuiaga faapeteriaka.

Sa o se aafiaga lelei. Ina ua uma, sa ma talanoa ma se tasi o tusi mataupu aoaoina ma iloa ai o lea lesona, ma isi lesona Sauniuniga o le Olaga, sa tusia e fesoasoani i le faiaoga ia sili atu mea e fai nai lo na o le aoao atu e uiga i se autu patino. O lesona taitasi e tolu vaega autu: faamoemoega patino, upumoni malosi i le afioga a le Atua, ma se gaoioiga e mafai e tagata aoga uma ona faaalia ai lo latou aoaoina.

Ma nei tulaga autu e tolu, sa ou sauni ai e toe aoao atu lea lava lesona i se isi vasega seminare ese. Sa iloga le ese o le aafiaga o le aoaoina. Sa faaalia e tagata aoga ua maua faamanuiaga faapeteriaka se manao moni e suesue loloto i o latou faamanuiaga. O se alii talavou e le galo lava na faasoa i lona manao e sauni ma le filiga mo se misiona na ta’ua i lona faamanuiaga.

I tamaiti e le’i maua faamanuiaga faapeteriaka sa i ai se tamaitai sa faasoa mai ma loimata ona lagona ia vave maua lona faamanuiaga. Sa le toe avea au ma tagata tomai faapitoa—le peteriaka—o loo aoao atu e uiga i faamanuiaga faapeteriaka. Sa ou faia mea e fai e soo se faiaoga i le lalolagi ona o nei tomai faavae e tolu. Ina ia fesoasoani ia tou maua ma au tagata aoga ni lesona sui-olaga Sauniuniga o le Olaga, sei vaai pe faape’i i se lesona faafaiaoga, i se tapenaga patino a le faiaoga, ma iu ai i le potuaoga ma tagata aoga.