Sauniaina ma Aoao Atu Lesona o Sauniuniga mo le Olaga: Sauniaina o se Lesona

O le lesona o taeao o le lesona 185: “Fausiaina o le Malosi Faalelagona i le Alii.” O le a ou maua le faamoemoega o lenei lesona o le Sauniuniga o le Olaga iinei. O loo iinei. “O lenei lesona o le a lagona ai e tagata aoga le mautinoa o le lagolago a le Faaola i le fausiaina o le lagona maumaututu.” O le a ou matauina lena mea. Ua lelei. O le a ou sailia le moni o le upumoni i le lesona.

E foliga mai o loo iinei. “E mafai ona faamafanafana ma faamalosia o tatou luitau e Iesu Keriso aua sa Ia oo foi i ai.” O le a ou matauina foi lena mea. Te fia vaai po o fea i tusitusiga paia ma upu a perofeta tatou te iloa ai lena upumoni. E foliga mai o loo ta’ua i le Isaia 53:3–5. O le a ou sueina na mau.

Ma o le a ou sailia lenei upumoni i nei mau. O le a ou makaina lena mea—“tauaveina o tatou faanoanoaga ma mafatiaga, o lē ua puapuagatia, manu’a i o tatou solitulafono.” E foliga mai e i ai foi se upusii mai ia Elder Soares. O le a ou makaina foi manatu o loo faaalia ai lea upumoni. “Ua tumu le Faaola i le alofa ona sa Ia oo i ai ma tauave i Ona lava luga i le tino le tiga o o tatou vaivaiga.”

Ma ou te sailia le mea e mafai ona faaalia ai e tamaiti aoga lenei mea. E foliga mai i le faaiuga o le a tatou faamoeiiniina i latou ma vaai faalemafaufau i le faatasi ai o le Faaola ma i latou i taimi faigata. O le a ou matauina foi lena mea.