Ko e Teuteu mo e Akoʻi ʻo e Ngaahi Lēsoni Teuteu ki he Moʻuí: Ko Hono Teuteuʻi ʻo ha Lēsoni

Ko e lēsoni ʻapongipongí ko e lēsoni 185: “Ko Hono Langaki ha Mālohi Fakaeloto ʻi he ʻEikí.” Te u maʻu heni ʻa e taumuʻa ʻo e lēsoni Teuteu ki he Moʻuí ko ʻení. ʻOku ʻi heni ia. “ʻE lava ke tokoni ʻa e lēsoni ko ʻení ke ongoʻi ʻe he kau akó ha loto-falala ʻe poupouʻi kinautolu ʻe he Fakamoʻuí ʻi hono fakatupulaki ʻo e loto-vilitaki fakaelotó.” Te u tohiʻi ia. Sai. Te u kumi leva ʻi he taimí ni ʻa e moʻoni ʻoku tohi mataʻāʻā ʻi he lēsoní.

Hangehangē ko ʻeni iá. “ʻE lava ke fakafiemālieʻi mo fakamālohia kitautolu ʻe Sīsū Kalaisi ʻi hotau ngaahi faingataʻaʻia fakaelotó he kuó Ne aʻusia foki mo kinautolu.” Te u tohiʻi foki mo ia. ʻOku ou fie sio pe ko fē ʻi he ngaahi folofolá mo e ngaahi lea ʻa e kau palōfitá te tau lava ʻo ʻiloʻi ai ʻa e moʻoni ko ʻení. ʻOku hangehangē ko ʻĪsaia 53:3–5 ʻoku ʻasí. Te u kumi hake ia.

Pea te u kumi ʻa e moʻoni ko ʻení ʻi he veesi folofola ko ʻení. Te u fakaʻilongaʻi mahino ia—“kuó ne toʻo kiate ia ʻa ʻetau ngaahi vaivaí mo e ngaahi mamahí, kuó ne mamahiʻia, lavea koeʻuhí ko ʻetau ngaahi angahalá.” Pea ʻoku hangē foki ʻoku ʻi ai ha lea meia ʻEletā Soālesi. Te u fakaʻilongaʻi ʻa e ngaahi fakakaukau ʻoku fakatātaaʻi foki ai ʻa e moʻoni ko ʻení. “ʻOku fonu ʻa e loto ʻo e Fakamoʻuí ʻi he ʻaloʻofá koeʻuhí he naʻá Ne aʻusia fakataautaha pea toʻo kiate ia ʻi he kakanó ʻa e faingataʻa ʻo hotau vaivaí mo e mamahí.”

Pea ko e hokó, te u kumi ʻa e feituʻu ʻe lava ʻe he tokotaha ako takitaha ʻo fakatātaaʻi ai ʻení. ʻOku hangē ko e konga fakaʻosí ʻoku pehē ai te nau kuikui honau matá pea fakakaukauloto ki he Fakamoʻui kuo toetuʻú ʻoku ʻiate kinautolu lolotonga honau faingataʻaʻiá. Te u tohiʻi foki mo ia.