Togavao i Sisifo

O le Togavao i Sisifo ua toe fatuina ai se tamai tulaga o laau i lalo ifo o le mauga mai le Malumalu o Navu. O se tasi lea o le tele o avanoa e fono ai i fafo lea na faapotopoto ai le Au Paia o Aso e Gata Ai i le 1840 e tapuai faatasi. I lenei nofoaga filemu i fafo, sa aoao atu ai e Iosefa Samita ma isi taitai o le Ekalesia ia upumoni o le talalelei toefuataiina a Iesu Keriso.

O punavai o tala faasolopito e le itiiti ifo ma le lua ni togavao po o ni tulaga o laau e latalata i le Malumalu o Navu. O le tasi sa i le itu i sasae tonu lava o le nofoaga o le fale, ae o le isi i le itu i sisifo. O minute o fonotaga e masani lava ona faailoa mai ai le nofoaga o “le tulaga” po o “le togavao,” o lea ua le manino ai po o fea lauga na faia i fea le nofoaga. I tausaga na sosoo ma le 1846, na tipiina ai laau mo fafie ma laupapa. I le 2015, na toe totoina ai laau i sisifo o le malumalu e avea o se faaopoopoga i le malumalu na toe fausia. O le a oo atu lo latou matua i le 2039, o le ^lona 200 tausaga o le faavaeina o Navu.

I le vaitau o le 1840, sa faamoemoe le Au Paia o Aso e Gata Ai e faaaoga le Malumalu o Navu mo sauniga tapuai faalevaiaso, maliu, ma isi sauniga faalelotu, e pei lava ona sa latou faia muamua i Katelani, Ohaio. A o fausiaina le malumalu, sa latou potopoto faatasi i fale, fale mo tagata lautele, po o fafo i le paolo o laau. O se tasi o lauga e manatua pea na tupu i le Vao i Sisifo i le aso 31 o Aokuso, 1842, i le taimi o se fonotaga a le Aualofa a Tamaitai Navu . I lena taimi, sa faamalamalama atu ai e Iosefa Samita i tuafafine o le Ekalesia e faapea, sa ia mauaina se malamalamaaga fou e ala i faaaliga e uiga i le papatisoga sui mo tuaa ua maliliu. I ni nai aso mulimuli ane,na tusia ai faaaliga_ e le perofeta mo le Ekalesia atoa.

O Mea e Faamoemoe i ai

E le o tatalaina le West Grove i le taimi nei mo tagata asiasi. E mafai ona maimoaina mai le Fale o Edward ma Ann Hunter, lea e aofia ai se faailoga faaliliu. E mafai foi ona maimoaina mai se mea mamao pe a tietie atu i lalo o le Mulholland Street.