Nofoaga Iloga
O Navu Ilinoi Iloga ma le Falepuipui o Karefasi
O Navu Iloga ma le Falepuipui o Karefasi o nofoaga ia na tutupu ai mea taua i le vaitau o le uluai talafaasolopito o Le Ekalesia a Iesu Keriso o le Au Paia o Aso e Gata ai. Aoao atili e uiga i faavae o le Ekalesia ma ona tagata faatuatua o e sa faapotopoto ma fausia le aai o Navu.
O Le Iloa o Navu ma Karefasi
E tele avanoa ua ofoina mai e le Navu Iloga ma le Falepuipui o Karefasi mo le aoaoina ma musumusuga. Pe o e asiasi patino pe i luga o upega tafa’ilagi, matou te valaaulia oe e vailiili fale iloga, ia iloa ni tala fou, ma fesootai i le tuanai.
Aoao le talafaasolopito o le Au Paia i Navu ma Karefasi a o latou fausia se nuu o le feagaiga.
Vailiili pe na faapefea ona fesoasoani le Malumalu o Navu i le Au Paia ia malamalama i faamanuiaga folafolaina a le Alii.
Faitau atili e uiga i le soifuaga o Iosefa ma Ema i Navu.
E Uiga i Navu Ilinoi Iloga
O Navu Iloga ua tuuina atu ai i tagata asiasi le avanoa e iloa ai le taimi ua tuanai ma aoao ai pe na faapefea e uluai tagata o Le Ekalesia a Iesu Keriso o le Au Paia o Aso e Gata Ai ona soifua ma tapuai. I le vaitau o le 1840, na avea Navu ma se aai lauolaola faatasi ai ma se malumalu ma’a matagofie, o se faatusa o le faatuatua, tumau, ma le filiga o le Au Paia. E ui ina sa tatau ona tuua e le Au Paia ia Navu ma toe amata i Iuta, ae o faavae na faataatitia iinei o loo faaauau pea ona aafia ai le Ekalesia i aso nei. E ala mai fale na toefuatai ma toefausia, tatou te manatua ai tala o na tagata faatuatua o e sa fesoasoani e fau lenei nuu o le feagaiga.