Faapaologa Maa o le Malumalu

O loo tu le faapaologa i se fanua e afa eka sa nofoia e le aiga o Jones o e sa nonofo iinei mai le pe tusa o le 1841 i le 1846. O le au Jones sa auai i le nuu o le feagaiga a Navu. E pei o isi, sa latou faia ni osigataulaga tetele e fesoasoani ai e fausia le Maota o le Alii i le vaitau o le 1840. I aso nei, o loo faaaoga e se faapaologa o gaoioiga ia meafaigaluega faaonapo nei e faaalia ai le galuega o le eliina, mamanuina ma le faatuina o le maa sa faaaoga e fausia ai le Malumalu o Navu.

Na faaipoipo Viliamu ma Elisapeta Jones i le 1825, ma liua i Le Ekalesia a Iesu Keriso o le Au Paia o Aso e Gata Ai a o nonofo ai i Cincinnati, ma siitia atu i Navu i le 1840 ia Tesema. Na fanauina e Elisapeta le la tama lona sefulutasi ma le mulimuli a o la nonofo ai i lenei fanua.

O Viliamu Sione o se tagata e tomai i le tipiina o maa o le na mamanuina le uluai maa o le masina mo le Malumalu o Navu. O Viliamu e mai le Taulaga o Bristol (lea na mulimuli ane avea ma se vaega o Filatelefia), Penisilevania, ma sa fanau Elisapeta i le Aai o Niu Ioka, Niu Ioka. Na auai Elizabeth Jones i le Aualofa a Tamaitai o Navu i lana uluai fonotaga i le aso 17 o Mati, 1842. Sa faatagaina o ia e ao mai foai mo le Aualofa lea na fesoasoani e faatupe ai le fausiaina o lmalumalu ma sa ia lagolagoina atili tagata faigaluega o le malumalu e ala i le faaleleia o ofutino. I le aso 31 o Ianuari, 1846, na maua ai e Viliamu ma Elisapeta Sione o la faaeega paia i le Malumalu o Navu.

O Mea e Faamoemoe i ai

O le Faapaologa Maa o le Malumalu o se avanoa fesootai lea e i ai gaoioiga e pei o le suisui, vaneina, polesiina, ma le siitiaina o maa amu. O le a saunia e faifeautalai ni ipu malamalama ma totigilima mo le puipuiga, ma e tatau ona faia gaoioiga i lalo o la latou vaavaaiga.