ការរៀបចំខ្លួនធ្វើជាអ្នកផ្សព្វផ្សាយសាសនា ៖ មេរៀនទី ១៩៩
តួនាទីនៃព្រះវិញ្ញាណបរិសុទ្ធនៅក្នុងកិច្ចការផ្សព្វផ្សាយសាសនា
« ចូរបើកមាត់អ្នក ហើយមាត់នោះនឹងបានពោរពេញ »
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
បងប្រុស និងបងស្រី កាផិនដា ម្នាក់មកពីសាធារណរដ្ឋប្រជាធិបតេយ្យកុងហ្គោ ហើយម្នាក់មកពីប្រទេសសំប៊ី បានផ្លាស់មករស់នៅអាហ្វ្រិកខាងត្បូងនាពេលថ្មីៗនេះ ។ ពួកគាត់កំពុងស្វែងរកព្រះវិហារដើម្បីចូលរួម ។ បងប្រុស កាផិនដា បានបើកហាងកាត់សក់តូចមួយ ហើយដាក់រូបព្រះយេស៊ូវគ្រីស្ទនៅជាប់បង្អួច ។
ថ្ងៃមួយក្នុងខែមិថុនា [ ពួកអ្នកផ្សព្វផ្សាយសាសនាពីររូប ] បានដើរកាត់ហាងកាត់សក់ នៅពេលពួកគេបានសម្គាល់ឃើញរូបភាពនោះ ។ ទោះបីពីដំបូងពួកគេបានដើរហួសទៅហើយក្ដី ក្រោយមកពួកគេត្រូវបានបំផុសគំនិតឲ្យត្រឡប់ក្រោយវិញ ។
បងប្រុស កាផិនដា បាននៅឯផ្លូវម្ខាងទៀត នៅពេលដែលពួកអែលឌើរបានដើរកាត់ពីដំបូង ប៉ុន្ដែនៅពេលគាត់បានឃើញពួកគេត្រឡប់មកវិញ គាត់បានឆ្លងផ្លូវមកជួបនឹងពួកគេ ។ នៅពេលគាត់ប្រាប់ថាគាត់ជាម្ចាស់ហាងនោះ ពួកអ្នកផ្សព្វផ្សាយសាសនាបាននិយាយថាពួកគេបានឃើញរូបភាពព្រះអង្គសង្គ្រោះ ហើយចង់ប្រាប់គាត់អំពីដំណឹងល្អរបស់ព្រះយេស៊ូវគ្រីស្ទ ។ គាត់បានចាប់អារម្មណ៍ណាស់ ។ … គាត់បានទៅព្រះវិហារជាច្រើន ប៉ុន្ដែបានពន្យល់ថា « នៅពេលខ្ញុំបានទៅព្រះវិហារទាំងនោះ ដួងចិត្ដរបស់ខ្ញុំមិននៅទីនោះទេ » ។ គាត់បានដឹងថាថ្ងៃណាមួយគាត់នឹងរកឃើញព្រះវិហារត្រឹមត្រូវ ដូចនេះគាត់បានអញ្ជើញពួកអែលឌើរទៅផ្ទះគាត់ ។ ( « Picture in the Barbershop » AfricaSouth.ChurchofJesusChrist.org )
មួយខែក្រោយមក បងប្រុស និងបងស្រី កាផិនដា បានទទួលបុណ្យជ្រមុជទឹកចូលក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
ខណៈដែលព្រះវរបិតាសួគ៌បានសុំឲ្យយើងចែកចាយដំណឹងល្អនៃព្រះយេស៊ូវគ្រីស្ទជាមួយអ្នកដទៃ ទ្រង់មិនរំពឹងឲ្យយើងធ្វើដូច្នេះតែម្នាក់ឯងនោះទេ ។ នៅពេលអ្នករៀនទទួលស្គាល់ និងធ្វើតាមព្រះវិញ្ញាណ នោះទ្រង់នឹងដឹកនាំអ្នកក្នុងកិច្ចខិតខំផ្សព្វផ្សាយសាសនារបស់អ្នក ។
គោលបំណងមេរៀន ៖ ដើម្បីជួយអ្នកឲ្យរុករកនូវរបៀបដែលព្រះវិញ្ញាណអាចជួយអ្នកចែកចាយដំណឹងល្អនៃព្រះយេស៊ូវគ្រីស្ទ ។
រៀនអំពីរបៀបធ្វើ
តួនាទីរបស់ព្រះវិញ្ញាណបរិសុទ្ធ
ព្យាការី យ៉ូសែប ស្ម៊ីធ ( ឆ្នាំ១៨០៥–១៨៤៤ ) បានពន្យល់ ៖
ទាំងអស់គ្នាត្រូវផ្សព្វផ្សាយដំណឹងល្អ ដោយព្រះចេស្តា និងឥទ្ធិពលនៃព្រះវិញ្ញាណបរិសុទ្ធ ហើយគ្មាននរណាម្នាក់អាចផ្សាយដំណឹងល្អដោយគ្មានព្រះវិញ្ញាណបរិសុទ្ធបានឡើយ ។ ( Teachings of Presidents of the Church: Joseph Smith ទំព័រ៣៣២ )
កិច្ចការផ្សព្វផ្សាយសាសនា ព្រះវិញ្ញាណបរិសុទ្ធ
ព្រះអម្ចាស់ជួយអ្នកឲ្យចែកចាយដំណឹងល្អរបស់ទ្រង់ជាមួយអ្នកដទៃ ដោយការចាត់ព្រះវិញ្ញាណបរិសុទ្ធឲ្យមកជួយអ្នក ( សូមមើល គោលលទ្ធិ និងសេចក្ដីសញ្ញា ៧៩:១–២ ) ។ ព្រះគម្ពីរបង្រៀនយើងពីរបៀបដែលព្រះវិញ្ញាណបរិសុទ្ធអាចជួយយើងក្នុងការខិតខំផ្សព្វផ្សាយសាសនារបស់យើង ។
សូមអានវគ្គបទគម្ពីរប្រាំ ឬច្រើនជាងនេះ នៅខាងក្រោមនេះ ។ សូមដាក់ស្លាកវគ្គបទគម្ពីរទាំងនេះថា « ព្រះវិញ្ញាណបរិសុទ្ធ » ។ « ព្រះនាមផ្សេងទៀតដែលជួនកាលសំដៅទៅលើព្រះវិញ្ញាណបរិសុទ្ធគឺ ព្រះវិញ្ញាណដែលបរិសុទ្ធ ព្រះវិញ្ញាណនៃព្រះ ព្រះវិញ្ញាណនៃព្រះអម្ចាស់ ព្រះដ៏ជាជំនួយ និងព្រះវិញ្ញាណ » ( សូមមើល Bible Dictionary « Holy Ghost » ) ។
-
យ៉ូហាន ១៤:២៦ ( ព្រះយេស៊ូវបង្រៀនពួកសាវកដប់ពីរនាក់ក្នុងអំឡុងអាហារចុងក្រោយ ) ។
-
យ៉ូហាន ១៦:១៣ ( ព្រះយេស៊ូវបន្តបង្រៀនពួកសាវកដប់ពីរនាក់ក្នុងអំឡុងអាហារចុងក្រោយ ) ។
-
រ៉ូម ៥:៥ ( ប៉ុលបង្រៀនពួកបរិសុទ្ធនៅក្រុងរ៉ូម ) ។
-
នីហ្វៃទី២ ៣៣:១ ( នីហ្វៃពន្យល់ពីភាពទន់ខ្សោយរបស់លោកក្នុងការសរសេរ ) ។
-
អាលម៉ា ១៧:៣ ( ការរៀបរាប់អំពីពួកបុត្រារបស់ស្ដេចម៉ូសាយ ) ។
-
នីហ្វៃទី៣ ២៨:១១ ( ព្រះយេស៊ូវគ្រីស្ទបង្រៀនពួកសាសន៍នីហ្វៃ ) ។
-
គោលលទ្ធិ និងសេចក្ដីសញ្ញា ៣១:១១ ( វិវរណៈមួយត្រូវបានប្រទានដល់ ថូម៉ាស ប៊ី ម៉ាស ) ។
-
គោលលទ្ធិ និងសេចក្ដីសញ្ញា ១០០:៥–៨ ( ស៊ីដនី រីហ្គដុន និង យ៉ូសែប ស្ម៊ីធ ទទួលបានការលួងលោមមកពីព្រះ ) ។
-
ម៉ូសេ ៦:៣២, ៣៤ ( ព្រះអម្ចាស់មានព្រះបន្ទូលទៅកាន់ព្យាការីអេណុក ) ។
ដោយប្រើអ្វីដែលអ្នកបានរកឃើញនៅក្នុងវគ្គបទគម្ពីរទាំងនេះ សូមកត់ត្រានៅក្នុងសៀវភៅកត់ចំណាំរបស់អ្នកនូវវិធីបីផ្សេងៗគ្នា ដែលអ្នកអាចបញ្ចប់សេចក្ដីថ្លែងការណ៍ខាងក្រោម ៖
-
ព្រះវិញ្ញាណបរិសុទ្ធអាច …
តើព្រះវិញ្ញាណបរិសុទ្ធមានតួនាទីអ្វីនៅក្នុងការជួយអ្នកចែកចាយដំណឹងល្អរបស់ព្រះអង្គសង្គ្រោះជាមួយអ្នកដទៃ ?
អែលឌើរ រ៉ូណល អេ រ៉ាសបាន ក្នុងកូរ៉ុមនៃពួកសាវកដប់ពីរនាក់ បានចែកចាយនូវបទពិសោធន៍មួយអំពីរបៀបដែលព្រះវិញ្ញាណបរិសុទ្ធបានជះឥទ្ធិពលដល់លោកក្នុងនាមជាអ្នកផ្សព្វផ្សាយសាសនា ។ សូមរកមើលកន្លែងដែលអ្នកមើលឃើញឥទ្ធិពលរបស់ព្រះវិញ្ញាណបរិសុទ្ធនៅក្នុងបទពិសោធន៍របស់លោកក្នុងការចែកចាយដំណឹងល្អរបស់ព្រះយេស៊ូវគ្រីស្ទ ។
នៅព្រឹកមួយនារដូវក្តៅខែកក្កដា ដៃគូខ្ញុំ និងខ្ញុំទទួលអារម្មណ៍បំផុសគំនិតឲ្យយើងរកមើលក្នុងការណែនាំ សាសនាគន់ការីមកពីវិសាលដ្ឋាននៃព្រះវិហារបរិសុទ្ធ។ យើងបានគោះទ្វារផ្ទះគ្រួសារ អែលវួដ ស្កាហ្វើរ ។ លោកស្រី ស្កាហ្វើរ បានប្រាប់ឲ្យយើងចេញទៅវិញដោយការគួរសម ។
ពេលគាត់ហៀបនឹងបិទទ្វារ ខ្ញុំទទួលអារម្មណ៍ឲ្យធ្វើអ្វីមួយ ដែលខ្ញុំពុំធ្លាប់ធ្វើពីមុន ហើយពុំធ្លាប់ធ្វើវាឡើយតាំងពីពេលនោះមក ! ខ្ញុំបានដាក់ជើងខ្ញុំខ្ទាស់នឹងទ្វារ ហើយខ្ញុំសួរថា « តើមាននរណាផ្សេងទៀតដែលអាចចាប់អារម្មណ៍នឹងសារលិខិតរបស់យើងទេ ? » ម៉ាទី កូនស្រីអាយុ១៦ឆ្នាំរបស់គាត់ពិតជាមានចំណាប់អារម្មណ៍យ៉ាងខ្លាំង ហើយបានអធិស្ឋានដោយស្មោះត្រង់សុំការណែនាំកាលពីមួយថ្ងៃមុននោះ ។ ម៉ាទី បានជួបយើង ហើយក្នុងពេលនោះម្តាយនាងក៏បានចូលរួមក្នុងការពិភាក្សានោះផងដែរ ។ ពួកគេទាំងពីរនាក់បានចូលជាសមាជិកសាសនាចក្រ ។ ( « Let the Holy Spirit Guide » Liahona ខែឧសភា ឆ្នាំ២០១៧ ទំព័រ ៩៤ )
នៅពេលអ្នកត្រូវបានបំផុសគំនិតដោយព្រះវិញ្ញាណបរិសុទ្ធ សូមចែកចាយអ្វីមួយ ខាងក្រោមជាមួយអ្នកដែលអ្នកស្គាល់ ។
-
តើនៅពេលណាដែលព្រះអម្ចាស់បានជួយអ្នក ឬនរណាម្នាក់ដែលអ្នកស្គាល់ឲ្យចែកចាយដំណឹងល្អនៃព្រះយេស៊ូវគ្រីស្ទ ដោយមានជំនួយពីព្រះវិញ្ញាណបរិសុទ្ធ ?
-
តើនៅពេលណាដែលអ្នកបានទទួលអារម្មណ៍នូវឥទ្ធិពលនៃព្រះវិញ្ញាណបរិសុទ្ធ នៅពេលនរណាម្នាក់ចែកចាយដំណឹងល្អជាមួយអ្នក ?
ការសិក្សាស៊ីជម្រៅ ៖ សូមមើល « ជំពូកទី ៤ ៖ ស្វែងរក និងពឹងផ្អែកលើព្រះវិញ្ញាណ » នៃ ប្រកាសដំណឹងល្អរបស់យើង ៖ មគ្គុទេសក៍ចែកចាយដំណឹងល្អនៃព្រះយេស៊ូវគ្រីស្ទ ( ឆ្នាំ២០២៣ ) ទំព័រ ១០១–១១១ ។
ការស្វែងរកព្រះវិញ្ញាណបរិសុទ្ធ នៅពេលយើងចែកចាយដំណឹងល្អរបស់ព្រះយេស៊ូវគ្រីស្ទ
ព្រះវិញ្ញាណបរិសុទ្ធនឹងជួយអ្នកដឹងពីអ្វីដែលត្រូវធ្វើ និងនិយាយនៅពេលអ្នកចំណាយពេលដើម្បីគិតអំពីរបៀបដែលអ្នកអាចចែកចាយដំណឹងល្អរបស់ព្រះយេស៊ូវគ្រីស្ទ ។ ការជញ្ជឹងគិតរបៀបដែលអ្នកអាចចែកចាយនឹងជួយអ្នកមាននូវទំនុកចិត្តជាងមុន នៅពេលមានឱកាសហុចឲ្យ ។
សូមជ្រើសរើសស្ថានភាពមួយ ក្នុងចំណោមស្ថានភាពខាងក្រោមដែលអ្នកអាចមានឱកាសចែកចាយដំណឹងល្អរបស់ព្រះយេស៊ូវគ្រីស្ទ ។ ឬអ្នកអាចគិតរកស្ថានភាពមួយដោយខ្លួនឯង ។
-
មិត្ដម្នាក់របស់អ្នកមានសំណួរអំពីជំនឿសាសនារបស់អ្នក ។
-
អ្នកកំពុងលួងលោមសមាជិកគ្រួសារម្នាក់ ។
-
អ្នកកំពុងបង្រៀនមេរៀនមួយនៅព្រះវិហារ ។
-
អ្នកកំពុងចុះផ្សាយអ្វីមួយនៅលើបណ្ដាញសង្គម ។
សូមកត់ត្រានៅក្នុងសៀវភៅកត់ចំណាំរបស់អ្នកនូវវិធីពីរ ឬបីដែលអ្នកអាចចែកចាយដំណឹងល្អរបស់ព្រះយេស៊ូវគ្រីស្ទនៅក្នុងស្ថានភាពដែលអ្នកបានជ្រើសរើស ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យរុករកនូវរបៀបដែលព្រះវិញ្ញាណអាចជួយអ្នកចែកចាយដំណឹងល្អនៃព្រះយេស៊ូវគ្រីស្ទ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
វិធីមួយ ឬពីរដែលអ្នកអាចចែកចាយដំណឹងល្អនៅក្នុងស្ថានភាពដែលអ្នកបានជ្រើសរើស ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?