ការរៀបចំខ្លួនធ្វើជាអ្នកផ្សព្វផ្សាយសាសនា ៖ មេរៀនទី ១៩៧
ការចែកចាយដំណឹងល្អតាមរបៀបធម្មតាៗ
ការចែកចាយដំណឹងល្អអាចជាផ្នែកមួយនៃជីវិតប្រចាំថ្ងៃ
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
សូមគិតថា អ្នកត្រូវបានអញ្ជើញឲ្យទៅហូបអាហារពេលព្រឹកនៅផ្ទះមិត្តភក្ដិម្នាក់ ។ អ្នកឃើញទឹកក្រូចមួយថូធំ ដែលទើបច្របាច់ស្រស់ៗនៅលើតុ ដែលមិត្តរបស់អ្នកបានចាក់ក្នុងកែវគាត់ ។ ប៉ុន្ដែគាត់មិនបានចាក់ឲ្យអ្នកទេ ។ ទីបំផុត អ្នកសួរថា « តើខ្ញុំអាចសុំទឹកក្រូចមួយកែវបានទេ ? »
គាត់ឆ្លើយថា « អូ៎ ខ្ញុំសុំទោស ។ ខ្ញុំខ្លាចអ្នកមិនចូលចិត្តទឹកក្រូច ហើយខ្ញុំមិនចង់ឲ្យអ្នកពិបាកទទួលនូវអ្វីដែលអ្នកមិនចង់បាន » ។
ឥឡូវនេះ ទោះវាមិនទំនងក្ដី ប៉ុន្ដែវាមិនខុសគ្នាប៉ុន្មានទេពីរបៀបដែលយើងស្ទាក់ស្ទើរនឹងផ្ដល់អ្វីមួយដែលផ្អែមជាងទឹកក្រូចឆ្ងាយណាស់ ។ ( រ៉ូប៊ើត ស៊ី អូក « Sharing the Gospel » Ensign ខែវិច្ឆិកា ឆ្នាំ២០០០ ទំព័រ ៨១ )
កិច្ចការផ្សព្វផ្សាយសាសនា ទឹកក្រូច
គោលបំណងមេរៀន ៖ ដើម្បីជួយអ្នកឲ្យហាត់ចែកចាយដំណឹងល្អនៃព្រះយេស៊ូវគ្រីស្ទជាមួយអ្នកដទៃតាមរបៀបធម្មតាៗ ។
រៀនអំពីរបៀបធ្វើ
មូលហេតុដែលយើងចែកចាយ
សូមសិក្សាវគ្គបទគម្ពីរខាងក្រោមចំនួនបី ឬច្រើន ហើយរកមើលមូលហេតុដែលអ្នកចង់ឲ្យមនុស្សជាទីស្រឡាញ់របស់អ្នកដឹងអំពីព្រះអង្គសង្គ្រោះ ។ នៅជាប់នឹងវគ្គបទគម្ពីរដែលអ្នកជ្រើសរើស សូមធ្វើកំណត់ចំណាំដែលបំពេញសេចក្ដីថ្លែងការណ៍ខាងក្រោមនេះ ៖
ខ្ញុំចង់ឲ្យគ្រួសារខ្ញុំដឹងការណ៍នេះ ពីព្រោះ …
-
ព្រះអម្ចាស់កំពុងមានព្រះបន្ទូល ៖
-
អេសាយ ១:១៨
-
អេសាយ ៤៣:២៥
-
អេសាយ ៥៤:១០
-
-
អេសាយកំពុងនិយាយអំពីព្រះអម្ចាស់ ៖
-
អេសាយ ២៥:៤, ៨–៩
-
អេសាយ ៤០:២៨–៣១
-
យកឈ្នះលើភាពស្ទាក់ស្ទើរ
អែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់ បានផ្ដល់ការណែនាំពីរបៀបចែកចាយដំណឹងល្អដល់អ្នកដទៃ ៖
មិនថាបងប្អូននៅកន្លែងណាលើផែនដីនេះទេ មានឱកាសច្រើនរាប់មិនអស់ដើម្បីចែកចាយដំណឹងល្អនៃព្រះយេស៊ូវគ្រីស្ទជាមួយមនុស្សដែលបងប្អូនជួប សិក្សាជាមួយ រស់នៅ ឬធ្វើការជាមួយ និងប្រាស្រ័យទាក់ទងជាមួយ ។ …
… អ្វីដែលខ្ញុំសុំពីបងប្អូនគឺថា បងប្អូនតែងស្វែងរកឱកាសដើម្បីបង្ហាញពីជំនឿរបស់បងប្អូនតាមធម្មតា ហើយទាក់ទងដោយសាមញ្ញជាមួយមនុស្សទូទៅ—ទាំងដោយផ្ទាល់ និងតាមអ៊ិនធើរណិត ។ …
តាមវិធីណាក៏ដោយដែលវាងាយស្រួលសម្រាប់បងប្អូន សូមចែកចាយជាមួយនឹងមនុស្សអំពីមូលហេតុដែលព្រះយេស៊ូវគ្រីស្ទ និងសាសនាចក្ររបស់ទ្រង់សំខាន់ចំពោះបងប្អូន ។ ( « Missionary Work: Sharing What Is in Your Heart » Liahona ខែឧសភា ឆ្នាំ២០១៩ ទំព័រ ១៥, ១៧ )
កិច្ចការផ្សព្វផ្សាយសាសនា
តើអ្វីដែលធ្វើឲ្យមានភាពខុសគ្នារវាងការមានអារម្មណ៍ « ធម្មតា និងសាមញ្ញ » និងអារម្មណ៍ឆ្គាំឆ្គង ខណៈពេលចែកចាយដំណឹងល្អ ? តើអ្នកអាចនឹកឃើញដល់នរណាម្នាក់ដែលនិយាយអំពីដំណឹងល្អតាមរបៀបធម្មតាដែរឬទេ ? បើនឹកឃើញ តើពួកគេធ្វើវាបានដោយរបៀបណា ?
សូមសិក្សាធនធានមួយ ឬទាំងពីរខាងក្រោម ដើម្បីជួយអ្នកឲ្យមើលឃើញរបៀបធម្មតាមួយចំនួន ដែលអ្នកអាចចែកចាយដំណឹងល្អជាមួយអ្នកដទៃបាន ។
-
« Simple Ways to Love, Share, and Invite for Youth » ( ២:៥២ ) ។
2:52 -
របៀបដែលយុវជនអាចចែកចាយដំណឹងល្អ ( សេចក្ដីណែនាំអំពីវិធីដើម្បីចែកចាយដំណឹងល្អ )
វិធីសាស្ដ្រ « ការឆ្លើយឆ្លងដោយប្រសិទ្ធភាព »
អែលឌើរ ឃ្វីនថិន អិល ឃុក ក្នុងកូរ៉ុមនៃពួកសាវកទាំងដប់ពីរនាក់ បានពន្យល់ពីរបៀបមួយដែលអ្នកអាចបង្កើតការសន្ទនាអំពីប្រធានបទនៃដំណឹងល្អ ។
ខ្ញុំស្គាល់និស្សិតបញ្ចប់ការសិក្សានៅ ប៊ី.វ៉ាយ.យូ. ម្នាក់ដែលជាគំរូដ៏អស្ចារ្យ ។ លោកចង្អុលបង្ហាញថា មានការឆ្លើយឆ្លងដ៏មានប្រសិទ្ធិភាពនៅក្នុងការសន្ទនានោះ ។ ប្រសិនបើយើងនិយាយអំពីអាកាសធាតុ មនុស្សឆ្លើយតបដោយនិយាយអំពីអាកាសធាតុ ។ ប្រសិនបើយើងនិយាយពីកីឡា គេឆ្លើយតបដោយនិយាយពីកីឡា ។ មិត្តម្នាក់នេះនិយាយថា គាត់សួរមនុស្សដែលគាត់ជួបអំពីសាលារបស់ពួកគេ ហើយស្តាប់ដោយយកចិត្តទុកដាក់ ។ បន្ទាប់ពីពួកគេឆ្លើយតប ដោយការសួរគាត់វិញអំពីសាលារបស់គាត់ គាត់ប្រាប់ពួកគេអំពី ប៊ី.វ៉ាយ.យូ. ហើយបន្ទាប់មកចែកចាយទីបន្ទាល់របស់គាត់អំពីដំណឹងល្អ ។ បន្ទាប់មក តាមរបៀបដ៏វិជ្ជមានមួយ គាត់បានសុំឲ្យពួកគេរៀនបន្ថែមទៀតពីអ្នកពួកផ្សព្វផ្សាយសាសនា ។ គាត់បានទទួលជោគជ័យយ៉ាងខ្លាំងក្នុងការចែកចាយដំណឹងល្អ ។ ( « How to Be a Member Missionary » New Era ខែកុម្ភៈ ឆ្នាំ២០១៥ ទំព័រ ៤៨ )
អ្នកមិនចាំបាច់ទៅរៀននៅសាកលវិទ្យាល័យព្រិកហាំយ៉ង់ ដើម្បីប្រើវិធីសាស្ដ្រដែលអែលឌើរ ឃុក បានពិពណ៌នានោះទេ ។ ជំហានខាងក្រោមអាចជួយអ្នកឲ្យចែកចាយដំណឹងល្អតាមរបៀបធម្មតា និងសាមញ្ញបាន ។
-
សូមជ្រើសរើសអ្វីមួយដែលអ្នកបានធ្វើនាពេលថ្មីៗនេះ ឬនឹងធ្វើក្នុងពេលឆាប់ៗនេះ ដើម្បីចូលរួមនៅក្នុងសាសនាចក្រនៃព្រះយេស៊ូវគ្រីស្ទ ឬដំណឹងល្អរបស់ទ្រង់ ។
-
សូមគិតអំពីសំណួរមួយដែលអ្នកអាចសួរដល់នរណាម្នាក់ ដែលនឹងធ្វើឲ្យវាកាន់តែមានភាពសាមញ្ញសម្រាប់អ្នក ដើម្បីចែកចាយអ្វីដែលអ្នកបានជ្រើសរើសអំពីសាសនាចក្រ ឬដំណឹងល្អរបស់ព្រះអង្គសង្គ្រោះ ។
-
សូមសួរសំណួររបស់អ្នក ស្តាប់ចម្លើយរបស់ពួកគេដោយយកចិត្ដទុកដាក់ រួចហើយចែកចាយអ្វីដែលអ្នកបានជ្រើសរើស ។
ឧទាហរណ៍ អ្នកអាចធ្វើចំណុចខាងក្រោមនេះ ៖
-
សូមសួរថា « តើព្រឹកនេះយ៉ាងម៉េចដែរ ? » ( សូមស្តាប់ចម្លើយរបស់ពួកគេ ។ ) បន្ទាប់មក សូមចែកចាយអ្វីមួយដូចជា « ខ្ញុំមានបទពិសោធន៍ដ៏ល្អបំផុតនៅព្រឹកនេះក្នុងការរៀនថ្នាក់សិក្ខាសាលា ។… »
-
សូមសួរថា « តើអ្នកមានអ្វីសប្បាយៗដែលបានគ្រោងទុកសម្រាប់សប្តាហ៍នេះឬទេ ? » ( សូមស្តាប់ចម្លើយរបស់ពួកគេ ។ ) រួចសូមចែកចាយអ្វីមួយដូចជា « ខ្ញុំនឹងទៅព្រះវិហារបរិសុទ្ធជាមួយគ្រួសាររបស់ខ្ញុំនៅយប់ថ្ងៃពុធដើម្បី … »
ការសិក្សាស៊ីជម្រៅ ៖ វិធីសាស្ដ្រឆ្លើយឆ្លងគឺគ្រាន់តែជាវិធីមួយប៉ុណ្ណោះក្នុងការចែកចាយដំណឹងល្អ ។ ប្រធាន ហែនរី ប៊ី អាវរិង នៃគណៈប្រធានទីមួយ បានបង្រៀនគោលការណ៍ផ្សេងទៀតនៅក្នុងសុន្ទរកថារបស់លោក « A Child and a Disciple » ( Liahona ខែឧសភា ឆ្នាំ២០០៣ ទំព័រ ៣០ ) ។
ឥឡូវត្រូវធ្វើដូចម្តេចទៀត ?
ព្រះអម្ចាស់នឹងជួយដល់អ្នក នៅពេលអ្នកខិតខំចែកចាយដំណឹងល្អជាមួយអ្នកដទៃ ។ សូមគិតអំពីពេលនៅក្នុងសប្ដាហ៍ក្រោយៗ ដែលអ្នកអាចចែកចាយដំណឹងល្អបាន ។ សូមកត់ត្រាឱកាសនានានៅក្នុងសៀវភៅកត់ចំណាំរបស់អ្នក ឬក្នុងទូរសព្ទរបស់អ្នក ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យហាត់ចែកចាយដំណឹងល្អនៃព្រះយេស៊ូវគ្រីស្ទជាមួយអ្នកដទៃតាមរបៀបធម្មតាៗ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
យ៉ាងហោចណាស់ឧទាហរណ៍ពីរ អំពីរបៀបដែលអ្នកប្រើវិធីសាស្ដ្រឆ្លើយឆ្លង ដើម្បីចែកចាយដំណឹងល្អតាមរបៀបធម្មតា និងសាមញ្ញ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?