ការរៀបចំសម្រាប់ការអប់រំ និងការងារនាពេលអនាគត ៖ មេរៀនទី ១៩០
ការយកឈ្នះលើឧបសគ្គក្នុងការបន្តការអប់រំ
ការប្រើប្រាស់ធនធានទាំងអស់ដែលមាន
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ខាឡូស ប្រាប់ម៉ាក់របស់គាត់ថា « កូនមិនដឹងថា កូនចង់បន្ដការអប់រំឬអត់ទេ ។ ការរៀននៅសាលាពិតជាពិបាកខ្លាំងណាស់ទៅហើយ ហើយកូនប្រាកដថា វានឹងកាន់តែពិបាកជាងមុនទៅទៀត » ។ គាត់សួរថា « ចុះបើកូនមិនអាចទ្រាំទ្របានវិញនោះ ? ម៉ាក់នៅចាំពី ម៉ាថេអូ ទេ ? » ម៉ាក់របស់គាត់បានងក់ក្បាល ។ « ម៉ាថេអូ បានឈប់រៀនដោយសារតែវាពិបាកពេក ។ ហើយតើកូននឹងបង់ថ្លៃសាលាដោយរបៀបណាទៅ ? កូនដឹងថា ព្យាការីមានប្រសាសន៍ឲ្យទទួលបានការអប់រំឲ្យបានច្រើនតាមដែលកូនអាចធ្វើទៅបាន ប៉ុន្ដែវាហាក់ដូចជាមិនអាចទៅរួចនោះទេ » ។
នៅក្នុងសៀវភៅកត់ចំណាំរបស់អ្នក សូមឆ្លើយសំណួរទាំងនេះ ៖
-
តើអ្នកគិតថា ក្មេងវ័យជំទង់អាចជួបឧបសគ្គអ្វីខ្លះ នៅពេលព្យាយាមបន្ដការអប់រំរបស់ពួកគេ ?
-
តើអ្នកមានទំនុកចិត្តកម្រិតណាថា អ្នកអាចជម្នះឧបសគ្គទាំងនេះបាន ?
ក្នុងអំឡុងមេរៀននៅថ្ងៃនេះ សូមស្វែងរកចំណាប់អារម្មណ៍ពីព្រះវិញ្ញាណ ដើម្បីជួយអ្នកឲ្យកំណត់របៀបជាក់លាក់ ដើម្បីយកឈ្នះលើឧបសគ្គរបស់អ្នកក្នុងការទទួលបានការអប់រំ ។
គោលបំណងមេរៀន ៖ ដើម្បីជួយអ្នកឲ្យស្វែងរកធនធានដើម្បីយកឈ្នះលើឧបសគ្គក្នុងការបន្តការអប់រំរបស់អ្នក ។
រៀនអំពីរបៀបធ្វើ
ការឆ្លងទន្លេយ័រដាន់
នៅពេលយ៉ូស្វេ និងកូនចៅអ៊ីស្រាអែលបានមកដល់ស្រុកកាណាន ព្រះអម្ចាស់បានសន្យានឹងពួកគេនូវដែនដីទាំងអស់នៅត្រើយម្ខាងនៃទន្លេយ័រដាន់ ( សូមមើល យ៉ូស្វេ ១:១–៧ ) ។ ទោះជាយ៉ាងណាក៏ដោយ ពួកគេបានប្រឈមមុខនឹងឧបសគ្គក្នុងការឆ្លងទន្លេដែលហូរខ្លាំង ដើម្បីសម្រេចបាននូវគោលដៅរបស់ពួកគេ ( សូមមើល យ៉ូស្វេ ៣:១៥ ) ។
សូមអាន យ៉ូស្វេ ៣:៦–៨, ១៣–១៧ ។ សូមគូសសម្គាល់ឃ្លាខាងក្រោម ៖
-
សកម្មភាពដ៏ស្មោះត្រង់ដែលពួកសង្ឃបានធ្វើដើម្បីឲ្យកូនចៅអ៊ីស្រាអែលឆ្លងទន្លេយ័រដាន់
-
ជំនួយរបស់ព្រះក្នុងការអនុញ្ញាតឲ្យកូនចៅអ៊ីស្រាអែលឆ្លងទន្លេយ័រដាន់
សូមបំពេញសេចក្ដីថ្លែងការណ៍ខាងក្រោម ដោយផ្អែកលើអ្វីដែលអ្នកបានរៀនមកពីដំណើររឿងរបស់យ៉ូស្វេ និងពួកសង្ឃនៃអ៊ីស្រាអែល ដែលអាចអនុវត្ដបានដើម្បីយកឈ្នះលើឧបសគ្គក្នុងការបន្ដការអប់រំរបស់អ្នក ។ សូមបន្ថែមសេចក្ដីថ្លែងការណ៍ដែលអ្នកបានបំពេញនៅក្នុងកំណត់ចំណាំ នៅក្បែរកថាខណ្ឌដែលអ្នកបានគូសសម្គាល់ ។
-
នៅពេលខ្ញុំឆ្ពោះទៅមុខដោយសេចក្ដីជំនឿលើព្រះយេស៊ូវគ្រីស្ទ នោះទ្រង់នឹង …
ការឆ្ពោះទៅមុខដោយសេចក្ដីជំនឿលើព្រះយេស៊ូវគ្រីស្ទរួមមានកិច្ចខិតខំប្រឹងប្រែង ណាក៏ដោយ ដែលអ្នកអាចធ្វើបាន ដែលស្របទៅនឹងព្រះឆន្ទៈរបស់ព្រះ ។ ឧទាហរណ៍ ព្រះអម្ចាស់បំផុសគំនិតអ្នកឲ្យនិយាយជាមួយទីប្រឹក្សា រកប្រាក់ ឬថ្វាយដង្វាយមួយភាគក្នុងដប់ដោយស្មោះត្រង់ ។ ទាំងនេះគឺជារបៀបមួយចំនួនដើម្បីឆ្ពោះទៅមុខដោយសេចក្ដីជំនឿលើព្រះយេស៊ូវគ្រីស្ទ ដើម្បីយកឈ្នះឧបសគ្គទៅកាន់ការអប់រំ ។
តើការធ្វើសកម្មភាពដោយសេចក្ដីជំនឿលើព្រះយេស៊ូវគ្រីស្ទ ដើម្បីបន្ដការអប់រំជួយយើងឲ្យកា្លយកាន់តែដូចទ្រង់បានយ៉ាងដូចម្ដេច ? ហេតុអ្វីបានជាការស្វែងរក ជំនួយរបស់ព្រះ ដោយស្មោះត្រង់អាចចាំបាច់ដើម្បីជម្នះឧបសគ្គក្នុងការទទួលបានការអប់រំ ?
រៀនយកឈ្នះលើឧបសគ្គ
សូមបង្កើតសាច់រឿងផ្ទាល់ខ្លួនរបស់អ្នកអំពីឧបសគ្គដែលទាក់ទងនឹងយុវវ័យនៅក្នុងតំបន់របស់អ្នក ដោយការបំពេញចន្លោះខាងក្រោមនេះ ។
( ឈ្មោះក្មេងជំទង់ ) ដឹងថា ការអប់រំបន្ទាប់ពីវិទ្យាល័យមានសារៈសំខាន់ ។ ប៉ុន្តែឧបសគ្គមួយក្នុងការបន្តការអប់រំរបស់ពួកគេគឺ ( រៀបរាប់ពីឧបសគ្គ ) ។
នៅក្នុងសៀវភៅកត់ចំណាំរបស់អ្នក សូមឆ្លើយសំណួរខាងក្រោមនេះ ។
-
តើមានធនធានអ្វីខ្លះ ដែលអាចជួយបុគ្គលនេះឲ្យយកឈ្នះលើឧបសគ្គដែលអ្នកបានរៀបរាប់ ? តើពួកគេអាចនិយាយជាមួយនរណាបានអំពីឧបសគ្គនេះ ?
-
តើបុគ្គលនេះអាចធ្វើសកម្មភាពអ្វីខ្លះ ដើម្បីឈានទៅមុខដោយសេចក្ដីជំនឿលើព្រះយេស៊ូវគ្រីស្ទ ដើម្បីយកឈ្នះលើឧបសគ្គរបស់ពួកគេ ?
-
តើព្រះអាចជួយបុគ្គលនេះឲ្យយកឈ្នះលើឧបសគ្គរបស់ពួកគេដោយរបៀបណា ?
ឥឡូវនេះ សូមពិចារណាពីស្ថានភាពរបស់អ្នកផ្ទាល់ ។ តើឧបសគ្គអ្វីខ្លះដែលអ្នកត្រូវតែយកឈ្នះដើម្បីបន្ដការអប់រំរបស់អ្នក ? នេះគឺជាបញ្ជីគំនិតយោបល់ដែលអាចជួយអ្នកឲ្យដោះស្រាយបញ្ហាទាំងនេះបាន ។
ធនធានផ្នែកហិរញ្ញវត្ថុទាំងឡាយ
-
អាហារូបករណ៍ ជំនួយ ប្រាក់កម្ចីនិស្សិត
-
កម្មវិធីសិក្សាផងធ្វើការងារផង
-
ការងារក្រៅម៉ោង
-
មូលនិធិអប់រំដែលមានជាបន្តបន្ទាប់ ឬធនធានហិរញ្ញវត្ថុផ្សេងទៀតតាមរយៈសាសនាចក្រ
ធនធានសិក្សាធិការទាំងឡាយ
-
គ្រូបង្រៀនមួយទល់មួយ ឬអ្នកណែនាំ
-
កម្មវិធីបង្រៀនតាមអនឡាញដោយឥតគិតថ្លៃ
-
វគ្គសិក្សាសម្រាប់ការរៀបចំធ្វើតេស្ដស្ដង់ដា
ធនធានគាំទ្រទាំងឡាយ
-
គ្រូបង្រៀន គ្រួសារ ឬមិត្តភក្តិ
-
អ្នកជំនាញការប្រឹក្សា
-
សមាជិកវួដ ឬសាខា និងថ្នាក់ដឹកនាំ
-
សេវាកម្មផ្នែកសុខុមាលភាព និងភាពខ្លួនទីពឹងខ្លួន រួមទាំងវគ្គសិក្សាភាពខ្លួនទីពឹងខ្លួន
-
សេវាកម្មគ្រួសារ
ធនធានខាងវិញ្ញាណទាំងឡាយ
-
ការសិក្សាព្រះគម្ពីរ
-
ការអធិស្ឋានស្វែងរកជំនួយរបស់ព្រះអម្ចាស់ដើម្បី ៖
-
ស្គាល់ចំណុចខ្លាំង និងសមត្ថភាពរបស់អ្នក
-
សម្រេចចិត្ត
-
ដឹងពីអ្វីដែលព្រះអម្ចាស់សព្វព្រះទ័យឲ្យអ្នកធ្វើ
-
-
ការសិក្សាពីអត្តសញ្ញាណរបស់អ្នកក្នុងនាមជា ៖
-
បុត្ររបស់ព្រះ
-
បុត្រនៃសេចក្ដីសញ្ញា
-
សិស្សរបស់ព្រះយេស៊ូវគ្រីស្ទ
-
-
ការថ្វាយដង្វាយមួយភាគក្នុងដប់ពេញលេញ
-
ការតមអាហារ និងដង្វាយតមអាហារ
-
ពរជ័យបព្វជិតភាព
សូមជ្រើសរើសយកគំនិតមួយ ឬច្រើន មកពីបញ្ជីនេះ ។ សូមស្រាវជ្រាវរកធនធានទាំងឡាយតាមអនឡាញ ឬសួរនរណាម្នាក់ឲ្យបង្ហាញពីធនធានទាំងនេះដើម្បីចែកចាយជាមួយនឹងថ្នាក់របស់អ្នក ។ នេះគឺជាឧទាហរណ៍មួយចំនួន ៖
-
ស្វែងរកបញ្ជីអាហារូបករណ៍ក្នុងស្រុក ។
-
ចែកចាយបទគម្ពីរដែលបង្កើនទំនុកចិត្ដរបស់អ្នក ។
-
និយាយជាមួយទីប្រឹក្សានៅសាលាអំពីធនធានដែលមាន ។
សូមចែកចាយនៅលើក្ដារខៀនពិភាក្សានូវធនធានដែលអ្នកបានរកឃើញ ។
ការសិក្សាស៊ីជម្រៅ ៖ សម្រាប់ធនធានបន្ថែមអំពីការបន្ដការអប់រំរបស់អ្នក សូមចូលទៅកាន់ « Emotional, Educational, and Employment Resources » ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យស្វែងរកធនធានដើម្បីយកឈ្នះលើឧបសគ្គក្នុងការបន្តការអប់រំរបស់អ្នក ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
ធនធានដែលអ្នកបានរកឃើញ ។ សូមរួមបញ្ចូលនូវតំណភ្ជាប់ បញ្ជី ឬព័ត៌មានអំពីរបៀបប្រើប្រាស់ធនធាននោះ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?