ការស្ថាបនាភាពខ្លួនទីពឹងខ្លួន ៖ មេរៀនទី ១៨០
ការផ្គត់ផ្គង់សម្រាប់ខ្លួនយើង និងការថែទាំអ្នកដែលខ្វះខាត
ជួយអ្នកដទៃដូចជាព្រះអង្គសង្រ្គោះនឹងធ្វើដែរ
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់ បានបង្រៀន ៖
ប៉ុន្មានសប្ដាហ៍មុន ខ្ញុំបានជិះយន្ដហោះទៅកាន់អាមេរិកខាងត្បូង ។ អ្នកបម្រើតាមយន្ដហោះ បានបង្វែរចិត្តរបស់យើងទៅមើលវីដេអូសុវត្ថិភាព ។ យើងត្រូវបានព្រមានថា « វាប្រហែលជាមិនទំនង ប៉ុន្តែបើមានការផ្លាស់ប្ដូរសម្ពាធខ្យល់ក្នុងយន្ដហោះ នោះបន្ទះគម្របនៅខាងលើកៅអីរបស់អ្នកនឹងបើក ហើយទម្លាក់ម៉ាស់អុកស៊ីហ្សែនមក ។ បើរឿងនេះកើតឡើង សូមចាប់យកម៉ាស់នោះមកពាក់ ។ សូមដាក់ម៉ាស់គ្របលើច្រមុះ និងមាត់របស់អ្នក ។ សូមទាញខ្សែមកទាក់នឹងក្បាលរបស់អ្នក ហើយកែតម្រូវតាមចាំបាច់ ។ រួចហើយមានការព្រមាននេះថា ៖ « សូមប្រាកដថា ពាក់ម៉ាស់របស់អ្នកឲ្យបានត្រឹមត្រូវជាមុនសិន មុននឹងជួយដល់អ្នកដទៃ » ។ ( « Joseph Smith » Liahona ខែវិច្ឆិកា ឆ្នាំ២០១៤ ទំព័រ ៣០ )
ការផ្ដល់ការងារបម្រើ ការបម្រើ
ជើងហោះហើរភាគច្រើនបង្ហាញវីដេអូសុវត្ថិភាពស្រដៀងគ្នា ដែលណែនាំអ្នកដំណើរឲ្យពាក់ម៉ាស់អុកស៊ីហ្សែនរបស់ពួកគេមុនពេលជួយអ្នកដទៃ ។ វាគូសបញ្ជាក់ថា ដំបូងយើងត្រូវធានាឲ្យបាននូវសុខុមាលភាព និងស្ថិរភាពរបស់យើងផ្ទាល់ខ្លួនជាមុនសិន ។ តាមរយៈការធ្វើដូច្នេះ យើងអាចជួយដល់អ្នកដែលជិតយើងបាន ។
គោលបំណងមេរៀន ៖ ដើម្បីបង្រៀនអ្នកពីរបៀបស្ថាបនាភាពខ្លួនទីពឹងខ្លួនដែលធ្វើឲ្យពួកគេអាចជួយអ្នកដទៃ ដូចជាព្រះយេស៊ូវគ្រីស្ទនឹងធ្វើដែរ ។
រៀនអំពីរបៀបធ្វើ
ភាពខ្លួនទីពឹងខ្លួន
អែលឌើរ ហ៊ូហ្គូ អ៊ី ម៉ាទីណេ នៃពួកចិតសិបនាក់ បានបង្រៀនដូចខាងក្រោម ៖
ភាពខ្លួនទីពឹងខ្លួនត្រូវបានផ្ដល់និយមន័យថាជា « លទ្ធភាព ការតាំងចិត្ត និងកិច្ចខិតខំដើម្បីផ្ដល់សេចក្ដីត្រូវការចាំបាច់នៃជីវិតខាងវិញ្ញាណ និងខាងសាច់ឈាមសម្រាប់ខ្លួន និងក្រុមគ្រួសារ » ។ ( « ការបង្រៀនភាពខ្លួនទីពឹងខ្លួនដល់កុមារ និងយុវវ័យ » លីអាហូណា ខែឧសភា ឆ្នាំ២០២២ ទំព័រ ៩៤ )
យ៉ូសែបនៅស្រុកអេស៊ីព្ទគឺជាគំរូមួយរបស់មនុស្សម្នាក់ដែលបានបង្ហាញភាពខ្លួនទីពឹងខ្លួន ហើយជាលទ្ធផល ព្រះអម្ចាស់បានរៀបចំលោកដើម្បីជួយមនុស្សដទៃ ។ ក្នុងអំឡុងពេលមានគ្រោះទុរ្ភិក្ស ពួកបងប្រុសរបស់យ៉ូសែបបានធ្វើដំណើរទៅស្រុកអេស៊ីព្ទដើម្បីស្វែងរកគ្រាប់ធញ្ញជាតិ ។ នៅស្រុកអេស៊ីព្ទមានគ្រាប់ធញ្ញជាតិជាច្រើនដែលត្រូវបានស្ដុកទុក ដោយសារព្រះបានបំផុសគំនិតយ៉ូសែបឲ្យរៀបចំទុកជាមុនសម្រាប់គ្រោះទុរ្ភិក្ស ។ ពេលពួកបងរបស់យ៉ូសែបបានមកដល់ ដោយស្វែងរកជំនួយខាងសាច់ឈាម យ៉ូសែបបានបង្ហាញខ្លួនលោកថាជាប្អូនប្រុសរបស់ពួកគេ ។
បើចាំបាច់ សូមមើលវីដេអូ « Joseph in Egypt » ។
សូមអាន លោកុប្បត្តិ ៤៥:៤–១១; ៤៧:១១–១២ ។ សូមរកមើលពីរបៀបដែលយ៉ូសែបបានផ្ដល់ពរដល់គ្រួសារលោក ។ សូមគូសចំណាំទំនាក់ទំនងដែលអ្នកមើលឃើញរវាងដំណើររឿងនេះ និងឧទាហរណ៍អំពីម៉ាស់អុកស៊ីហ្សែន ។
យ៉ូសែបបានជួបនឹងការលំបាកនៅក្នុងប្រទេសអេស៊ីព្ទ ប៉ុន្តែព្រះអម្ចាស់បានរៀបចំលោកដើម្បីផ្ដល់ពរដល់អ្នកដទៃ ( លោកុប្បត្តិ ៤៥:៥–៨ ) ។ ស្រដៀងគ្នានេះដែរ ព្រះអម្ចាស់អាចរៀបចំអ្នកដើម្បីជួយអ្នកដទៃតាមរយៈបទពិសោធន៍របស់អ្នក ។ សូមពិចារណាសំណួរទាំងនេះ ពេលអ្នកជញ្ជឹងគិតពីជីវិតរបស់អ្នក ៖
-
តើអ្នកកំពុងឆ្លងកាត់អ្វីនៅពេលនេះ ដែលជួយអ្នកឲ្យកាន់តែមានភាពពឹងផ្អែកលើខ្លួនឯង ?
-
តើព្រះអម្ចាស់អាចប្រើបទពិសោធន៍ទាំងនេះដើម្បីជួយអ្នកឲ្យអ្នកផ្ដល់ពរជ័យដល់អ្នកដទៃនៅពេលអនាគតដោយរបៀបណា ?
នៅពេលអ្នកបន្តសិក្សានៅថ្ងៃនេះ សូមយកចិត្តទុកដាក់លើការបំផុសគំនិតពីព្រះវិញ្ញាណបរិសុទ្ធ ដែលអាចជួយអ្នកឲ្យកាន់តែមានភាពខ្លួនទីពឹងខ្លួន និងជួយអ្នកដទៃ ដូចព្រះអង្គសង្គ្រោះនឹងធ្វើ ។
ការស្ថាបនាភាពខ្លួនទីពឹងខ្លួន
អែលឌើរ រ៉ូបឺត ឌី ហែល ( ឆ្នាំ១៩៣២–២០១៧ ) ក្នុងកូរ៉ុមនៃពួកសាវកដប់ពីរនាក់ បានបង្រៀន ៖
គោលបំណងនៃភាពខ្លួនទីពឹងខ្លួនទាំងខាងសាច់ឈាម និងខាងវិញ្ញាណគឺដើម្បីជួយឲ្យខ្លួនយើងមានស្ថេរភាព ដើម្បីយើងអាចជួយអ្នកដទៃទៀតដែលត្រូវការជំនួយផងដែរ ។ ( « Coming to Ourselves: The Sacrament, the Temple, and Sacrifice in Service » ឬ Liahona ខែឧសភា ឆ្នាំ២០១២ ទំព័រ ៣៦ )
នៅលើក្រដាសមួយសន្លឹក ឬសៀវភៅកត់ចំណាំរបស់អ្នក សូមគូររូបម៉ាស់អុកស៊ីហ្សែនចំនួនពីរ ដូចជាឧទាហរណ៍ខាងក្រោម ។
សូមដាក់ស្លាកនៅខាងលើម៉ាស់អុកស៊ីហ្សែនរបស់អ្នកនូវចំណុចមួយនៃភាពខ្លួនទីពឹងខ្លួនដូចខាងក្រោម ៖
-
ចំណេះដឹងអំពីដំណឹងល្អ
-
តម្រូវការផ្នែកហិរញ្ញវត្ថុ
-
ការអប់រំ និងការងារ
-
តម្រូវការខាងរាងកាយ
-
តម្រូវការខាងសតិអារម្មណ៍ និងខាងសង្គម
សូមគិតអំពីអ្វីដែលក្មេងវ័យជំទង់អាចធ្វើបាន ដើម្បីស្ថាបនាភាពខ្លួនទីពឹងខ្លួននៅត្រង់ចំណុចដែលអ្នកបានជ្រើសរើសនេះ ។ សូមសរសេរចំណុចទាំងនេះនៅក្នុងម៉ាស់អុកស៊ីហ្សែនដំបូង ។
សូមដាក់ស្លាកម៉ាស់អុកស៊ីហ្សែនទីពីរ « ការជួយអ្នកដទៃ » ។ សូមជ្រើសរើសគំនិតពីរ ឬបី ដែលបានសរសេរនៅក្នុងម៉ាស់អុកស៊ីហ្សែនដំបូង ។ សម្រាប់គំនិតនីមួយៗដែលអ្នកជ្រើសរើស សូមសរសេររបៀបជាក់លាក់មួយដែលក្មេងវ័យជំទង់អាចប្រើបទពិសោធន៍នោះ ដើម្បីជួយអ្នកដទៃឲ្យស្ថាបនាភាពខ្លួនទីពឹងខ្លួន ។ សូមសរសេរចំណុចជាក់លាក់ទាំងនេះនៅជិតម៉ាស់អុកស៊ីហ្សែនទីពីរ ។
សិក្សាស៊ីជម្រៅ ៖ នៅក្នុងសុន្ទរកថារបស់លោក ៖ « ការបង្រៀនភាពខ្លួនទីពឹងខ្លួនដល់កុមារ និងយុវវ័យ » ( លីអាហូណា ខែឧសភា ឆ្នាំ២០២២ ) អែលឌើរ ហ៊ូហ្គូ អ៊ី ម៉ាទីណេស្ស នៃពួកចិតសិបនាក់ ចែកចាយពីរបៀបដែលបំណងប្រាថ្នារបស់យុវវ័យម្នាក់ដើម្បីធ្វើជាមនុស្សមានភាពខ្លួនទីពឹងខ្លួន គឺជាពរជ័យដល់គ្រួសាររបស់គាត់ឥឡូវនេះ និងនៅពេលអនាគត ។
ការជួយអ្នកដទៃដូចជាព្រះអង្គសង្គ្រោះ
ដោយអែលឌើរ រ៉ូបឺត ឌី ហែល ( ឆ្នាំ១៩៣២–២០១៧ ) បានថ្លែង ៖
ទាល់តែយើងមានភាពខ្លួនទីពឹងខ្លួនសិន ទើបយើងពិតជាអាចធ្វើតាមព្រះអង្គសង្រ្គោះក្នុងការបម្រើ និងការផ្ដល់ពរជ័យដល់អ្នកដទៃបាន ។ ( « A Gospel Vision of Welfare: Faith in Action » នៅក្នុង Basic Principles of Welfare and Self-Reliance [ ការប្រជុំបំពាក់បំប៉នថ្នាក់ដឹកនាំទូទាំងពិភពលោក ឆ្នាំ២០០៩ ] ទំព័រ ២ )
សូមអាន យ៉ាកុប ២:១៧–១៩ ។ សូមធ្វើកំណត់ចំណាំដូចតទៅនេះនៅជិតនឹងវគ្គបទគម្ពីរ ៖ នៅពេលយើងប្រែក្លាយជាមានភាពខ្លួនទីពឹងខ្លួន តាមរយៈជំនួយរបស់ព្រះ នោះយើងអាចជួយអ្នកដទៃបានកាន់តែប្រសើរ ។
សូមដាក់តំណភ្ជាប់ យ៉ាកុប ២:១៧–១៩ ទៅនឹង លូកា ២២:៣១–៣២ ។ បន្ទាប់ពីបានអានខគម្ពីរទាំងនេះរួចហើយ សូមជញ្ជឹងគិតពីរបៀបដែលការយកចិត្តទុកដាក់ចំពោះអ្នកដទៃ អាចជួយអ្នកឲ្យប្រែក្លាយកាន់តែដូចជាព្រះអង្គសង្គ្រោះបាន ។
សូមសរសេរសេចក្តីថ្លែងការណ៍មិនពេញលេញខាងក្រោមនៅក្នុងសៀវភៅកត់ចំណាំរបស់អ្នក ។ សូមស្វែងរកជំនួយពីព្រះវិញ្ញាណបរិសុទ្ធដើម្បីបំពេញសេចក្តីថ្លែងការណ៍នេះ ។
-
ខ្ញុំកំពុងស្ថាបនាភាពខ្លួនទីពឹងខ្លួនដោយ …
-
ខ្ញុំអាចជួយអ្នកដទៃដោយ …
-
របៀបមួយចំនួនដែលខ្ញុំអាចជួយអ្នកដទៃនៅផ្នែកនេះបានគឺ …
ចែកចាយគំនិតរបស់អ្នក
គោលបំណងមេរៀន ៖ ដើម្បីបង្រៀនអ្នកពីរបៀបស្ថាបនាភាពខ្លួនទីពឹងខ្លួនដែលធ្វើឲ្យពួកគេអាចជួយអ្នកដទៃ ដូចជាព្រះយេស៊ូវគ្រីស្ទនឹងធ្វើដែរ ។
សូមចែកចាយ អ្វីដូចខាងក្រោមនេះជាមួយនឹងគ្រូបង្រៀន ឬថ្នាក់របស់អ្នក ៖
-
ឃ្លាដែលអ្នកបានបំពេញអំពីភាពខ្លួនទីពឹងខ្លួន ។