ជំនាញសិក្សាព្រះគម្ពីរ ៖ មេរៀនទី ១៦៩
សកម្មភាពដែលយាងអញ្ជើញព្រះវិញ្ញាណបរិសុទ្ធឲ្យគង់នៅក្នុងការសិក្សាព្រះគម្ពីរ
ការបង្កើតបរិយាកាសសម្រាប់ព្រះវិញ្ញាណដើម្បីបង្រៀន
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
នៅក្នុងកីឡា បរិយាកាសដែលអ្នកប្រកួតប្រជែងអាចបង្កើតភាពខុសគ្នាយ៉ាងខ្លាំង ។ ការស្រាវជ្រាវបង្ហាញថា ជាមធ្យមក្រុមទាំងឡាយគឺមាន២០ភាគរយទំនងជាឈ្នះ នៅពេលលេងនៅទីលានប្រកួតក្នុងកន្លែងរបស់ពួកគេ ។ បាតុភូតនេះត្រូវបានស្គាល់ថាជាអត្ថប្រយោជន៍លេងនៅលើទីលានជាម្ចាស់ផ្ទះ ។ ដូចជានៅក្នុងកីឡាដែរ កន្លែងដែលអ្នកសិក្សាដំណឹងល្អជះឥទ្ធិពលដល់របៀបដែលព្រះវិញ្ញាណបរិសុទ្ធជួយអ្នកឲ្យយល់ និងប្រើព្រះគម្ពីរ ។
គោលបំណងមេរៀន ៖ ដើម្បីអនុវត្តជំនាញដែលយាងអញ្ជើញព្រះវិញ្ញាណបរិសុទ្ធមកក្នុងការសិក្សាព្រះគម្ពីរ ។
រៀនអំពីរបៀបធ្វើ
សកម្មភាពដែលយាងអញ្ជើញព្រះវិញ្ញាណបរិសុទ្ធឲ្យគង់នៅក្នុងការសិក្សាព្រះគម្ពីរ
ជាធម្មតាគ្រួសាររបស់ អាដា អានព្រះគម្ពីរជាមួយគ្នា ប៉ុន្តែនាងចង់អានព្រះគម្ពីរឲ្យបានទៀងទាត់ជាងមុនដោយខ្លួននាងផ្ទាល់ ។ បន្ទាប់ពីបានទៅសាលារៀន ធ្វើការ និងជួយម្តាយរបស់នាងធ្វើអាហារពេលល្ងាច និងបងប្អូនរបស់នាងហើយ នាងរំភើបចិត្តជាខ្លាំង ។ អាដាមានអារម្មណ៍ថាមានសំណាង ប្រសិនបើនាងឆ្លៀតពេលអានខគម្ពីរពីរបីខនៅថ្ងៃអាទិត្យ ។
ហ្សូរី មានកាលវិភាគដ៏មមាញឹកជាមួយសាលា និងបាល់ទាត់ ។ នាងបានព្យាយាមកែលម្អការសិក្សាព្រះគម្ពីររបស់នាង បន្ទាប់ពីគ្រូបង្រៀនថ្នាក់សិក្ខាសាលារបស់នាងបានអញ្ជើញនាងឲ្យអានព្រះគម្ពីរជារៀងរាល់ថ្ងៃ ។ ហ្សូរីបានក្រោកពីព្រលឹមដើម្បីសិក្សាព្រះគម្ពីរមុនពេលនាងទៅសាលារៀន ។
តើ អាដា និង ហ្សូរី មានអ្វីដូចគ្នាខ្លះ ? តើមានសកម្មភាពមួយចំនួនអ្វីខ្លះដែលអាចជះឥទ្ធិពលវិជ្ជមាន ឬអវិជ្ជមានដល់ការសិក្សាព្រះគម្ពីររបស់ពួកគេ ?
យើងទាំងអស់គ្នាធ្លាប់មាននូវគ្រា នៅពេលដែលយើងបានចាប់ផ្ដើមការសិក្សាព្រះគម្ពីរតាមរបៀបធម្មតាៗ និងចាប់ផ្ដើមតាមរបៀបដែលប្រុងប្រយ័ត្ន ។ នៅពេលអ្នកប្រឹងប្រែងដោយមានគោលបំណងដើម្បីចាប់ផ្ដើមការសិក្សាព្រះគម្ពីររបស់អ្នកដោយយកចិត្តទុកដាក់ នោះព្រះវរបិតាសួគ៌នឹងជួយដល់អ្នក មិនថាអ្នកស្ថិតក្នុងកាលៈទេសៈបែបណានោះទេ ។ ទ្រង់នឹងបញ្ជូនព្រះវិញ្ញាណបរិសុទ្ធមកជួយអ្នកឲ្យស្គាល់សេចក្តីពិតនៅក្នុងព្រះគម្ពីរ ហើយអនុវត្តបទគម្ពីរនៅក្នុងជីវិតរបស់អ្នក ( សូមមើល នីហ្វៃទី២ ៣២:៣, ៥ និង យ៉ូហាន ១៤:២៦ ) ។
តើពរជ័យអ្វីខ្លះដែលអាចកើតចេញពីការយាងអញ្ជើញព្រះវិញ្ញាណបរិសុទ្ធឲ្យគង់នៅក្នុងការសិក្សាព្រះគម្ពីររបស់អ្នក ? តើអ្វីទៅដែលបានជួយអ្នកយាងអញ្ជើញព្រះវិញ្ញាណបរិសុទ្ធឲ្យគង់នៅក្នុងការសិក្សាព្រះគម្ពីររបស់អ្នក ? តើការណ៍អ្វីខ្លះដែលអ្នកបានសាកល្បង ដែលហាក់ដូចជាមិនដំណើរការ ?
អ្នកអាចកត់ត្រាគំនិតរបស់អ្នកនៅក្នុងសៀវភៅកត់ចំណាំរបស់អ្នក ។
មានរបៀបជាច្រើនដើម្បីយាងអញ្ជើញព្រះវិញ្ញាណបរិសុទ្ធមកក្នុងការសិក្សាព្រះគម្ពីររបស់អ្នក ។ មេរៀននេះនឹងពន្យល់ពីរបៀបបីយ៉ាងដែលអ្នកអាចសាកល្បងបាន ។ នៅពេលអ្នកសិក្សាថ្ងៃនេះ សូមយកចិត្តទុកដាក់ចំពោះគំនិត ឬចំណាប់អារម្មណ៍ដែលអាចជួយអ្នកឲ្យយាងអញ្ជើញព្រះវិញ្ញាណបរិសុទ្ធគង់នៅក្នុងការសិក្សាព្រះគម្ពីរផ្ទាល់ខ្លួនរបស់អ្នកកាន់តែប្រសើរ ។
ការសិក្សាស៊ីជម្រៅ ៖ ប្រធាន ហែនរី ប៊ី អាវរិង នៃគណៈប្រធានទីមួយ បានចែកចាយដំបូន្មាននៅឯការប្រជុំធម្មនិដ្ឋាន « How to Invite the Holy Ghost » ។
ការលុបបំបាត់ការរំខាន
ពេលខ្លះការរំខានដូចជាទូរសព្ទរបស់អ្នក និងកន្លែងជុំវិញអាចពិបាកនឹងចៀសវាង ។ ប៉ុន្តែមានរបៀបដែលមានប្រសិទ្ធភាពក្នុងការគ្រប់គ្រងវា ។ សូម្បីតែព្រះអង្គសង្គ្រោះ ព្រះយេស៊ូវគ្រីស្ទក៏ឆ្លងកាត់ការរំខានដែរ ។ ប៉ុន្តែទ្រង់នៅតែផ្តោតអារម្មណ៍បាន ។
សូមអាន ម៉ាថាយ ១៤:២២–២៣ ។ សូមគូសសម្គាល់អ្វីដែលអ្នកបានរៀនពីទ្រង់អំពីការលុបបំបាត់ការរំខាន ។
នៅជិតនឹង ខទី ២៣ សូមធ្វើកំណត់ចំណាំឆ្លើយតបទៅនឹងសំណួរមួយ ឬច្រើនខាងក្រោម ៖
-
ហេតុអ្វីបានជាអ្នកគិតថា ការលុបបំបាត់ការរំខានអាចជួយយាងអញ្ជើញព្រះវិញ្ញាណបរិសុទ្ធឲ្យគង់នៅក្នុងការសិក្សាព្រះគម្ពីររបស់អ្នក ?
-
តើមានរឿងជាក់លាក់អ្វីខ្លះដែលអ្នកអាចធ្វើបាន ដើម្បីលុបបំបាត់ការរំខាន ?
ការអធិស្ឋាន
ការអធិស្ឋានទៅកាន់ព្រះវរបិតាសួគ៌ គឺជាវិធីដ៏មានប្រសិទ្ធភាពមួយដើម្បីយាងអញ្ជើញព្រះវិញ្ញាណបរិសុទ្ធឲ្យគង់នៅក្នុងការសិក្សាព្រះគម្ពីររបស់អ្នក ។
ប្រធាន ដាល្លិន អេក អូក នៃគណៈប្រធានទីមួយ បានចែកចាយពីរបៀបដែលលោកប្រើការអធិស្ឋាន ដើម្បីយាងអញ្ជើញព្រះវិញ្ញាណបរិសុទ្ធឲ្យគង់នៅក្នុងការសិក្សាព្រះគម្ពីររបស់លោក ។
មុនពេលខ្ញុំចាប់ផ្តើមអានព្រះគម្ពីរជារៀងរាល់ថ្ងៃ ខ្ញុំលំឱនកាយ ហើយទូលសូមព្រះអម្ចាស់ឲ្យប្រទានពរដល់ខ្ញុំ ថាខ្ញុំនឹងមានព្រះវិញ្ញាណរបស់ទ្រង់ដើម្បីបំភ្លឺខ្ញុំអំពីអត្ថន័យនៃអ្វីដែលខ្ញុំនឹងអាន និងគង់នៅជាមួយខ្ញុំពេញមួយថ្ងៃដើម្បីជួយខ្ញុំធ្វើការសម្រេចចិត្ត និងទប់ទល់នឹងការល្បួង ។ ខ្ញុំសូមលើកទឹកចិត្តអ្នកឲ្យអនុវត្តបែបនេះ ។ ( « ២.៣.១. I Love My Daily Scripture Study » Welcome to Seminary [ ឆ្នាំ២០១២ ] )
ការអធិស្ឋាន វិវរណៈ ការសិក្សា
សូមឆ្លើយសំណួរខាងក្រោមនេះនៅក្នុងសៀវភៅកត់ចំណាំរបស់អ្នក ៖
-
តើការចាប់ផ្ដើមការសិក្សាព្រះគម្ពីរដោយការអធិស្ឋានបង្ហាញដល់ព្រះវរបិតាសួគ៌ថា អ្នកចង់ភ្ជាប់ទំនាក់ទំនងជាមួយទ្រង់យ៉ាងដូចម្ដេច ?
-
តើអ្នកអាចនិយាយអ្វីខ្លះនៅក្នុងការអធិស្ឋានទៅកាន់ព្រះវរបិតាសួគ៌មុនពេលសិក្សាព្រះគម្ពីរ ?
ការជញ្ជឹងគិតអំពីបទគម្ពីរ
សេចក្ដីណែនាំដល់បទគម្ពីរទាំងឡាយបង្រៀនថា ការពិចារណាគឺជាការ « ភាវនាដ៏ជ្រាលជ្រៅ គឺតែងតែគិតអំពីបទគម្ពីរ ឬអំពីការណ៍នានានៃព្រះ ។ នៅពេលធ្វើរួមនឹងការអធិស្ឋាន នោះការរំពឹងគិតអំពីការណ៍នានានៃព្រះនឹងអាចនាំមកនូវវិវរណៈ និងយោបល់យ៉ាងប្រចក្ស » ( សេចក្ដីណែនាំដល់បទគម្ពីរទាំងឡាយ « រំពឹងគិត » នៅក្នុងបណ្ណាល័យដំណឹងល្អ ) ។
អែលឌើរ ឌី ថត គ្រីស្តូហ្វឺសិន ក្នុងកូរ៉ុមនៃពួកសាវកដប់ពីរនាក់ បានពិពណ៌នាពីសភាពនៃការជញ្ជឹងគិតអំពីបទគម្ពីរ ។
ពេលខ្លះវាជារឿងល្អមួយ ក្នុងការអានព្រះគម្ពីរ នៅក្នុងពេលកំណត់ណាមួយ ដើម្បីដឹងន័យទូទៅនៃសារលិខិតនោះ ប៉ុន្ដែចំពោះការប្រែចិត្តជឿវិញ អ្នកគួរតែយកចិត្តទុកដាក់ទៅលើចំនួនពេលវេលាដែលអ្នកបានចំណាយលើព្រះគម្ពីរ ជាងគិតអំពីចំនួនពេលវេលាដែលអ្នកចំណាយដើម្បីអាននៅក្នុងពេលនោះ ។ ខ្ញុំឃើញថា ពេលខ្លះអ្នកអានពីរបីខគម្ពីរ ឈប់ដើម្បីជញ្ជឹងគិតអំពីខគម្ពីរទាំងនោះ អានខគម្ពីរនេះម្តងទៀតដោយយកចិត្តទុកដាក់ ហើយនៅពេលបងប្អូនគិតអំពីអត្ថន័យរបស់វា សូមអធិស្ឋានដើម្បីទទួលបានការយល់ដឹង ដោយសួរសំណួរនៅក្នុងគំនិតរបស់អ្នក រង់ចាំការបំផុសគំនិតខាងវិញ្ញាណ រួចសរសេរទុកនូវការបំផុសគំនិត និងការយល់ដឹងដែលនឹងកើតមានដើម្បីឲ្យអ្នកអាចចងចាំ ហើយរៀនសូត្របានកាន់តែប្រសើរឡើង ។ ការសិក្សារបៀបនេះ អ្នកប្រហែលមិនអានច្រើនជំពូក ឬច្រើនខគម្ពីរនោះទេនៅក្នុងរយៈពេលកន្លះម៉ោង ប៉ុន្ដែអ្នកនឹងទុកកន្លែងមួយសម្រាប់ព្រះបន្ទូលនៃព្រះនៅក្នុងដួងចិត្តរបស់អ្នក ហើយទ្រង់នឹងមានព្រះបន្ទូលមកកាន់អ្នក ។ ( « When Thou Art Converted » Liahona ខែឧសភា ឆ្នាំ២០០៤ ទំព័រ ១១ )
អ្នកអាចអនុវត្តជំនាញសិក្សាព្រះគម្ពីរទាំងនេះរយៈពេលពីរបីនាទី ដោយធ្វើតាមជំហានដូចខាងក្រោម ។ សូមធ្វើតាមពេលវេលារបស់អ្នក នៅពេលអ្នកសិក្សា ។ អ្នកមិនចាំបាច់ត្រូវបញ្ចប់ខគម្ពីរទាំងអស់នេះទេ ។
-
ពិនិត្យ ឬផ្លាស់ប្តូរបរិយាកាសជុំវិញរបស់អ្នក ។ សូមលុបបំបាត់ការរំខានណាមួយ ។
-
មុនពេលអ្នកចាប់ផ្តើម សូមចាប់ផ្តើមដោយការអធិស្ឋាន ។ សូមមើលសេចក្តីថ្លែងការណ៍ខាងលើដោយប្រធាន ដាល្លិន អេក អូក នៃគណៈប្រធានទីមួយ សម្រាប់អ្វីៗជាក់លាក់ដែលអ្នកអាចអធិស្ឋានទូលសូមបាន ។
-
ចំណាយពេលប្រាំនាទីអាន និងជញ្ជឹងគិត អេសាយ ៥៥:១–៣, ៨–១១ ឬវគ្គបទគម្ពីរដែលអ្នកជ្រើសរើស ។
-
អានខគម្ពីរពីរបីខ ហើយឈប់ដើម្បីពិចារណាអំពីអ្វីដែលអ្នកបានអាន ។
-
អានបទគម្ពីរទាំងនេះម្តងទៀតដោយប្រុងប្រយ័ត្ន ។
-
អធិស្ឋានទូលសូមការយល់ដឹង និងសួរសំណួរដែលផុសឡើងនៅក្នុងគំនិត ។
-
រង់ចាំគំនិត យោបល់ ឬចំណាប់អារម្មណ៍ បន្ទាប់មកកត់ត្រាវាទុកដើម្បីចងចាំវា និងស្វែងយល់បន្ថែម ។
ចែកចាយគំនិតរបស់អ្នក
គោលបំណងមេរៀន ៖ ដើម្បីអនុវត្តជំនាញដែលយាងអញ្ជើញព្រះវិញ្ញាណបរិសុទ្ធមកក្នុងការសិក្សាព្រះគម្ពីរ ។
សូមចែកចាយ អ្វីដូចខាងក្រោមនេះជាមួយនឹងគ្រូបង្រៀន ឬថ្នាក់របស់អ្នក ៖
-
អ្វីដែលអ្នកបានរៀន ឬបានមានអារម្មណ៍នៅថ្ងៃនេះ ដែលអ្នកចង់ចែកចាយជាមួយ អាដា និង ហ្សូរី ។