ចំណេះចំណានខាងគោលលទ្ធិ ៖ មេរៀនទី ១៦៣
ការធ្វើសកម្មភាពដោយសេចក្ដីជំនឿដើម្បីស្វែងរកចម្លើយ
ការឆ្ពោះទៅមុខ ការទុកចិត្តលើព្រះអម្ចាស់
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
នៅឆ្នាំ២០០១ អៀរិក វែលហីមម៉េយ័រ បានទៅដល់កំពូលភ្នំអេវឺរេស ។ ខណៈដែលមនុស្សជាច្រើនបានជោគជ័យនៅចំពោះមុខគាត់ មានអ្វីមួយដែលធ្វើឲ្យការឡើងភ្នំរបស់គាត់ពិសេស ។ អៀរិកមានភ្នែកពិការ ។
អៀរិកអាចបញ្ចប់ការឡើងភ្នំបាន ពីព្រោះគាត់ដឹងថា គាត់អាចទុកចិត្តក្រុមអ្នកជំនាញរបស់គាត់ដើម្បីណែនាំគាត់ ។ ក្នុងអំឡុងនៃការឡើងភ្នំដ៏ងាយស្រួល អៀរិកបានពឹងផ្អែកលើកណ្តឹងដែលចងជាប់នឹងអ្នកឡើងភ្នំម្នាក់នៅពីមុខគាត់ ។ អំឡុងពេលកំពុងជួបការលំបាកនឹងការឡើងភ្នំ មគ្គទេសក៍បានណែនាំគាត់ពីកន្លែងដែលត្រូវដាក់ជើងរបស់គាត់ដើម្បីបោះជំហាននីមួយៗ ។
នៅពេលយើងកំពុងរុករកផ្លូវដើរនៅក្នុងឧបសគ្គក្នុងជីវិតរបស់យើង នោះយើងអាចទុកចិត្តលើព្រះវរបិតាសួគ៌ ព្រះយេស៊ូវគ្រីស្ទ និងពួកអ្នកបម្រើដែលបានជ្រើសរើសរបស់ទ្រង់ទាំងទ្វេដើម្បីដឹកនាំយើង ។ ព្រះគម្ពីរមានដំណើររឿងជាច្រើនអំពីបុគ្គលដែលទុកចិត្តលើព្រះ ហើយធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ ដើម្បីសម្រេចបាននូវរឿងដ៏អស្ចារ្យ ។
គោលបំណងមេរៀន ៖ ដើម្បីជួយអ្នកឲ្យទុកចិត្តព្រះ និងធ្វើសកម្មភាពដោយសេចក្តីជំនឿទៅលើព្រះយេស៊ូវគ្រីស្ទ នៅពេលអ្នកស្វែងរកចម្លើយចំពោះសំណួរនៃដំណឹងល្អរបស់អ្នក ។
រៀនអំពីរបៀបធ្វើ
ធ្វើសកម្មភាពដោយសេចក្ដីជំនឿ
សូមអានយ៉ាងហោចណាស់ពីរ នៃឧទាហរណ៍ដូចខាងក្រោម ។ សូមរកមើលពាក្យ ឬឃ្លានៅក្នុងរឿងនីមួយៗ ដែលបង្ហាញពីរបៀបដែលបុគ្គលម្នាក់ៗបានទុកចិត្ដលើព្រះ ។ សូមដាក់ស្លាកអ្វីដែលអ្នកស្វែងរកដូចជា « ធ្វើសកម្មភាពដោយសេចក្ដីជំនឿ » ។
-
ព្យាការីអេលីយ៉ា និងស្ត្រីនៃក្រុងសារិបតាក្នុងអំឡុងពេលមានអំណត់ ( ពង្សាវតាក្សត្រ ទី១ ១៧:៧–១៦ )
-
ណាម៉ាន់កំពុងស្វែងរកការប្រោសឲ្យជាពីរោគឃ្លង់របស់គាត់ ( ពង្សាវតាក្សត្រ ទី២ ៥:១–៣, ៩–១៥ )
-
ការអំពាវនាវរបស់ហេណុកឲ្យផ្សាយដំណឹងល្អ ( ម៉ូសេ ៦:២៦–២៨, ៣១, ៣៧–៣៩; ៧:១២–១៣ )
ការសិក្សាស៊ីជម្រៅ ៖ សម្រាប់ព័ត៌មានបន្ថែមអំពីស្ថានភាពរបស់ណាម៉ាន់ សូមមើល Bible Dictionary « Leprosy » ។
ខណៈដែលដំណើររឿងក្នុងព្រះគម្ពីរជាញឹកញាប់រួមបញ្ចូលការធ្វើសកម្មភាពដោយសេចក្តីជំនឿដ៏អស្ចារ្យ មានរបៀបសាមញ្ញជាច្រើនដើម្បីទទួលបានព្រះចេស្ដារបស់ព្រះដោយការធ្វើសកម្មភាពដោយសេចក្តីជំនឿ ។
អែលឌើរ អេឌ្រាន អូឆាវ នៃពួកចិតសិបនាក់ បានបង្រៀន ៖
បើបងប្អូនក្រឡេកមើលត្រទ្បប់បកក្រោយវិញពីជីវិតរបស់បងប្អូន នោះខ្ញុំជឿថា បងប្អូននឹងឃើញថា បងប្អូនបានអនុវត្តសេចក្ដីជំនឿជាច្រើនដងនៅក្នុងជីវិតរបស់បងប្អូន ។ ការចូលរួមក្នុងសាសនាចក្រនេះគឺជាសកម្មភាពនៃសេចក្ដីជំនឿ ។ ការទូលទៅព្រះវរបិតាសួគ៌នៅក្នុងការអធិស្ឋានគឺជាសកម្មភាពនៃសេចក្ដីជំនឿ ។ ការអានព្រះគម្ពីរគឺជាសកម្មភាពនៃសេចក្ដីជំនឿ ។ ការស្ដាប់សារលិខិតនៅក្នុងសន្និសីទទូទៅនេះគឺជាសកម្មភាពនៃសេចក្ដីជំនឿ ។ ដូចជាប្រធាន រ័សុល អិម ណិលសុន បានមានប្រសាសន៍ថា « សូមកុំបន្ថយសេចក្ដីជំនឿ ដែលបងប្អូនមានរួចទៅហើយនោះឡើយ » ។ ( « តើផែនការនេះដំណើរការដែរឬទេ ? » លីអាហូណា ខែឧសភា ឆ្នាំ២០២២ ទំព័រ ៤៧ )
សេចក្តីជំនឿ ការអធិស្ឋាន ការអានបទគម្ពីរ
តើមានរបៀបសាមញ្ញអ្វីខ្លះដែលអ្នកបានធ្វើសកម្មភាពដោយសេចក្តីជំនឿកាលពីអតីត ?
ការធ្វើសកម្មភាពដោយសេចក្ដីជំនឿអំពីសំណួរនៃដំណឹងល្អ
សំណួរពិបាកៗអំពីដំណឹងល្អបង្ហាញពីឱកាសដើម្បីធ្វើសកម្មភាពដោយសេចក្ដីជំនឿ ។
ការមានសំណួរ ឬកង្វល់អំពីព្រះវរបិតាសួគ៌ ព្រះយេស៊ូវគ្រីស្ទ ឬដំណឹងល្អរបស់ទ្រង់គឺជារឿងធម្មតា ។ ការធ្វើសកម្មភាពដោយសេចក្តីជំនឿអាចជួយអ្នកឲ្យស្វែងរកចម្លើយចំពោះសំណួរពិបាកៗ ខណៈដែលនៅជិតព្រះវរបិតាសួគ៌ និងព្រះយេស៊ូវគ្រីស្ទ ។
សូមអាន កថាខណ្ឌទី ៥, ៦ និង ៧ នៃផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ២០២៣ ) ។ សម្រាប់កថាខណ្ឌនីមួយៗ សូមគូសសម្គាល់យ៉ាងហោចណាស់ឃ្លាមួយ ដែលបំពេញសេចក្តីថ្លែងការណ៍ខាងក្រោម ៖
-
នៅពេលប្រឈមមុខនឹងសំណួរ ឬកង្វល់អំពីដំណឹងល្អ យើងអាចធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទបាន ដោយ …
អនុវត្ត
សូមស្រមៃថា អ្នកត្រូវបានអញ្ជើញឲ្យផ្តល់ដំបូន្មានដល់នរណាម្នាក់ដែលមានសំណួរ ឬកង្វល់អំពីដំណឹងល្អ ។ សូមរៀបចំអ្វីដែលអ្នកនឹងនិយាយដោយ ការបំពេញអ្វីខាងក្រោមនេះយ៉ាងហោចណាស់ពីរ នៅក្នុងសៀវភៅកត់ចំណាំរបស់អ្នក ៖
-
ស្វែងរករបៀបដែលបុគ្គលរូបនេះអាចធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ ដោយការឆ្លើយសំណួរខាងក្រោមនេះ ៖
-
តើការកាន់តាមបទបញ្ញត្តិរបស់ព្រះនឹងជួយពួកគេយ៉ាងដូចម្ដេច នៅពេលពួកគេបន្តស្វែងរកចម្លើយ ?
-
តើអ្នកសង្ឃឹមថា បុគ្គលរូបនេះបានស្គាល់ ឬចងចាំអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
-
តើគាត់ ឬនាងអាចធ្វើអ្វីខ្លះ ដើម្បីបង្ហាញការទុកចិត្តលើទ្រង់ទាំងទ្វេ ?
-
-
ស្វែងរកយ៉ាងហោចណាស់វគ្គបទគម្ពីរចំណេះចំណានខាងគោលលទ្ធិមួយ ឬវគ្គបទគម្ពីរផ្សេងទៀត ដែលអាចជួយបុគ្គលរូបនេះធ្វើសកម្មភាពដោយសេចក្តីជំនឿលើព្រះយេស៊ូវគ្រីស្ទ ។
-
សូមស្វែងរកសេចក្តីថ្លែងការណ៍មួយដោយថ្នាក់ដឹកនាំសាសនាចក្រ ដែលអាចជួយបុគ្គលរូបនេះឲ្យធ្វើសកម្មភាពដោយសេចក្តីជំនឿទៅលើព្រះយេស៊ូវគ្រីស្ទ ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យធ្វើសកម្មភាពដោយសេចក្តីជំនឿទៅលើព្រះយេស៊ូវគ្រីស្ទ នៅពេលពួកគេស្វែងរកចម្លើយចំពោះសំណួរនៃដំណឹងល្អរបស់ពួកគេ ។
សូមចែកចាយ អ្វីដូចខាងក្រោមនេះជាមួយនឹងគ្រូបង្រៀន ឬថ្នាក់របស់អ្នក ៖
-
សំណេរដែលអ្នកបានសរសេរនៅក្នុងសៀវភៅកត់ចំណាំផ្នែក « អនុវត្ត » ។