សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ១៤៥ ៖ ដានីយ៉ែល ៦—ការស្វែងរកសេចក្ដីពិតនៃដំណឹងល្អនៅក្នុងព្រះគម្ពីរ

ដានីយ៉ែលនៅក្នុងរូងសិង្ហ ដោយ ក្លាក ខេលលី ផ្រាយ

ដានីយ៉ែល ១–៧ ៖ មេរៀនទី ១៤៥

ដានីយ៉ែល ៦

ការស្វែងរកសេចក្ដីពិតនៃដំណឹងល្អនៅក្នុងព្រះគម្ពីរ

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

តើមានដំណើររឿងទូទៅដែលអ្នកធំឡើងបានឮអំពីវា ដែលបានបង្រៀនអ្នកនូវមេរៀនសំខាន់ៗដែរឬទេ ? តើដំណើររឿងទាំងនេះបង្រៀនពីអ្វីខ្លះ ? ព្រះយេស៊ូវគ្រីស្ទផ្ទាល់បានប្រើព្រះគម្ពីរសញ្ញាចាស់ដើម្បីជួយពួកសិស្សរបស់ទ្រង់ឲ្យយល់ពីការបង្រៀនរបស់ទ្រង់ ( ឧទាហរណ៍ សូមមើល លូកា ៤:២៤–២៧ ) ។ ដំណើររឿងដ៏មានឥទ្ធិពលមួយដែលបង្ហាញពីសេចក្ដីពិតនៃដំណឹងល្អជាច្រើនគឺដំណើររឿងអំពីសេចក្ដីជំនឿ និងការទុកចិត្តរបស់ដានីយ៉ែលលើព្រះអម្ចាស់ ទោះបីជានៅពេលកំពុងប្រឈមមុខនឹងរូងសិង្ហក៏ដោយ ។ មេរៀននេះអាចជួយអ្នកឲ្យស្គាល់ និងចែកចាយសេចក្ដីពិតនៃដំណឹងល្អនៅក្នុង ដានីយ៉ែល ៦ ។

សិក្សាព្រះគម្ពីរ

ស៊ីស្ទើរ ចេ អាណែត ដិននីស ទីប្រឹក្សាទីមួយនៅក្នុងគណៈប្រធានសមាគមសង្គ្រោះទូទៅ បានចែកចាយ ៖

11:56

ពេលកូនពៅពីរនាក់របស់ខ្ញុំធំឡើង ខ្ញុំបានរកឃើញសៀវភៅដែលមានការកម្សាន្ត និងគួរឲ្យចាប់ចិត្ត ប៉ុន្តែក៏បានប្រើនិមិត្តសញ្ញានៅក្នុងដំណើររឿងផងដែរ ។ ពេលយើងអានសៀវភៅជាមួយគ្នានាពេលល្ងាចៗ ខ្ញុំចូលចិត្តជួយកូនៗឲ្យយល់ពីនិមិត្តសញ្ញាដែលអ្នកនិពន្ធកំពុងប្រើដើម្បីបង្រៀនគោលការណ៍ដ៏ស៊ីជម្រៅ រួមទាំងគោលការណ៍ដំណឹងល្អផងដែរ ។ ( « ត្រូវប្រដាប់ខ្លួនដោយព្រះអម្ចាស់យេស៊ូវគ្រីស្ទវិញ » លីអាហូណា ខែឧសភា ឆ្នាំ២០២៤ ទំព័រ ១០ )

ដូចដែលយើងអាចរកឃើញសេចក្ដីពិតនៅក្នុងសៀវភៅ និងដំណើររឿងរបស់កុមារដែរ យើងអាចរៀនស្វែងរកសេចក្ដីពិតនៃដំណឹងល្អនៅក្នុងដំណើររឿងព្រះគម្ពីរដ៏បំផុសគំនិត ដែលព្រះវរបិតាសួគ៌ និងព្រះយេស៊ូវគ្រីស្ទបានរក្សាទុកសម្រាប់យើង ។

អែលឌើរ ជេ អ៊ី ជែនសិន ដែលនៅពេលនោះជាពួកចិតសិបនាក់ បានបង្រៀនពីរបៀបដែលដំណើររឿងនៅក្នុងព្រះគម្ពីរអាចជួយយើងឲ្យស្វែងរកសេចក្តីពិតបាន ៖

នៅពេលអ្នកអាន និងសិក្សាដំណើររឿង[ ព្រះគម្ពីរ ] អ្នកនឹងឃើញពាក្យ ឃ្លា ឬគោលការណ៍មួយដែលហាក់ដូចជាអាចអនុវត្តបាននៅសព្វថ្ងៃនេះ ដូចកាលនៅពីអតីតកាលដែរ ។ នៅពេលអ្នកបន្តការសិក្សារបស់អ្នកប្រកបដោយការអធិស្ឋាន គោលការណ៍ផ្សេងទៀតនឹងក្លាយជាច្បាស់លាស់ ។ នៅពេលអ្នកដាក់គោលការណ៍ទាំងនោះរួមគ្នា អ្នកនឹងចាប់ផ្តើមកាត់បន្ថយគម្លាតរវាងព្យាការី និងមនុស្សដែលបានរស់នៅក្នុងអតីតកាល—ពួកគេ-នៅទីនោះ-នៅពេលនោះ—និងយើងនៅក្នុងសម័យរបស់យើង—ខ្ញុំ-នៅទីនេះ-ឥឡូវនេះ ។ ( « Scripture Stories as Patterns for Our Lives » Ensign ខែកក្កដា ឆ្នាំ២០០៩ ទំព័រ ២១ )

សូមយាងអញ្ជើញព្រះវិញ្ញាណបរិសុទ្ធដើម្បីជួយបង្កើនសមត្ថភាពរបស់អ្នក ក្នុងការស្វែងរកសេចក្ដីពិតនៅក្នុងដំណើររឿងព្រះគម្ពីរនានា និងបង្រៀនអ្នកដទៃនូវអ្វីដែលអ្នករៀនអំពីព្រះយេស៊ូវគ្រីស្ទ ព្រះជន្មរបស់ទ្រង់ និងដំណឹងល្អរបស់ទ្រង់ ។

ជាច្រើនឆ្នាំបន្ទាប់ពីដានីយ៉ែល និងមិត្តភក្តិរបស់លោកត្រូវបានជាប់ឃុំឃាំងនៅក្នុងក្រុងបាប៊ីឡូន នគរនេះត្រូវបានគ្រប់គ្រងដោយពួកសាសន៍មេឌី និងសាសន៍ពើស៊ី ។ ដារីយុស ជាសាសន៍មេឌី ត្រូវបានតែងតាំងជាស្ដេចនៃបាប៊ីឡូន ( សូមមើល ដានីយ៉ែល ៥:៣០–៣១ ) ។

សូមអាន ដានីយ៉ែល ៦:៤–២៨ ហើយហាត់ស្វែងរកមេរៀន ឬសេចក្តីពិតសំខាន់ៗ ។ នៅពេលអ្នកអាន សូមសួរខ្លួនឯងថា « តើព្រះអម្ចាស់ចង់ឲ្យខ្ញុំរៀនអ្វីខ្លះពីដំណើររឿងនេះ ? » សូមធ្វើការកត់ចំណាំនៅជាប់នឹងខគម្ពីរដែលអ្នកមានអារម្មណ៍ថាអាចជួយបង្ហាញពីសេចក្តីពិត ។

ឧទាហរណ៍ អ្នកអាចធ្វើការកត់ចំណាំនៅជាប់នឹង ខទី ៤ ជាមួយសេចក្តីពិតដូចតទៅនេះ ៖ ក្នុងនាមជាសិស្សរបស់ព្រះគ្រីស្ទ យើងនឹងប្រឈមនឹងការផ្ទុយ ដោយសារតែសេចក្តីជំនឿរបស់យើង ។

អ្នកក៏អាចមើលវីដេអូ « Daniel and the Lions’ Den » ( ១:៤៥ ) បានផងដែរ ។

1:45

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យស្វែងរក និងចែកចាយសេចក្ដីពិតនៃដំណឹងល្អចេញពី ដានីយ៉ែល ៦ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

សំបុត្រដែលអ្នកបានសរសេរទៅខ្លួនឯងនៅអាយុប្រាំឆ្នាំ ។
របៀបដែលជីវិតរបស់ដានីយ៉ែលស្រដៀងនឹងព្រះជន្មរបស់ព្រះអង្គសង្គ្រោះ ។ សូមរួមបញ្ចូលរបៀបដែលវាអាចជួយអ្នកឲ្យប្រែក្លាយកាន់តែដូចជាព្រះគ្រីស្ទ ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?

ដានីយ៉ែល ៦:៤	ពួកគេមិនអាចរកឃើញកំហុសរបស់លោកទេ ។	យ៉ូហាន ១៨:៣៨
ដានីយ៉ែល ៦:៧–៩	ច្បាប់របស់ស្តេចបានគំរាមកំហែងដល់អាយុជីវិតរបស់លោក ។	ម៉ាថាយ ២:១៦
ដានីយ៉ែល ៦:១០–១១	គេបានចាប់ខ្លួនលោក បន្ទាប់ពីបានអធិស្ឋានទៅព្រះ ។	ម៉ាកុស ១៤:៣៩–៤៦
ដានីយ៉ែល ៦:១៤	អ្នកគ្រប់គ្រងម្នាក់បានព្យាយាមទុកជីវិតឲ្យលោក ។	ម៉ាថាយ ២៧:២២–២៤
ដានីយ៉ែល ៦:១៧	គេបានដាក់លោកក្នុងរូងបិទជិតដោយថ្មមួយ ។	ម៉ាកុស ១៥:៤៦
ដានីយ៉ែល ៦:១៩	គេរកឃើញលោកនៅមានជីវិតនៅឡើយនៅពេលព្រឹកព្រលឹម ។	យ៉ូហាន ២០:១, ១១–១៧