សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ១៤៦ ៖ ហូសេ—សេចក្តីស្រឡាញ់ និងសេចក្តីមេត្តាករុណារបស់ព្រះអម្ចាស់

Gentle Shepherd [ អ្នកគង្វាលសុភាព ] ដោយ យ៉ុងស៊ុង គីម

ហូសេ ១–៦; ១០–១៤; យ៉ូអែល ៖ មេរៀនទី ១៤៦

ហូសេ

សេចក្តីស្រឡាញ់ និងសេចក្តីមេត្តាករុណារបស់ព្រះអម្ចាស់

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

នៅក្នុងគម្ពីរហូសេ ព្រះអម្ចាស់បានប្រើអាពាហ៍ពិពាហ៍រវាងព្យាការីហូសេ និងភរិយាមិនស្មោះត្រង់របស់លោក កូមើរ ដើម្បីបង្រៀនអ៊ីស្រាអែលអំពីសេចក្តីស្រឡាញ់នៃសេចក្តីសញ្ញាដ៏ពិតប្រាកដរបស់ទ្រង់សម្រាប់ពួកគេ និងសម្រាប់អ្នក ។ មេរៀននេះអាចជួយអ្នកឲ្យយល់ និងស្គាល់សេចក្តីមេត្តាករុណា និងសេចក្តីស្រឡាញ់ដ៏ពិតប្រាកដរបស់ព្រះអម្ចាស់ ។

សិក្សាព្រះគម្ពីរ

តើអ្វីទៅដែលធ្វើឲ្យដំណើររឿងអំពីសេចក្តីស្រឡាញ់មានភាពអស្ចារ្យ ? អ្នកខ្លះប្រហែលជាផ្ដល់យោបល់ថា តួអង្គគួរធ្វើឲ្យមានភាពទាក់ទាញ ដោយធ្វើឲ្យមានការឈ្លោះគ្នាបន្តិច និងមានអារម្មណ៍ល្អជាមួយគ្នាខ្លាំង ប៉ុន្តែដំណើររឿងអំពីសេចក្តីស្រឡាញ់ដ៏អស្ចារ្យបំផុតមានអ្វីមួយដែលមានឥទ្ធិពលជាងនេះទៅទៀត ៖ សេចក្ដីស្រឡាញ់របស់ព្រះយេស៊ូវគ្រីស្ទចំពោះយើង ។

ប្រធាន ហែនរី ប៊ី អាវរិង នៃគណៈប្រធានទីមួយ បានបង្រៀនដូចខាងក្រោមអំពីបទពិសោធន៍របស់លោក ក្នុងការបង្រៀនថ្នាក់សិក្ខាសាលាពេលព្រឹកព្រលឹមអំពីគម្ពីរហូសេ ៖

ពេញមួយជីវិតខ្ញុំ ខ្ញុំធ្លាប់បានឮការពន្យល់អំពីសេចក្តីសញ្ញានានាថា ដូចជាកិច្ចសន្យាមួយ ការព្រមព្រៀងមួយដែលបុគ្គលម្នាក់យល់ព្រមធ្វើអ្វីមួយ ហើយបុគ្គលម្នាក់ទៀតយល់ព្រមធ្វើអ្វីទៀតត្រឡប់មកវិញ ។ …

ក្នុងអំឡុងពេលបង្រៀនអំពីគម្ពីរហូសេ ខ្ញុំមានអារម្មណ៍ថាមានអ្វីមួយថ្មី ជាអ្វីមួយដែលកាន់តែមានឥទ្ធិពល ។ វាមិនមែនជារឿងអំពីកិច្ចព្រមព្រៀងអាជីវកម្មរវាងដៃគូជំនួញនោះទេ ។ … វាជារឿងនៃសេចក្ដីស្រឡាញ់ ។ នេះគឺជារឿងនៃសេចក្ដីសញ្ញានៃអាពាហ៍ពិពាហ៍ ដែលចងភ្ជាប់ដោយសេចក្ដីស្រឡាញ់ ជាក្ដីស្រឡាញ់ដែលមិនប្រួលប្រែ ។ ( « Covenants and Sacrifice » [ សុន្ទរកថាដែលបានថ្លែងនៅ សន្និសីទប្រព័ន្ធអប់រំសាសនាចក្រស្តីពីព្រះគម្ពីរសញ្ញាចាស់ ថ្ងៃទី១៥ ខែសីហា ឆ្នាំ១៩៩៥ ] )

នៅពេលអ្នកសិក្សាគម្ពីរហូសេនៅថ្ងៃនេះ សូមរកមើលព្រះទ័យរបស់ព្រះអម្ចាស់ និងរបៀបដែលទ្រង់ឆ្លើយតបចំពោះរាស្រ្តក្នុងសេចក្តីសញ្ញារបស់ទ្រង់ ទោះបីជានៅពេលពួកគេក្បត់ទ្រង់ក៏ដោយ ។

ហូសេគឺជាព្យាការីរបស់ព្រះនៅនគរភាគខាងជើងក្នុងស្រុកអ៊ីស្រាអែល ដែលព្យាករនៅពេលដូចគ្នានឹងអេសាយដែរ ។ ព្រះអម្ចាស់ត្រាស់បង្គាប់ឲ្យហូសេរៀបការស្ត្រីម្នាក់ដែលបានប្រព្រឹត្តអំពើ « សំផឹង » ឬអំពើបាបខាងផ្លូវភេទ ។ ហូសេបានគោរពតាមបទបញ្ញត្តិរបស់ព្រះអម្ចាស់ ហើយបានរៀបការជាមួយកូមើរ ដែលត្រូវបានស្គាល់ថាជាស្រីផិតក្បត់ ។ ពួកគាត់មានកូនបីនាក់ជាមួយគ្នា ( សូមមើល ហូសេ ១:២–៩ ) ។

សូមអាន ហូសេ ២:៥ ហើយរកមើលអ្វីដែលហូសេបាននិយាយថា កូមើរបានធ្វើ ។ « ម្តាយវា » សំដៅទៅលើកូមើរ ។

គួរឲ្យស្ដាយណាស់ កូមើរមិនស្មោះត្រង់នឹងសេចក្តីសញ្ញារបស់នាងជាមួយហូសេទេ ដូចជាអ៊ីស្រាអែលមិនមានទំនាក់ទំនងស្មោះត្រង់ជាមួយព្រះដែរ ។ អ្នកអាចអាន និងភ្ជាប់ ពង្សាវតារក្សត្រ ទី២ ១៧:១៤–១៦ ទៅនឹង ហូសេ ២:៥ ។

ពេលខ្លះ ដូចជាកូមើរ និងកូនចៅអ៊ីស្រាអែលដែរ យើងមិនស្មោះត្រង់នឹងព្រះអម្ចាស់ទេ ហើយវង្វេងចេញពីសេចក្តីសញ្ញារបស់យើងជាមួយទ្រង់ ប៉ុន្តែទ្រង់តែងតែខិតខំដើម្បីនាំយើងត្រឡប់ទៅទ្រង់វិញជានិច្ច ។

ព្រះយេស៊ូវគ្រីស្ទសន្ធឹងព្រះហស្ដរបស់ទ្រង់

សូមអាន ហូសេ ២:៥–៨ ។ សូមគូសសម្គាល់មូលហេតុដែលកូមើរជ្រើសរើសចាកចេញពីហូសេ ។ បន្ទាប់មក សូមអាន ហូសេ ២:១៤–១៦, ១៩–២០, ២៣ ។ ការស្ម័គ្រចិត្តរបស់ហូសេដើម្បីជួយកូមើរឲ្យត្រឡប់មករកគាត់វិញ អាចប្រៀបធៀបទៅនឹងអ្វីដែលព្រះអម្ចាស់សព្វព្រះទ័យនឹងធ្វើដើម្បីជួយអ៊ីស្រាអែលឲ្យត្រឡប់មកកាន់ទ្រង់វិញ ។ សូមគូសសម្គាល់ឃ្លាដែលពន្យល់ពីអ្វីដែលហូសេសុខចិត្តធ្វើដើម្បីជួយកូមើរឲ្យត្រឡប់មកវិញជាពណ៌ផ្សេង ។

សូមអាន ហូសេ ៣:១–៣ ហើយធ្វើការកត់ចំណាំនៅជាប់នឹងខគម្ពីរដែលឆ្លើយតបនឹងសំណួរមួយ ឬច្រើនដូចខាងក្រោម ៖

តើអ្នកគិតថា ហេតុអ្វីហូសេសុខចិត្តបង់ថ្លៃដើម្បីអញ្ជើញកូមើរឲ្យត្រឡប់ទៅផ្ទះវិញ មិនថានាងបានធ្វើអ្វីក៏ដោយនោះ ?
តើហូសេរំឭកអ្នកអំពីព្រះយេស៊ូវគ្រីស្ទតាមរបៀបណាខ្លះ ?

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។

ព្រះយេស៊ូវគ្រីស្ទ ដែលហ៊ុមព័ទ្ធដោយកុមារមួយក្រុម បង្ហាញពួកគេនូវសេចក្តីស្រឡាញ់ និងសេចក្តីមេត្តាករុណា

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យយល់ពីសេចក្ដីមេត្តាករុណា និងសេចក្ដីស្រឡាញ់ដ៏ពិតប្រាកដរបស់ព្រះអម្ចាស់សម្រាប់អ្នក ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

សារលើកទឹកចិត្តដែលអ្នកបានសរសេរ ។
អ្វីមួយដែលអ្នកបានរៀន ឬបានកត់ត្រាអំពីបុគ្គលិកលក្ខណៈរបស់ព្រះវរបិតាសួគ៌ និងព្រះយេស៊ូវគ្រីស្ទ ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?