សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ១៣៨ ៖ អេសេគាល ១–៣; ៣៣—« យើងបានតាំងឯងឲ្យជាអ្នកយាម »

អេសេគាល ១–៣; ៣៣–៣៤; ៣៦–៣៧; ៤៧ ៖ មេរៀនទី ១៣៨

អេសេគាល ១–៣; ៣៣

« យើងបានតាំងឯងឲ្យជាអ្នកយាម »

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

តើយើងអាចរក្សាសុវត្ថិភាពបានយ៉ាងដូចម្តេច បើគ្រោះថ្នាក់ខាងវិញ្ញាណមានច្រើននៅក្នុងពិភពលោកនេះ ? ព្រះអម្ចាស់ហៅពួកព្យាការីឲ្យបម្រើជាអ្នកយាមដើម្បីព្រមាន និងការពារយើង ។ ព្រះអម្ចាស់បានហៅអេសេគាលឲ្យធ្វើជាអ្នកយាមសម្រាប់ពួកសាសន៍អ៊ីស្រាអែល ខណៈជាប់ជាឈ្លើយរបស់សាសន៍បាប៊ីឡូន ( សូមមើល អេសេគាល ៣:១៦–១៧ ) ។ មេរៀននេះអាចជួយអ្នកឲ្យមានអារម្មណ៍ចង់ស្តាប់តាមការព្រមាននៃព្យាការីរបស់ព្រះអម្ចាស់កាន់តែខ្លាំងឡើង ។

សិក្សាព្រះគម្ពីរ

ដោយមាន១៦៥ជាន់ និងកម្ពស់៨២៨ម៉ែត្រ ( ២,៧១៧ ហ្វីត ) អគារ ប៊ឺជ ខាលីហ្វា ក្នុងទីក្រុងឌូបៃ ផ្តល់នូវទិដ្ឋភាពដ៏វិសេសវិសាល ។ ចេញពីកន្លែងសង្កេតមើលរបស់អគារនេះ អ្នកអាចមើលឃើញរហូតដល់៩៥គីឡូម៉ែត្រ ( ៥៩ ម៉ាយល៍ ) ឆ្ងាយជាងចម្ងាយដែលអាចមើលឃើញឈរនៅលើដីរាបស្មើ២០ដង ។

ខណៈពេលដែលអគារ ប៊ឺជ ខាលីហ្វា គឺជាឧទាហរណ៍ដ៏អស្ចារ្យមួយ មនុស្សបានប្រើប៉មដើម្បីទទួលបានទិដ្ឋភាពដ៏ល្អប្រសើររាប់ពាន់ឆ្នាំមកហើយ ។ ព្រះអម្ចាស់បានប្រើគំនិតនេះ ដើម្បីបង្រៀនអេសេគាលនូវមេរៀនដ៏មានតម្លៃអំពីពួកព្យាការី ។

អេសេគាលត្រូវបានចាប់យកទៅក្រុងបាប៊ីឡូនជាមួយនឹងពួកសាសន៍អ៊ីស្រាអែលឯទៀត ។ ខណៈជាប់ជាឈ្លើយ ព្រះអម្ចាស់បានយាងមកជួបលោក ហើយបានហៅលោកឲ្យធ្វើជាព្យាការី ( សូមមើល អេសេគាល ១–២ ) ។

សូមអាន អេសេគាល ៣:១៦–១៧ ហើយគូសសម្គាល់អ្វីដែលព្រះអម្ចាស់បានប្រៀបធៀបអេសេគាលទៅ ។

នៅសម័យបុរាណ អ្នកយាមមានទីតាំងឈរនៅលើប៉ម ដើម្បីឲ្យពួកគេអាចមើលឃើញនូវអ្វីដែលអ្នកនៅខាងក្រោមពួកគេមិនអាចមើលឃើញ ។ ការងាររបស់ពួកគេគឺដើម្បីព្រមានប្រជាជនពីពួកសត្រូវចូលមកជិត ភ្លើង សត្វសាហាវ ឬការគំរាមកំហែងផ្សេងទៀត ។

អេសេគាល ៣:១៦–១៧ នេះគឺជាវគ្គបទគម្ពីរចំណេះចំណានខាងគោលលទ្ធិមួយ ។ សូមពិចារណាដាក់ស្លាកវគ្គបទគម្ពីរចំណេះចំណានខាងគោលលទ្ធិ ជាមួយនឹងប្រធានបទដែលវាបង្រៀន ដើម្បីអ្នកអាចងាយនឹងរកវាឃើញនៅពេលក្រោយ ។ សូមទន្ទេញឃ្លាសេចក្ដីយោង និងឃ្លាបទគម្ពីរគន្លឹះ « ព្យាការីគឺជាអ្នកយាមដល់ពូជពង្សអ៊ីស្រាអែល » ។ សូមអានឃ្លានេះប្រាំដង ហើយបន្ទាប់មកព្យាយាមសូត្រឃ្លានេះ១០ដងដោយមិនមើល ។

នៅក្នុង អេសេគាល ៣៣ ព្រះអម្ចាស់បានបង្រៀនអេសេគាលម្តងទៀតអំពីការទទួលខុសត្រូវរបស់លោកក្នុងការបម្រើជាអ្នកយាម និងការចែកចាយសារលិខិតរបស់ព្រះជាមួយអ៊ីស្រាអែល ( សូមមើល អេសេគាល ៣៣:១–៧ ) ។

សូមដាក់តំណភ្ជាប់ អេសេគាល ៣:១៦–១៧ ទៅនឹង អេសេគាល ៣៣:១–៧ ។ បន្ទាប់មក សូមអាន អេសេគាល ៣៣:១–៧ ហើយរកមើលការពន្យល់របស់ព្រះអម្ចាស់អំពីរបៀបដែលព្យាការីដូចជាអ្នកយាម ។

ឥឡូវនេះ ដោយសារអ្នកបានសិក្សាអំពីអ្នកយាមរួចហើយ សូមធ្វើការកត់ចំណាំនៅក្បែរ អេសេគាល ៣:១៧ ហើយពន្យល់ពីមូលហេតុដែលការមានអ្នកយាមខាងវិញ្ញាណមានសារៈសំខាន់យ៉ាងខ្លាំង ។

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យមានអារម្មណ៍ចង់ស្តាប់តាមការព្រមាននៃព្យាការីរបស់ព្រះអម្ចាស់កាន់តែខ្លាំងឡើង ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

ការព្រមាន ឬការសន្យាចំនួនបីដែលអ្នកបានគូសសម្គាល់ ឬដាក់ស្លាកពីមុន ។
ការព្រមានមួយពីសន្និសីទទូទៅ និងរបៀបដែលវាគឺជាភស្តុតាងនៃសេចក្តីស្រឡាញ់របស់ព្រះ ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?