សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ១១៦ ៖ អេសាយ ១១–១២—« ទង់១ឡើងសម្រាប់អស់ទាំងសាសន៍ »

យ៉ូសែបនៅក្នុងព្រៃ ដោយ អាឈី ឌី ស័រ

អេសាយ ១–១២ ៖ មេរៀនទី ១១៦

អេសាយ ១១–១២

« ទង់១ឡើងសម្រាប់អស់ទាំងសាសន៍ »

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

បុត្រាបុត្រីរបស់ព្រះត្រូវបានខ្ចាត់ខ្ចាយខាងវិញ្ញាណ ហើយទ្រង់ចង់ប្រមូលពួកគេទៅកាន់ទីសុវត្ថិភាពនៃដំណឹងល្អរបស់ទ្រង់វិញ ។ ដោយការប្រើជានិមិត្តរូបដើមឈើ និងទង់ អេសាយបានព្យាករអំពីការប្រមូលផ្ដុំអ៊ីស្រាអែល ។ មេរៀននេះអាចជួយអ្នកឲ្យទទួលការជំរុញចិត្តកាន់តែខ្លាំងដើម្បីចែកចាយដំណឹងល្អជាមួយអ្នកដទៃ ។

សិក្សាព្រះគម្ពីរ

រូបភាពខាងក្រោមនេះគឺជាការបង្ហាញអំពីអ្វីដែលអេសាយបានរៀបរាប់នៅក្នុង អេសាយ ១១:១ ៖

សូមអាន អេសាយ ១១:១ ហើយគូសសម្គាល់ការពិពណ៌នាដែលអេសាយបានប្រើ ដែលបានបង្ហាញនៅក្នុងរូបភាពនេះ ។ ( វាអាចជាប្រយោជន៍ក្នុងការដឹងថា គល់ឈើក៏អាចត្រូវបានបកប្រែថាជាដង្គត់ឈើ ហើយលំពង់បកថាជាមែកតូចៗ ឬឫសផងដែរ ) ។

ប្រសិនបើអ្នកឃើញថា ខគម្ពីរទាំងនោះពិបាកបកស្រាយ នោះអ្នកមិនឯកោនោះទេ ។ យ៉ូសែប ស្ម៊ីធ ក៏មានសំណួរអំពីអត្ថន័យនៃខគម្ពីរទាំងនេះផងដែរ ។ គោលលទ្ធិ និងសេចក្ដីសញ្ញា ១១៣:១–៦ កត់ត្រាសំណួររបស់លោកអំពី អេសាយ ១១ និងចម្លើយដ៏បំផុសគំនិតដែលលោកបានទទួល ។

សូមសរសេរកំណត់ចំណាំមួយនៅក្បែរពាក្យ « គល់ » នៅក្នុង អេសាយ ១១:១ ដែលនិយាយថា « គល់ = ព្រះយេស៊ូវគ្រីស្ទ ( គោលលទ្ធិ និងសេចក្ដីសញ្ញា ១១៣:១–២ ) » ។

សូមកត់សម្គាល់ថា ខណៈដែលគល់ ឬដើមនៅនឹងកន្លែងនៅឡើយ ដើមឈើនោះត្រូវបានកាប់ចោលហើយ ។ ការណ៍នេះអាចជានិមិត្តរូបនៃការក្បត់សាសនា ដែលបានកើតឡើងបន្ទាប់ពីព្រះគ្រីស្ទបានស្ថាបនាសាសនាចក្ររបស់ទ្រង់ឡើង ។ មែកដែលដុះចេញពីគល់នោះ តំណាងឲ្យមនុស្សដែលទទួលបានអំណាច ដើម្បីចាប់ផ្តើមធ្វើឲ្យនគររបស់ព្រះរីកចម្រើនម្តងទៀត ( គោលលទ្ធិ និងសេចក្ដីសញ្ញា ១១៣:៣–៤ ) ។

សូមសរសេរកំណត់ចំណាំមួយនៅក្បែរពាក្យ « មែក » នៅក្នុង អេសាយ ១១:១ ដែលនិយាយថា « មែក = យ៉ូសែប ស៊្មីធ ( គោលលទ្ធិ និងសេចក្ដីសញ្ញា ១១៣:៣–៤ ) » ។

ទេវតាមរ៉ូណៃបង្ហាញកាយទ្រង់ដល់យ៉ូសែប ស្ម៊ីធ នៅក្នុងបន្ទប់របស់លោក — The Angel Moroni Appears to Joseph Smith in His Room [ ទេវតាមរ៉ូណៃបង្ហាញកាយទ្រង់ដល់ យ៉ូសែប ស្ម៊ីធ នៅក្នុងបន្ទប់របស់លោក ] ដោយ ថម ឡូវ៉េល

នៅពេលទេវតាមរ៉ូណៃបានបង្ហាញកាយមកឲ្យ យ៉ូសែប ស្ម៊ីធ ឃើញ នោះទ្រង់បានដកស្រង់ អេសាយ ១១ ជាច្រើនដង ( សូមមើល យ៉ូសែប ស្ម៊ីធ—ប្រវត្តិ ១:៤០, ៤៥–៤៦, ៤៩ ) ។ បន្ថែមពីលើការព្យាករអំពីព្រះអង្គសង្គ្រោះ និងសហស្សវត្សរ៍ ( អេសាយ ១១:៦–៩ ) ជំពូកនេះបានព្យាករអំពីកិច្ចការដែលបានធ្វើឡើងដោយ « ឫសនៃអ៊ីសាយ » ។ គោលលទ្ធិ និងសេចក្ដីសញ្ញា ១១៣:៥–៦ ជួយយើងឲ្យស្គាល់បុគ្គលនោះថាជា យ៉ូសែប ស៊្មីធ ។

សូមសរសេរកំណត់ចំណាំមួយនៅក្បែរពាក្យ « ឫសនៃអ៊ីសាយ » នៅក្នុង អេសាយ ១១:១០ ដែលនិយាយថា « ឫសនៃអ៊ីសាយ = យ៉ូសែប ស៊្មីធ ( គោលលទ្ធិ និងសេចក្ដីសញ្ញា ១១៣:៥–៦ ) » ។

សូមអាន អេសាយ ១១:១០–១២ ហើយរកមើលកិច្ចការដែលព្រះអម្ចាស់នឹងធ្វើតាមរយៈព្យាការី យ៉ូសែប ស្ម៊ីធ ។

គន្លឹះអាន ៖

ឃ្លា « ព្រះអម្ចាស់ទ្រង់នឹងលូកព្រះហស្តទ្រង់ទៅម្តងទៀត ដើម្បីនឹងប្រមូលពួកសំណល់នៃរាស្ត្រទ្រង់ដែលសល់នៅ » ( អេសាយ ១១:១១ ) សំដៅទៅលើការប្រមូលសាសន៍អ៊ីស្រាអែលនៅថ្ងៃចុងក្រោយ ( សូមមើល គោលលទ្ធិ និងសេចក្តីសញ្ញា ១៣៧:៦ ) ។
ទង់គឺជាបដាមួយដែលទ័ពមួយក្រុមអាចប្រមូលផ្ដុំគ្នានៅក្រោមនោះ ឬដើរដង្ហែរពីក្រោយវា ។
« ទង់១ឡើងសម្រាប់អស់ទាំងសាសន៍ » ( អេសាយ ១១:១២ ) សំដៅទៅលើការស្ដារឡើងវិញនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ រួមទាំងពិធីបរិសុទ្ធ និងសេចក្ដីសញ្ញាទាំងអស់របស់សាសនាចក្រដែលបានស្ដារឡើងវិញផងដែរ ( សូមមើល គោលលទ្ធិ និងសេចក្តីសញ្ញា ៤៥:៩ ) ។

សូមប្រើគន្លឹះអាននៅខាងលើនេះ ដើម្បីសរសេរកំណត់ចំណាំណាមួយ ដែលនឹងជួយអ្នកឲ្យយល់ពីជំពូកនេះនៅពេលក្រោយដែលអ្នកអានវា ។ បន្ទាប់មក សូមកត់ត្រាសេចក្ដីពិតដូចតទៅនេះនៅក្បែរ អេសាយ ១១:១២ ៖ សាសនាចក្រដែលបានស្ដារឡើងវិញរបស់ព្រះអម្ចាស់គឺជាទង់មួយ ដើម្បីប្រមូលផ្ដុំប្រជាជនទៅកាន់ដំណឹងល្អរបស់ព្រះយេស៊ូវគ្រីស្ទ ។

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យទទួលការជំរុញចិត្តកាន់តែខ្លាំងដើម្បីចែកចាយដំណឹងល្អជាមួយអ្នកដទៃ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

ទង់ជាតិដែលអ្នកបានគូស ។
គោលការណ៍ដែលអ្នកបានរកឃើញ ដើម្បីប្រមូលផ្តុំអ្នកដទៃប្រកបដោយប្រសិទ្ធភាព ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?