Forgiven [ បានអភ័យទោសឲ្យ ] ដោយ ហ្គ្រេក អូលសិន ។ ប្រើប្រាស់ដោយមានការអនុញ្ញាត ។ www.GregOlsen.com
អេសាយ ១–១២ ៖ មេរៀនទី ១១៤
អេសាយ ១
« ទោះបើអំពើបាបរបស់ឯងដូចជាពណ៌ក្រហមទែងក៏ដោយ គង់តែនឹងបានសដូចហិមៈ »
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ទោះបីជាយើងទាំងអស់គ្នាមានបាប ហើយត្រូវការការអភ័យទោសក៏ដោយ ក៏ពេលខ្លះយើងអាចជឿថា យើងមិនអាចត្រូវលើកលែងទោសឲ្យបានឡើយ ។ ប៉ុន្ដែសារលិខិតរបស់ព្រះអង្គសង្រ្គោះគឺច្បាស់លាស់ ៖ « ទោះបើអំពើបាបរបស់ឯងដូចជាពណ៌ក្រហមទែងក៏ដោយ គង់តែនឹងបានសដូចហិមៈ » ( អេសាយ ១:១៨ ) ។ មេរៀននេះអាចជួយអ្នកឲ្យបង្កើនទំនុកចិត្តរបស់អ្នកលើបំណងប្រាថ្នា និងសមត្ថភាពរបស់ព្រះអង្គសង្គ្រោះ ដើម្បីសម្អាតអ្នកពីអំពើបាបរបស់អ្នក ។
សិក្សាព្រះគម្ពីរ
សូមគិតពីគ្រាមួយ ដែលអ្នកធ្វើឲ្យសម្លៀកបំពាក់របស់អ្នកប្រឡាក់ ។ តើអំពើបាបរបស់យើងអាចប្រៀបនឹងស្នាមប្រឡាក់ដោយរបៀបណា ? តើមានហេតុផលអ្វីខ្លះ ដែលមនុស្សអាចគិតថា ពួកគេមិនអាចបានស្អាតពីអំពើបាបរបស់ពួកគេបាន ?
សូមជញ្ជឹងគិតសេចក្ដីថ្លែងការណ៍ខាងក្រោមនេះ ។ តើសេចក្ដីថ្លែងការណ៍មួយណា ដែលអ្នកយល់បានខ្លាំងបំផុត ? ហេតុអ្វីអ្នកមានអារម្មណ៍បែបនេះ ?
-
ខ្ញុំមានទំនុកចិត្តថា ព្រះអង្គសង្គ្រោះអាចសម្អាតខ្ញុំពីអំពើបាបទាំងអស់របស់ខ្ញុំ ។
-
ខ្ញុំជឿថា ព្រះអង្គសង្គ្រោះអាចសម្អាតខ្ញុំពីអំពើបាបមួយចំនួន ប៉ុន្តែមិនមែនទាំងអស់នោះទេ ។
-
ខ្ញុំជឿថា ព្រះអង្គសង្គ្រោះអាចសម្អាតអំពើបាបរបស់អ្នកដទៃបាន ប៉ុន្តែមិនមែនរបស់ខ្ញុំទេ ។
-
ខ្ញុំមិនជឿថា ព្រះអង្គសង្គ្រោះអាចសម្អាតអំពើបាបបានទេ ។
សូមអាន អេសាយ ១:២–៤ ហើយរកមើលស្ថានភាពខាងវិញ្ញាណរបស់ពួកសាសន៍អ៊ីស្រាអែល ។
នៅពេលអ្នកសិក្សាការបង្រៀនរបស់អេសាយ វាមានប្រយោជន៍ក្នុងការយល់ថា ជាញឹកញាប់លោកបានកត់ត្រាព្រះបន្ទូលរបស់ព្រះអម្ចាស់ជាទម្រង់កំណាព្យមួយដែលហៅថា ភាពស្របគ្នា ។ ភាពស្របគ្នាកើតឡើងនៅពេលដែលអ្នកនិពន្ធបង្ហាញគំនិតមួយ ហើយបន្ទាប់មកនិយាយឡើងវិញ ឬប្រៀបធៀបពីភាពផ្ទុយគំនិតគ្នា ដោយប្រើពាក្យផ្សេងគ្នា ។ ឧទាហរណ៍នៅក្នុង ខទី ២ ឃ្លារួមបញ្ចូលគ្នាថា « ឱស្ថានសួគ៌អើយ ចូរស្តាប់ » និង « ហើយផែនដីអើយ ចូរផ្ទៀងត្រចៀកចុះ » ( អេសាយ ១:២ ) គឺជាឧទាហរណ៍មួយនៃភាពស្របគ្នា ។
អេសាយក៏បានប្រើនិមិត្តរូប ដើម្បីបង្ហាញពីការបង្រៀនរបស់លោកផងដែរ ។ នៅក្នុង អេសាយ ១:៣ អ្នកអាចកត់សម្គាល់ឃើញថា លោកបានប្រើនិមិត្តរូបផ្សេងៗគ្នា ដើម្បីបង្រៀនពួកសាសន៍អ៊ីស្រាអែល ។ មិនដូចសត្វគោ និងសត្វលាទេ ពួកសាសន៍អ៊ីស្រាអែលមិនទទួលស្គាល់ចៅហ្វាយរបស់ពួកគេទេ ។
កូនចៀមដែលវង្វេង ដោយ ឌែល ផាសុន
សូមអាន អេសាយ ១:១៦–១៨ ។ សូមគូសសម្គាល់អ្វីដែលព្រះអម្ចាស់សន្យានឹងយើង នៅពេលយើងប្រែចិត្ត ។ សូមចំណាំថា អេសាយបានប្រើទាំងភាពស្របគ្នា និងការប្រើនិមិត្តរូបដើម្បីបង្ហាញការសន្យានេះ ។
អេសាយ ១:១៨ គឺជាវគ្គបទគម្ពីរចំណេះចំណានខាងគោលលទ្ធិ ។ សូមពិចារណាដាក់ស្លាកវគ្គបទគម្ពីរចំណេះចំណានខាងគោលលទ្ធិ ជាមួយនឹងប្រធានបទដែលវាបង្រៀន ដើម្បីអ្នកអាចងាយនឹងរកវាឃើញនៅពេលក្រោយ ។ សូមទន្ទេញសេចក្តីយោង និងឃ្លាបទគម្ពីរគន្លឹះនេះឲ្យចាំ « ទោះបើអំពើបាបរបស់ឯងដូចជាពណ៌ក្រហមទែងក៏ដោយ គង់តែនឹងបានសដូចហិមៈ » ។ វិធីមួយគឺត្រូវសូត្រសេចក្ដីយោង និងឃ្លាបទគម្ពីរគន្លឹះនេះពីរបីដង ។ បន្ទាប់មក សូមឲ្យនរណាម្នាក់និយាយពាក្យមួយ ហើយចាំមើលថា តើអ្នកអាចប្រាប់ពួកគេពាក្យបន្ទាប់នៃបទគម្ពីរនេះបានដែរឬទេ ។
សូមប្រើមុខងារស្វែងរកក្នុងអ៊ីនធឺណិត ឬដើរមើលជុំវិញផ្ទះរបស់អ្នកផ្ទាល់ ដើម្បីស្វែងរករូបភាពអ្វីមួយដែលមានពណ៌ក្រហមទែង ឬពណ៌ក្រហមទុំ ។ តើរូបភាពពណ៌ក្រហមទែង និងពណ៌ក្រហមទុំអាចបង្រៀនយើងអ្វីខ្លះអំពីអំពើបាប ?
ស៊ីស្ទើរ សារ៉ុន អូប៊ែង អតីតសមាជិកនៃគណៈប្រធានសមាគមសង្គ្រោះទូទៅ បានពន្យល់ ៖
អំពើបាបក្រហមទែងក្នុងព្រះគម្ពីរសញ្ញាចាស់ពុំគ្រាន់តែមានពណ៌ខ្លាំងប៉ុណ្ណោះទេ ប៉ុន្តែមិនសាបពណ៌ផងដែរ មានន័យថា ពណ៌វាដិតខ្លាំងទៅនឹងសាច់ក្រណាត់ ហើយនឹងពុំសាបពណ៌ឡើយ មិនថាបោកគក់ប៉ុន្មានដងនោះទេ ។ សាតាំងប្រើមូលហេតុនេះធ្វើឲ្យយើងមានអារម្មណ៍ថា ៖ សំឡីសដែលប្រឡាក់ពណ៌ក្រហមទែងហើយ មិនអាចត្រឡប់ទៅជាពណ៌សវិញបានទេ ។ ប៉ុន្តែព្រះយេស៊ូវគ្រីស្ទបានប្រកាសថា « ផ្លូវរបស់យើង[ គឺ ]ខ្ពស់ជាងផ្លូវរបស់ឯង » ហើយអព្ភូតហេតុនៃព្រះគុណទ្រង់គឺថា នៅពេលយើងប្រែចិត្តពីអំពើបាបរបស់យើង នោះឈាមក្រហមឆ្អៅរបស់ទ្រង់ប្រែយើងឲ្យទៅជាបរិសុទ្ធ ។ វាពុំគ្រាន់តែសមនោះទេ ប៉ុន្តែវាជាការពិត ។ ( « Christ: The Light That Shines in Darkness » Liahona ខែឧសភា ឆ្នាំ២០១៩ ទំព័រ ៧៥ )
ឥឡូវនេះ សូមស្វែងរករូបភាព ឬរកមើលអ្វីមួយដែលមានពណ៌ដូចព្រិល និងរោមចៀម ។ តើរូបភាពព្រិល និងរោមចៀមអាចបង្រៀនយើងអ្វីខ្លះអំពីការសន្យារបស់ព្រះអង្គសង្គ្រោះ នៅពេលយើងប្រែចិត្ត ?
សូមសរសេរកំណត់ចំណាំមួយនៅក្បែរ អេសាយ ១:១៨ ជាមួយសេចក្ដីពិតដូចតទៅនេះ ៖ ប្រសិនបើយើងប្រែចិត្តដោយស្មោះស្ម័គ្រ នោះព្រះយេស៊ូវគ្រីស្ទនឹងសម្អាតយើងពីអំពើបាបរបស់យើង ។
សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។
ជម្រើស ក
តើព្រះអង្គសង្គ្រោះបានដកពិសោធន៍អ្វីខ្លះ ដើម្បីឲ្យខ្ញុំអាចប្រែចិត្តបាន ?
ឱ !ព្រះបិតា ដោយ ស៊ីម៉ូន ឌីវី
សូមអានវគ្គបទគម្ពីរពីរ ឬច្រើន នៅខាងក្រោមនេះ ។ សូមគូសសម្គាល់អ្វីដែលព្រះអង្គសង្គ្រោះបានដកពិសោធន៍ ដើម្បីឲ្យអ្នកអាចប្រែចិត្តបាន ហើយបានស្អាតពីអំពើបាបរបស់អ្នក ។
នៅក្នុងសៀវភៅកត់ចំណាំរបស់អ្នក សូមឆ្លើយសំណួរដូចខាងក្រោមនេះ ។ ប្រសិនបើអាចធ្វើបាន សូមពិភាក្សាពីចម្លើយរបស់អ្នកជាមួយសមាជិកគ្រួសារ ឬមិត្តភក្តិម្នាក់ ៖
-
តើអ្នកបានរៀនអ្វីខ្លះមកពីខគម្ពីរទាំងនេះ ដែលអាចជួយនរណាម្នាក់ឲ្យជ្រើសរើសដើម្បីប្រែចិត្ត ?
-
តើអ្នកមានអារម្មណ៍យ៉ាងណាអំពីព្រះយេស៊ូវគ្រីស្ទ និងសមត្ថភាពរបស់ទ្រង់ដើម្បីសម្អាតអ្នកពីអំពើបាប ?
ជម្រើស ខ
តើព្រះអម្ចាស់អាចជួយខ្ញុំឲ្យលើកលែងទោសឲ្យខ្លួនឯងបានយ៉ាងដូចម្តេច នៅពេលខ្ញុំធ្វើអំពើបាប រួចហើយប្រែចិត្តនោះ ?
សូមជ្រើសរើសធនធានមួយ ឬច្រើន នៅខាងក្រោមនេះយកមកសិក្សា ។ សូមរកមើលសេចក្ដីពិត ដែលអាចជួយអ្នកឲ្យប្រែចិត្ត និងអភ័យទោសឲ្យខ្លួនឯង ។
-
បងប្រុស ថាត អរ ខាលីស្ទើរ ដែលនៅពេលនោះបម្រើជាប្រធានសាលាថ្ងៃអាទិត្យទូទៅ បានបង្រៀន ៖
មានគ្រាមួយ ខ្ញុំបានជួបនឹងពួកបរិសុទ្ធល្អៗដែលពិបាកនឹងអភ័យទោសដល់ខ្លួនឯង ដែលជាមនុស្សដែលបានដាក់ដែនកំណត់ពុំត្រឹមត្រូវទៅលើព្រះចេស្ដាប្រោសលោះរបស់ព្រះអង្គសង្គ្រោះដោយអចេតនា ។ ដោយពុំដឹងខ្លួន ពួកគេបានបំលែងដង្វាយធួនដ៏និរន្ដរ៍មួយទៅជាដង្វាយធួនដែលកំណត់ ដែលពុំអាចបំពេញបន្ថែមដល់អំពើបាប ឬភាពទន់ខ្សោយជាក់លាក់របស់ពួកគេ ។ ប៉ុន្តែវាគឺជាដង្វាយធួន [ ជាផ្នែក ] ជានិរន្តរ៍មួយ ដោយសារវាមានរាប់បញ្ចូលនូវរាល់អំពើបាប និងភាពទន់ខ្សោយ ក៏ដូចជារាល់ការបំពាន ឬការឈឺចាប់ដែលបង្កឡើងដោយមនុស្សដទៃផងដែរ ។ ( « The Atonement of Jesus Christ » Liahona ខែឧសភា ឆ្នាំ២០១៩ ទំព័រ ៨៦ )
-
« No Limit to God’s Love » ( ពីនាទី ០:០០ ដល់នាទី ៤:៥៤ ) ។
5:37 -
ឌី ថត គ្រីស្តូហ្វឺសិន « How to Really Repent » Liahona ខែកញ្ញា ឆ្នាំ២០១៥ ទំព័រ ៥០
សូមសរសេរសំបុត្រមួយច្បាប់ទៅកាន់ខ្លួនឯងសម្រាប់គ្រាមួយ ដែលអ្នកកំពុងជួបការលំបាកក្នុងការប្រែចិត្ត ។ សូមរួមបញ្ចូលសេចក្ដីពិតដែលអ្នកបានរៀននៅថ្ងៃនេះ ដែលផ្តល់ឲ្យអ្នកនូវទំនុកចិត្តលើសមត្ថភាពរបស់ព្រះអង្គសង្គ្រោះក្នុងការសម្អាតអ្នកពីអំពើបាប ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យបង្កើនទំនុកចិត្តរបស់អ្នកលើបំណងប្រាថ្នា និងសមត្ថភាពរបស់ព្រះអង្គសង្គ្រោះ ដើម្បីសម្អាតអ្នកពីអំពើបាបរបស់អ្នក ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
ចម្លើយរបស់អ្នកចំពោះសំណួរនៅក្នុងជម្រើស ក ។
-
សំបុត្រដែលអ្នកបានសរសេរទៅកាន់ខ្លួនឯងនៅក្នុងជម្រើស ខ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?