« មេរៀនទី ៦៤ ៖ ការអនុវត្តចំណេះចំណានខាងគោលលទ្ធិទី ៤—អនុវត្តគោលការណ៍នៃការទទួលបានចំណេះដឹងខាងវិញ្ញាណ » សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )
យ៉ូស្វេ ១–៨; ២៣–២៤ ៖ មេរៀនទី ៦៤
ការអនុវត្តចំណេះចំណានខាងគោលលទ្ធិទី ៤
អនុវត្តគោលការណ៍នៃការទទួលបានចំណេះដឹងខាងវិញ្ញាណ
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ចំណេះចំណានខាងគោលលទ្ធិអាចជួយអ្នកឲ្យស្ថាបនាជីវិតរបស់អ្នកលើព្រះយេស៊ូវគ្រីស្ទ និងដំណឹងល្អរបស់ទ្រង់បាន ។ មេរៀននេះនឹងជួយអ្នកឲ្យអនុវត្តសេចក្តីពិត ដែលមាននៅក្នុងវគ្គបទគម្ពីរចំណេះចំណានខាងគោលលទ្ធិ ហើយរៀន និងអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ ។
រំឭកគោលលទ្ធិឡើងវិញ
សូមគិតពីអ្វីៗដែលអ្នកមិនដឹងពីរបៀបប្រើ ប៉ុន្តែអ្នកដឹងថា តើគេប្រើវាសម្រាប់គោលបំណងអ្វី ។ នេះគឺជាឧទាហរណ៍ដែលអាចមានមួយចំនួន ៖
ហេតុអ្វីបានជាវាសំខាន់ក្នុងការមិនគ្រាន់តែដឹងអំពីអ្វីមួយនោះទេ ប៉ុន្តែក៏ត្រូវដឹងពីរបៀបប្រើវាផងដែរនោះ ? តើគោលការណ៍នេះអាចអនុវត្តចំពោះការសិក្សាវគ្គបទគម្ពីរចំណេះចំណានខាងគោលលទ្ធិរបស់យើងយ៉ាងដូចម្ដេច ?
នៅថ្ងៃនេះ អ្នកនឹងហាត់អនុវត្តដោយប្រើវគ្គបទគម្ពីរចំណេះចំណានខាងគោលលទ្ធិ និងគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតពិតៗ ។ សូមស្វែងរកការបំផុសគំនិតមកពីព្រះវិញ្ញាណបរិសុទ្ធ ដើម្បីជួយអ្នកឲ្យរៀនវគ្គបទគម្ពីរ និងគោលការណ៍ទាំងនេះ ហើយអនុវត្តវានៅក្នុងជីវិតរបស់អ្នក ។
សូមរំឭកវគ្គបទគម្ពីរចំណេះចំណានខាងគោលលទ្ធិ និងឃ្លាបទគម្ពីរគន្លឹះចំនួន១០ដំបូងសម្រាប់ព្រះគម្ពីរសញ្ញាចាស់ ។ សូមប្រាកដថា អ្នកបានគូសសម្គាល់ និងដាក់ស្លាកវានៅក្នុងបទគម្ពីររបស់អ្នក ។
|
សេចក្តីយោងបទគម្ពីរចំណេះចំណានខាងគោលលទ្ធិ |
ឃ្លាបទគម្ពីរគន្លឹះ |
|---|---|
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ « នេះហើយជាកិច្ចការរបស់យើង និងសិរីល្អរបស់យើង—គឺដើម្បីនាំឲ្យមានអមតភាព និងជីវិតដ៏នៅអស់កល្បជានិច្ចដល់មនុស្ស » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ « ព្រះអម្ចាស់ទ្រង់បានហៅរាស្រ្តទ្រង់ថាស៊ីយ៉ូន ពីព្រោះពួកគេមានចិត្តតែមួយ និងគំនិតតែមួយ » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ ព្រះអម្ចាស់បានសន្យានឹងអ័ប្រាហាំថា ពូជរបស់លោកនឹង « បានកាន់ការងារបម្រើ និងបព្វជិតភាពនេះដល់អស់ទាំងសាសន៍ » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ កាលជាវិញ្ញាណ យើង « ត្រូវបានបង្កើតឡើង មុនកំណើតលោកិយមកម្ល៉េះ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ១:២៦–២៧ | ឃ្លាបទគម្ពីរគន្លឹះ « ព្រះបានបង្កើតមនុស្សតាមរូបអង្គទ្រង់ផ្ទាល់ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ២:២៤ | ឃ្លាបទគម្ពីរគន្លឹះ « មនុស្សប្រុស … នឹងទៅជាប់នឹងប្រពន្ធវិញ ហើយអ្នកទាំងពីរនោះនឹងត្រឡប់ជាសាច់តែមួយសុទ្ធ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ៣៩:៩ | ឃ្លាបទគម្ពីរគន្លឹះ « ធ្វើដូចម្ដេចឲ្យខ្ញុំប្រព្រឹត្តការដែលអាក្រក់យ៉ាងធំនេះទៅបាន ធ្វើយ៉ាងនោះនឹងមានបាបនៅចំពោះព្រះផង ? » |
សេចក្តីយោងបទគម្ពីរចំណេះចំណានខាងគោលលទ្ធិ និក្ខមនំ ២០:៣–១៧ | ឃ្លាបទគម្ពីរគន្លឹះ ព្រះបញ្ញត្តិដប់ប្រការ |
សេចក្តីយោងបទគម្ពីរចំណេះចំណានខាងគោលលទ្ធិ យ៉ូស្វេ ២៤:១៥ | ឃ្លាបទគម្ពីរគន្លឹះ « ចូររើសយកព្រះណាដែលឯងចង់គោរពប្រតិបត្តិតាមនៅថ្ងៃនេះចុះ » ។ |
សេចក្តីយោងបទគម្ពីរចំណេះចំណានខាងគោលលទ្ធិ ទំនុកតម្កើង ២៤:៣–៤ | ឃ្លាបទគម្ពីរគន្លឹះ « តើអ្នកណានឹងឈរនៅក្នុងទីបរិសុទ្ធរបស់ទ្រង់បាន ? អ្នកដែលមានដៃស្អាត និងចិត្តបរិសុទ្ធ » ។ |
សូមជ្រើសរើសយកវគ្គបទគម្ពីរចំណេះចំណានខាងគោលលទ្ធិទាំងនេះ ចំនួនបី ។ សូមបង្កើតសាច់រឿងមួយសម្រាប់វគ្គបទគម្ពីរចំណេះចំណានខាងគោលលទ្ធិនីមួយៗ ។ គោលលទ្ធិនៅក្នុងវគ្គបទគម្ពីរនេះគួរតែជួយដល់មនុស្សនៅក្នុងសាច់រឿងនោះ ។ ឧទាហរណ៍ សម្រាប់ យ៉ូស្វេ ២៤:១៥ សាច់រឿងអាចមានដូចជា ៖
ក្មេងស្រីម្នាក់ត្រូវបានល្បួងក្នុងពិធីជប់លៀងមួយឲ្យធ្វើអ្វីមួយដែលអ្នកដទៃទៀតកំពុងធ្វើ ប៉ុន្តែនាងដឹងថា ព្រះអម្ចាស់នឹងមិនពេញព្រះទ័យឡើយ ។
ចំណាំ ៖ សូមជ្រើសរើសយកវគ្គបទគម្ពីរផ្សេងទៀតក្រៅពី យ៉ូស្វេ ២៤:១៥ ។
សូមចែកចាយសាច់រឿងរបស់អ្នកជាមួយនរណាម្នាក់ដែលអ្នកស្គាល់ ។ សូមប្រាប់ពួកគេពីរបៀបដែលវគ្គបទគម្ពីរចំណេះចំណានខាងគោលលទ្ធិ អាចជួយដល់មនុស្សនៅក្នុងសាច់រឿងនេះបាន ។
រៀនសូត្រ និងអនុវត្ត
សូមចំណាយពេលដើម្បីរំឭកគោលការណ៍នៃ ការទទួលបានចំណេះដឹងខាងវិញ្ញាណ មកពី ឯកសារគោលនៃចំណេះចំណានខាងគោលលទ្ធិ ( ឆ្នាំ២០២២ ) ។
សូមបញ្ចប់សាច់រឿងខាងក្រោមនេះនៅក្នុងសៀវភៅកត់ចំណាំរបស់អ្នក ។ សូមពិចារណាអំពីរបៀបដែលគោលការណ៍នៃការទទួលបានចំណេះដឹងខាងវិញ្ញាណ អាចជួយដល់បុគ្គលនៅក្នុងសាច់រឿងនេះបាន ។
យុវជនម្នាក់ដែលមានឈ្មោះថា មានអារម្មណ៍ថាមានសម្ពាធមកពី ឲ្យបំពានព្រះបញ្ញត្តិរបស់ព្រះអម្ចាស់ស្ដីពី ។ គេឧស្សាហ៍ប្រាប់គាត់ថា វាមិនមែនជារឿងអីធំដុំនោះទេ ក្នុងការបំពានបទបញ្ញត្តិនេះនោះ ព្រោះ ។ គាត់មានអារម្មណ៍ច្របូកច្របល់ ហើយមិនដឹងថាត្រូវធ្វើអ្វីនោះទេ ។
សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។ បន្ទាប់មក សូមបញ្ចប់ផ្នែក « ឥឡូវត្រូវធ្វើដូចម្តេចទៀត ? » នៅចុងបញ្ចប់នៃមេរៀននេះ ។
ជម្រើស ក
តើខ្ញុំអាចធ្វើសកម្មភាពដោយសេចក្ដីជំនឿដោយរបៀបណា ?
នៅពីក្រោមសាច់រឿងដែលចប់សព្វគ្រប់នៅក្នុងសៀវភៅកត់ចំណាំរបស់អ្នក សូមសរសេរចម្លើយដែលអាចមានទៅកាន់យុវជនរូបនេះ ។ សូមប្រើគោលការណ៍នៃ « ធ្វើសកម្មភាពដោយសេចក្ដីជំនឿ » ដើម្បីជួយគាត់ឲ្យដឹងពីអ្វីដែលត្រូវធ្វើ ។
ជម្រើស ខ
តើខ្ញុំអាចពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយដោយរបៀបណា ?
នៅពីក្រោមសាច់រឿងដែលចប់សព្វគ្រប់នៅក្នុងសៀវភៅកត់ចំណាំរបស់អ្នក សូមសរសេរចម្លើយដែលអាចមានទៅកាន់យុវជនរូបនេះ ។ សូមប្រើគោលការណ៍នៃ « ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយ » ដើម្បីជួយគាត់ឲ្យដឹងពីអ្វីដែលត្រូវធ្វើ ។
ជម្រើស គ
តើខ្ញុំអាចស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាពដោយរបៀបណា ?
នៅពីក្រោមសាច់រឿងដែលចប់សព្វគ្រប់នៅក្នុងសៀវភៅកត់ចំណាំរបស់អ្នក សូមសរសេរចម្លើយដែលអាចមានទៅកាន់យុវជនរូបនេះ ។ សូមប្រើគោលការណ៍នៃ « ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព » ដើម្បីជួយគាត់ឲ្យដឹងពីអ្វីដែលត្រូវធ្វើ ។
ឥឡូវត្រូវធ្វើដូចម្តេចទៀត ?
សូមសរសេរគំនិតមួយចំនួនអំពីសំណួរខាងក្រោមនេះ ៖
-
តើវគ្គបទគម្ពីរចំណេះចំណានខាងគោលលទ្ធិមួយណា ឬវគ្គបទគម្ពីរផ្សេងទៀតមួយណា ដែលអ្នកមានអារម្មណ៍ថាអាចជួយដល់យុវជននៅក្នុងសាច់រឿងនេះបាន ? ហេតុអ្វី ?
-
តើគោលការណ៍នៃការទទួលបានចំណេះដឹងខាងវិញ្ញាណ អាចជួយដល់យុវជននៅក្នុងសាច់រឿងនេះ ឲ្យជ្រើសរើសដើរតាមព្រះយេស៊ូវគ្រីស្ទបានដោយរបៀបណា ?
-
តើអ្នកដឹងអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ដែលអាចមានសារៈសំខាន់សម្រាប់យុវជននៅក្នុងសាច់រឿងនេះដើម្បីចងចាំ ?
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យអនុវត្តសេចក្តីពិត ដែលមាននៅក្នុងវគ្គបទគម្ពីរចំណេះចំណានខាងគោលលទ្ធិ ហើយជួយអ្នកឲ្យរៀន និងអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
សាច់រឿងដែលអ្នកបានសរសេរ និងវគ្គបទគម្ពីរចំណេះចំណានខាងគោលលទ្ធិដែលទៅស្របជាមួយនឹងសាច់រឿងនេះ ។
-
របៀបដែលគោលការណ៍នៃការទទួលបានចំណេះដឹងខាងវិញ្ញាណ អាចជួយដល់យុវជននៅក្នុងសាច់រឿងដែលអ្នកបានបំពេញបញ្ចប់នេះ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?