ពួកចៅហ្វាយ ២–៤; ពួកចៅហ្វាយ ៦–៨ ៖ មេរៀនទី ៦៥
ពួកចៅហ្វាយ ២–៤
« ការងាកទៅរកព្រះអម្ចាស់ដើម្បីទទួលបានការជួយសង្រ្គោះ »
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
បន្ទាប់ពីកូនចៅអ៊ីស្រាអែលចូលទៅក្នុងដែនដីសន្យាហើយ ពួកគេបានជ្រើសរើសមិនគោរពតាមបទបញ្ញត្តិរបស់ព្រះអម្ចាស់ ក្នុងការបណ្ដេញជនទុច្ចរិតទាំងអស់ចេញ ។ ជាលទ្ធផល ពួកសាសន៏អ៊ីស្រាអែលជាច្រើននាក់បានទទួលយកការប្រព្រឹត្តទុច្ចរិតរបស់ប្រជាជនទាំងនេះ ហើយបានបាត់បង់ការការពាររបស់ព្រះអម្ចាស់ ។ ទោះជាយ៉ាងណាក៏ដោយ រាល់ពេលដែលពួកសាសន៏អ៊ីស្រាអែលបានអំពាវនាវរកព្រះអម្ចាស់ដើម្បីទទួលបានការរំដោះ ទ្រង់ « ក៏តាំងឲ្យមានអ្នកជួយសង្គ្រោះម្នាក់ » ដល់ពួកគេ ( ពួកចៅហ្វាយ ៣:៩ ) ។ មេរៀននេះអាចជួយអ្នកឲ្យយល់ពីតួនាទីរបស់ព្រះអង្គសង្គ្រោះជាព្រះជួយសង្រ្គោះរបស់អ្នក ។
សិក្សាព្រះគម្ពីរ
សូមមើលបើអ្នកអាចរកឃើញលេខពីរខ្ទង់បន្ទាប់នៅក្នុងលេខខាងក្រោមនីមួយៗ ៖
-
២, ៤, ៦, ៨, ១០, ១២,
-
១, ៣, ៧, ១៣, ២១, ៣១,
-
១, ៤, ៣, ៦, ៥, ៨, ៧,
តើអ្នកអាចរកឃើញគន្លងសម្រាប់តួលេខនីមួយៗដែរឬទេ ? ខាងក្រោមនេះគឺជារបៀបដើម្បីដោះស្រាយតួលេខនីមួយៗ ៖ ក ៖ +២; ខ ៖ +២, +៤, +៦ ជាបន្ដបន្ទាប់ គ ៖ +៣, −១, +៣, −១
ការយល់ដឹងអំពីគន្លងទាំងឡាយអាចជួយយើងឲ្យចេះរុករកផ្លូវដើរនៅក្នុងជីវិត ។ ថ្ងៃនេះ នៅពេលអ្នកសិក្សាគន្លងខាងវិញ្ញាណដែលពួកសាសន៏អ៊ីស្រាអែលបានឆ្លងកាត់នៅក្នុងគម្ពីរពួកចៅហ្វាយ សូមគិតអំពីរបៀបដែលវាអាចអនុវត្តចំពោះជីវិតរបស់អ្នក ។
ពេលពួកសាសន៍អ៊ីស្រាអែលចូលទៅក្នុងដែនដីសន្យា ព្រះអម្ចាស់បានបញ្ជាពួកគេឲ្យបណ្ដេញជនទុច្ចរិតចេញ ( សូមមើល ចោទិយកថា ៧:១–៤ ) ។ ពួកសាសន៏អ៊ីស្រាអែលជាច្រើនបានជ្រើសរើសមិនគោរពតាមបទបញ្ញត្តិនេះឲ្យបានពេញលេញនោះទេ ។ នៅក្នុង ពួកចៅហ្វាយ ២–៤ យើងរៀនអំពីគន្លងខាងវិញ្ញាណ ឬវដ្ដមួយ ដែលពួកសាសន៏អ៊ីស្រាអែលបានឆ្លងកាត់ ដោយសារពួកគេបានបរាជ័យម្តងហើយម្តងទៀតក្នុងការដើរតាមព្រះវរបិតាសួគ៌ និងព្រះយេស៊ូវគ្រីស្ទ ។
សូមគូសតារាងដូចខាងក្រោមនៅក្នុងសៀវភៅកត់ចំណាំរបស់អ្នក ។ ឬសរសេរលេខ ១ ដល់ ៤ ។
សូមបន្ថែមចំណុចខាងក្រោមទៅជំហានដែលត្រូវគ្នានៅក្នុងវដ្តនេះ ៖
-
អំពើបាប
-
លទ្ធផល
-
អំពាវនាវដល់ព្រះអម្ចាស់
-
ការជួយសង្រ្គោះតាមរយៈព្រះអម្ចាស់
សូមអាន ពួកចៅហ្វាយ ២:១០–១៨ ។ សូមកត់ចំណាំថា ឫសគល់នៃពាក្យ « ដំងូរ » នៅក្នុង ខទី ១៨ ជាភាសាហេព្រើរមានន័យថា « សោកស្ដាយ » « មានអារម្មណ៍អាណិត » ឬ « មានសេចក្ដីអាណិតអាសូរ » ( សូមមើល footnote a ) ។ Joseph Smith Translation សម្រាប់ Judges 2:18 បញ្ជាក់ថា « ពីព្រោះព្រះយេហូវ៉ាទ្រង់អាណិតអាសូរដល់ដំងូរគេជាខ្លាំង » ។ សូមគូសសម្គាល់ខគម្ពីរតាមពណ៌ផ្សេងៗគ្នា ដែលតំណាងឲ្យជំហានទាំងបួន ។ អ្នកក៏ប្រហែលជាចង់ធ្វើកំណត់ចំណាំនៅជាប់នឹងខគម្ពីរដែលបង្ហាញពីជំហាននីមួយៗក្នុងវដ្ដនេះផងដែរ ។
របៀបមួយដើម្បីកំណត់គោលការណ៍គឺត្រូវប្រើសេចក្តីថ្លែងការណ៍ ប្រសិនបើ-នោះ ។ សូមបញ្ចប់សេចក្ដីថ្លែងការណ៍ខាងក្រោមនេះ ៖
-
ប្រសិនបើយើងជ្រើសរើសបដិសេធព្រះអម្ចាស់ នោះ …
-
ប្រសិនបើយើងជ្រើសរើសងាកទៅរកព្រះអម្ចាស់ នោះ …
ចំណុចដែលសេសសល់នៅក្នុងមេរៀននេះផ្ដោតលើគោលការណ៍នេះ ៖ ប្រសិនបើយើងជ្រើសរើសងាកទៅរកព្រះអម្ចាស់ នោះទ្រង់នឹងជួយសង្រ្គោះយើង ។
សូមមើលវដ្តនៃការជួយសង្រ្គោះនេះម្ដងទៀត ។ សូមពិចារណាពីចំណុចដែលអ្នកមានអារម្មណ៍ថា អ្នកកំពុងស្ថិតនៅក្នុងវដ្តនេះ ។ សូមគិតអំពីរបៀបដែលអ្នកអាចទទួលបានការជួយសង្រ្គោះតាមរយៈព្រះយេស៊ូវគ្រីស្ទ ។ សូមកត់ត្រាគំនិតរបស់អ្នកនៅក្បែររូបគំនូររបស់អ្នក ។
សូមពន្យល់ថា ព្រះបរមងារមួយរបស់ព្រះអង្គសង្គ្រោះគឺ ព្រះជួយង្រ្គោះ ( សូមមើល សាំយូអែល ទី២ ២២:២ ) ។ អែលឌើរ ខែល អេស ម៉ាកឃេ នៃពួកចិតសិបនាក់ បានថ្លែងទីបន្ទាល់អំពីរបៀបដែលព្រះយេស៊ូវគ្រីស្ទជាព្រះជួយសង្រ្គោះដ៏អស្ចារ្យ ។
ខ្ញុំសូមថ្លែងជាសាក្សីថា ព្រះយេស៊ូវគ្រីស្ទគឺជាព្រះជួយសង្រ្គោះដ៏មហិមា ហើយនៅក្នុងព្រះនាមរបស់ទ្រង់ ខ្ញុំសូមសន្យាថា នៅពេលអ្នកត្រឡប់ទៅកាន់ទ្រង់ដោយមានគោលបំណងពិតប្រាកដ និងអស់ពីចិត្ត នោះទ្រង់នឹងជួយសង្រ្គោះអ្នកចេញពីអ្វីៗដែលគម្រាមចង់កាត់បន្ថយ ឬបំផ្លាញជីវិត ឬអំណររបស់អ្នកចោល ។ ( « The Immediate Goodness of God » លីអាហូណា ខែឧសភា ឆ្នាំ២០១៩ ទំព័រ១០៧ )
ដើម្បីរៀនបន្ថែមទៀតអំពីអ្វីដែលព្រះអង្គសង្រ្គោះជួយសង្រ្គោះយើង ការសិក្សាធនធានពីរ ឬច្រើន ដូចខាងក្រោម ៖
-
កូរិនថូសទី ១ ១៥:២២
-
ដេវីឌ អេ អេដវើឌ « 7 Ways the Lord Can Deliver You » For the Strength of Youth ខែឧសភា ឆ្នាំ២០១៨ ទំព័រ ១៨–២០
-
ជេស៊ីកា ហ្ស៊ី ស្រ្តង « The Savior Can Deliver Us » For the Strength of Youth ខែធ្នូ ឆ្នាំ២០២២ ទំព័រ ២–៤
សូមសរសេរក្នុងសៀវភៅកត់ចំណាំរបស់អ្នកនូវរបៀបនានា ដែលព្រះអង្គសង្គ្រោះអាចជួយសង្រ្គោះអ្នកបាន ។
វប្បធម៌ផ្សេងគ្នា ។ ដូចគ្នានឹងប្រវត្តិសាស្ត្រផ្សេងៗទៀតដែរ នៅពេលអានព្រះគម្ពីរសញ្ញាចាស់ បងប្អូនទំនងជាអានអំពីមនុស្សកំពុងធ្វើ ឬនិយាយរឿងដែលចម្លែកៗ ឬថែមទាំងធ្វើឲ្យមានបញ្ហាចំពោះក្រសែភ្នែករបស់មនុស្សសម័យទំនើបទៀតផង ។ សកម្មភាពមួយចំនួននៅក្នុងដំណើររឿងអំពីដេបូរ៉ាហាក់ដូចជាឃោរឃៅណាស់ ។ ប៉ុន្តែត្រូវចាំថា មនុស្សទាំងនេះបានរស់នៅក្នុងវប្បធម៌ផ្សេងគ្នា និងស្ថិតក្នុងកាលៈទេសៈផ្សេងគ្នា ។ នៅពេលអ្នកសិក្សា អ្នកនឹងរកឃើញសេចក្តីពិតដ៏នៅអស់កល្បជានិច្ច ដែលអនុវត្តចំពោះគ្រប់កាលៈទេសៈទាំងអស់ ។
តើគំរូរបស់ដេបូរ៉ាក្នុងការមើលទៅព្រះអម្ចាស់ ជួយយើងឲ្យយល់ពីតួនាទីរបស់ព្រះយេស៊ូវគ្រីស្ទជាព្រះដ៏ជួយសង្រ្គោះរបស់យើងយ៉ាងដូចម្ដេច ?
សូមអាន ពួកចៅហ្វាយ ៤:៤–៩, ១៤–២៣ ។ អ្នកក៏អាចមើលវីដេអូ « Deborah the Prophetess » ( ២:១០ ) ផងដែរ ។ នៅពេលអ្នកធ្វើដូច្នោះ សូមគូសចំណាំអ្វីដែលដេបូរ៉ាបាននិយាយ ឬធ្វើដែលបានជួយអ៊ីស្រាអែលឲ្យទុកចិត្តលើព្រះអម្ចាស់ដើម្បីទទួលបានការជួយសង្រ្គោះ ។
សូមកត់ចំណាំនៅក្នុងសៀវភៅកត់ចំណាំរបស់អ្នកនូវអ្វីដែលអ្នកបានរៀនអំពីព្រះអង្គសង្គ្រោះ មកពីដេបូរ៉ា ។ អ្នកអាចបញ្ចប់ប្រយោគដូចតទៅនេះបាន ៖ « ដេបូរ៉ាបានបង្រៀនថា ព្រះយេស៊ូវគ្រីស្ទអាច … »
ឥឡូវត្រូវធ្វើដូចម្តេចទៀត ?
ប្រធាន រ័សុល អិម ណិលសុន បានថ្លែង ៖
ទ្រង់នឹង « ដោះលែងពួកយើងឲ្យរួច មែនហើយ ដរាបដល់ទ្រង់[ នឹង ]មានព្រះបន្ទូលនូវសេចក្ដីសុខសាន្ដដល់ព្រលឹងពួកយើង ហើយ[ នឹង ]ប្រទានដល់យើងនូវសេចក្ដីជំនឿដ៏ធំ ហើយ … បានធ្វើឲ្យយើង[ អាចមាន ]សេចក្ដីសង្ឃឹមដល់ការដោះលែងពួកយើងក្នុងទ្រង់ » ។ ( « Embrace the Future with Faith » Liahona ខែវិច្ឆិកា ឆ្នាំ២០២០ ទំព័រ ៧៦ )
នៅក្នុងសៀវភៅកត់ចំណាំរបស់អ្នក សូមធ្វើលំហាត់ដូចខាងក្រោម ៖
-
សូមបង្កើតសាច់រឿងអំពីបុគ្គលវ័យក្មេងម្នាក់ ដែលត្រូវការការជួយសង្រ្គោះរបស់ព្រះអង្គសង្គ្រោះចេញពីស្ថានភាពជាក់លាក់មួយ ។
-
សូមសរសេរកថាខណ្ឌមួយ ដែលសង្ខេបនូវអ្វីដែលអ្នកបានរៀនអំពីរបៀបដែលព្រះអង្គសង្គ្រោះអាចជួយសង្រ្គោះបុគ្គលរូបនេះ ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យយល់ពីតួនាទីរបស់ព្រះអង្គសង្គ្រោះជាព្រះជួយសង្រ្គោះរបស់អ្នក ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
រូបគំនូរវដ្តដែលបានគូរហើយរួចរាល់របស់អ្នក ។ សូមរួមបញ្ចូលនូវរបៀបទាំងឡាយ ដែលអ្នកបានមើលឃើញព្រះអង្គសង្គ្រោះផ្តល់ការជួយសង្រ្គោះដល់អ្នក និងអ្នកដទៃ ។
-
សាច់រឿង និងសេចក្តីសង្ខេបដែលអ្នកបានបង្កើតនៅក្នុងផ្នែក « ឥឡូវត្រូវធ្វើដូចម្តេចទៀត ? »
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?