« មេរៀនទី ៤៤ ៖ ការអនុវត្តចំណេះចំណានខាងគោលលទ្ធិទី ៣ ៖ ការទន្ទេញឃ្លាគន្លឹះ និងការអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ » សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )
និក្ខមនំ ៧–១៣ ៖ មេរៀនទី ៤៤
ការអនុវត្តចំណេះចំណានខាងគោលលទ្ធិទី ៣
ការទន្ទេញឃ្លាគន្លឹះ និងការអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ចំណេះចំណានខាងគោលលទ្ធិអាចជួយអ្នកឲ្យស្ថាបនាគ្រឹះសម្រាប់ជីវិតរបស់អ្នកនៅលើព្រះយេស៊ូវគ្រីស្ទ និងដំណឹងល្អរបស់ទ្រង់ ។ មេរៀននេះអាចជួយអ្នកឲ្យទន្ទេញចាំឃ្លាបទគម្ពីរគន្លឹះនៅក្នុងវគ្គបទគម្ពីរចំណេះចំណានខាងគោលលទ្ធិ ។ វាក៏អាចជួយអ្នកឲ្យអនុវត្តតាមគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណផងដែរ ។
ទន្ទេញ
សូមគិតអំពីអត្ថប្រយោជន៍មួយចំនួននៃការមានមិត្តភក្តិ ។
អែលឌើរ រីឆាដ ជី ស្កត ( ឆ្នាំ១៩២៨–២០១៥ ) ក្នុងកូរ៉ុមនៃពួកសាវកដប់ពីរនាក់បានថ្លែង ៖
អំណាចដ៏មហិមាអាចកើតឡើងមកពីការទន្ទេញបទគម្ពីរ ។ ការទន្ទេញបទគម្ពីរមួយគឺជាការបង្កើតមិត្តភាពមួយថ្មី ។ ( « The Power of Scripture » Liahona ខែវិច្ឆិកា ឆ្នាំ២០១១ ទំព័រ៦ )
តើអ្នកគិតថា ឃ្លា ឬវគ្គបទគម្ពីរដែលបានទន្ទេញចាំមួយ អាចដូចជាមិត្តភក្តិម្នាក់យ៉ាងដូចម្តេច ?
អែលឌើរ ស្កត បានបន្ត ៖
វាដូចជាការរកឃើញបុគ្គលថ្មីម្នាក់ដែលអាចជួយនៅក្នុងពេលត្រូវការ ផ្ដល់ការបំផុសគំនិត និងការលួងលោមចិត្ត ហើយជាប្រភពនៃការលើកទឹកចិត្តសម្រាប់ការផ្លាស់ប្ដូរដែលចាំបាច់ ។ ( « The Power of Scripture » Liahona ខែវិច្ឆិកា ឆ្នាំ២០១១ ទំព័រ៦ )
សូមឆ្លើយសំណួរខាងក្រោមនេះ មួយ ឬច្រើន នៅក្នុងសៀវភៅកត់ចំណាំរបស់អ្នក ៖
-
តើនៅពេលណាដែលឃ្លា ឬវគ្គបទគម្ពីរមួយដែលអ្នកបានទន្ទេញចាំ ប្រៀបដូចជាមិត្តភក្តិម្នាក់សម្រាប់អ្នក ?
-
តើមានយុទ្ធសាស្ដ្រអ្វីខ្លះដែលអាចជួយអ្នកឲ្យទន្ទេញចាំឃ្លា ឬវគ្គបទគម្ពីរ ?
សូមរំឭកវគ្គបទគម្ពីរចំណេះចំណានខាងគោលលទ្ធិ ដែលអ្នកបានសិក្សារហូតមកដល់ពេលនេះ ។
|
សេចក្តីយោងបទគម្ពីរចំណេះចំណានខាងគោលលទ្ធិ |
ឃ្លាបទគម្ពីរគន្លឹះ |
|---|---|
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ « នេះហើយជាកិច្ចការរបស់យើង និងសិរីល្អរបស់យើង—គឺដើម្បីនាំឲ្យមានអមតភាព និងជីវិតដ៏នៅអស់កល្បជានិច្ចដល់មនុស្ស » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ « ព្រះអម្ចាស់ទ្រង់បានហៅរាស្រ្តទ្រង់ថាស៊ីយ៉ូន ពីព្រោះពួកគេមានចិត្តតែមួយ និងគំនិតតែមួយ » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ ព្រះអម្ចាស់បានសន្យានឹងអ័ប្រាហាំថា ពូជរបស់លោកនឹង « បានកាន់ការងារបម្រើ និងបព្វជិតភាពនេះដល់អស់ទាំងសាសន៍ » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ កាលជាវិញ្ញាណ យើង « ត្រូវបានបង្កើតឡើង មុនកំណើតលោកិយមកម្ល៉េះ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ១:២៦–២៧ | ឃ្លាបទគម្ពីរគន្លឹះ « ព្រះបានបង្កើតមនុស្សតាមរូបអង្គទ្រង់ផ្ទាល់ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ២:២៤ | ឃ្លាបទគម្ពីរគន្លឹះ « មនុស្សប្រុស … នឹងទៅជាប់នឹងប្រពន្ធវិញ ហើយអ្នកទាំងពីរនោះនឹងត្រឡប់ជាសាច់តែមួយសុទ្ធ » ។ |
ឥឡូវនេះ សូមព្យាយាមធ្វើតាមដំបូន្មានរបស់អែលឌើរ ស្កត ដោយការទន្ទេញសេចក្តីយោង និងឃ្លាគន្លឹះសម្រាប់វគ្គបទគម្ពីរចំណេះចំណានខាងគោលលទ្ធិមួយចំនួន ។ អ្នកក៏អាចទន្ទេញវគ្គបទគម្ពីរទាំងមូលផងដែរ ។
សូមជ្រើសរើសឃ្លា ឬវគ្គមួយ ដែលអ្នកបានទន្ទេញ ហើយឆ្លើយសំណួរខាងក្រោមនៅក្នុងសៀវភៅកត់ចំណាំរបស់អ្នក ៖
-
តើឃ្លា ឬវគ្គបទគម្ពីរនេះអាចជួយក្នុងគ្រាចាំបាច់ ផ្តល់ការបំផុសគំនិត ឬការលួងលោម ឬជំរុញឲ្យអ្នកផ្លាស់ប្តូរយ៉ាងដូចម្ដេច ?
រៀនសូត្រ និងអនុវត្ត
សូមចំណាយពេលដើម្បីរំឭកគោលការណ៍នៃការទទួលបានចំណេះដឹងខាងវិញ្ញាណមកពី ឯកសារគោលនៃចំណេះចំណានខាងគោលលទ្ធិ ( ឆ្នាំ២០២២ ) ។
សូមអានសាច់រឿងខាងក្រោមនេះ ហើយសូមពិចារណាអំពីរបៀបដែលគោលការណ៍នៃការទទួលបានចំណេះដឹងខាងវិញ្ញាណ អាចជួយបុគ្គលនៅក្នុងសាច់រឿងនេះបាន ៖
ខ្ញុំបានរៀនអំពីច្បាប់ព្រហ្មចារីភាព ។ វាហាក់ដូចជាក្មេងជំទង់ជាច្រើននៅកន្លែងដែលខ្ញុំរស់នៅ សកម្មខាងផ្លូវភេទ ឬយ៉ាងហោចណាស់មិនមានគម្រោងដើម្បីរង់ចាំរហូតដល់រៀបអាពាហ៍ពិពាហ៍រួច ។ ខ្ញុំយល់ពីមូលហេតុដែលថ្នាក់ដឹកនាំសាសនាចក្រប្រាប់យើងឲ្យមានភាពបរិសុទ្ធខាងផ្លូវភេទ ប៉ុន្តែពេលខ្លះខ្ញុំឆ្ងល់ថា តើវាសមនឹងតម្លៃរង់ចាំឬអត់ ។
តើមានការសន្មតអ្វីខ្លះអំពីច្បាប់ព្រហ្មចារីភាព ដែលអ្នកបានកត់សម្គាល់នៅក្នុងសាច់រឿងនេះ ? ប្រសិនបើអ្នកកំពុងព្យាយាមជួយបុគ្គលនេះ តើគោលការណ៍នៃការទទួលបានចំណេះដឹងខាងវិញ្ញាណអ្វី ដែលអ្នកនឹងផ្តោតលើមុនគេ ? ហេតុអ្វី ?
សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។
ជម្រើស ក
ធ្វើសកម្មភាពដោយសេចក្ដីជំនឿ
សូមឆ្លើយសំណួរខាងក្រោមនេះនៅក្នុងសៀវភៅកត់ចំណាំរបស់អ្នក ៖
-
នៅក្នុងស្ថានភាពនេះ តើអ្នកគិតថា ការធ្វើសកម្មភាពដោយសេចក្តីជំនឿលើព្រះអង្គសង្គ្រោះព្រះយេស៊ូវគ្រីស្ទនឹងមានលក្ខណៈដូចម្ដេច ?
-
បើអ្នកស្ថិតនៅក្នុងស្ថានភាពស្រដៀងគ្នានេះ តើអ្នកអាចធ្វើអ្វីខ្លះ ដើម្បីអញ្ជើញយាងជំនួយ និងព្រះចេស្ដារបស់ព្រះអង្គសង្គ្រោះឲ្យចូលមកក្នុងជីវិតរបស់អ្នក ?
ជម្រើស ខ
ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយ
សូមឆ្លើយសំណួរខាងក្រោមនេះនៅក្នុងសៀវភៅកត់ចំណាំរបស់អ្នក ៖
-
តើការយល់ពីព្រះទ័យរបស់ព្រះអំពីភាពបរិសុទ្ធខាងផ្លូវភេទ អាចជួយដល់បុគ្គលនៅក្នុងសាច់រឿងនេះយ៉ាងដូចម្ដេច ? ( សូមមើល លោកុប្បត្តិ ៣៩:៩; កូរិនថូស ទី១ ៦:១៨–១៩; យ៉ាកុប ២:២៨ ) ។
-
តើអ្នកគិតថា អាកប្បកិរិយារបស់បុគ្គលនេះអាចនាំគេទៅរកជម្រើសអ្វីខ្លះ ?
ជម្រើស គ
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព
សូមឆ្លើយសំណួរខាងក្រោមនេះនៅក្នុងសៀវភៅកត់ចំណាំរបស់អ្នក ៖
-
តើ លោកុប្បត្តិ ៣៩:៩ និងគំរូរបស់យ៉ូសែបនៃស្រុកអេស៊ីព្ទ អាចជួយក្នុងស្ថានភាពនេះដោយរបៀបណា ?
-
តើបទគម្ពីរ ឬសេចក្ដីថ្លែងការណ៍ផ្សេងទៀតមកពីថ្នាក់ដឹកនាំសាសនាចក្រអាចជួយអ្វីបានខ្លះ ?
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យទន្ទេញចាំឃ្លាបទគម្ពីរគន្លឹះនៅក្នុងវគ្គបទគម្ពីរចំណេះចំណានខាងគោលលទ្ធិ ហើយជួយអ្នកឲ្យអនុវត្តគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
វគ្គបទគម្ពីរខាងគោលលទ្ធិដែលអ្នកបានជ្រើសរើសយកមកទន្ទេញ និងមូលហេតុដែលវាអាចប្រៀបដូចជាមិត្តភក្ដិម្នាក់ ។
-
អ្វីដែលអ្នកបានសរសេរដើម្បីជួយបុគ្គលនៅក្នុងសាច់រឿងនេះ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?