និក្ខមនំ ១–៦; មេរៀនទី ៣៨
និក្ខមនំ ១
ការគោរពប្រតិបត្តិព្រះនៅពេលប្រឈមមុខនឹងការប្រឆាំង
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ផារ៉ោននៃស្រុកអេស៊ីព្ទបានយកពួកសាសន៏អ៊ីស្រាអែលធ្វើជាទាសករ ហើយបញ្ជាឲ្យឆ្មបទាំងអស់សម្លាប់កូនប្រុសសាសន៍អ៊ីស្រាអែលនៅពេលកើត ។ ឆ្មបទាំងនេះបានជ្រើសរើសមិនស្តាប់បង្គាប់ផារ៉ោន ដោយសារសេចក្ដីគោរពកោតក្រែងរបស់ពួកគេចំពោះព្រះ ។ ដូចស្ត្រីដ៏ស្មោះត្រង់ទាំងនេះដែរ យើងក៏អាចជ្រើសរើសទុកចិត្តលើព្រះ ទោះជាស្ថិតក្នុងកាលៈទេសៈដ៏លំបាកក៏ដោយ ។ មេរៀននេះអាចជួយអ្នកឲ្យមានបំណងប្រាថ្នាដាក់ព្រះជាអាទិភាពទីមួយ ។
សិក្សាព្រះគម្ពីរ
ប្រធាន រ័សុល អិម ណិលសុន បានពិពណ៌នាអំពីបុគ្គលិកលក្ខណៈនៃពួកសិស្សរបស់ព្រះយេស៊ូវគ្រីស្ទ ៖
សិស្សពិតរបស់ព្រះយេស៊ូវគ្រីស្ទស្ម័គ្រចិត្តឈរឡើង បញ្ចេញមតិ ហើយខុសពីមនុស្សនៃលោកិយ ។ ពួកគេពុំខ្លាច មានការលះបង់ និងភាពក្លាហាន ។ ( « Drawing the Power of Jesus Christ into Our Lives » Liahona ខែឧសភា ឆ្នាំ២០១៧ ទំព័រ៤០–៤១ )
ហេតុអ្វីត្រូវមានចិត្តក្លាហានដើម្បីធ្វើតាមរបៀបដែលប្រធាន ណិលសុន បានពិពណ៌នា ? តើអ្នកគិតថា ហេតុអ្វីបានជាវាសំខាន់ក្នុងការធ្វើតាមប្រសាសន៍ណែនាំរបស់ប្រធាន ណិលសុន ?
គំរូដ៏សុចរិត
បងប្អូនបង្កើតរបស់យ៉ូសែប ក្រុមគ្រួសាររបស់ពួកគេ និងឪពុករបស់ពួកគេបានផ្លាស់ទីលំនៅទៅស្រុកអេស៊ីព្ទ ។ អ្វីៗបានដំណើរការល្អសម្រាប់មនុស្សជាច្រើនជំនាន់ ។ កូនចៅអ៊ីស្រាអែលមានកូនចៅជាច្រើន ។ នៅទីបំផុត ស្ដេចផារ៉ោនថ្មីបានចាប់ផ្តើមមានព្រះទ័យថារងការគំរាមកំហែងដោយសារចំនួននៃពួកសាសន៍អ៊ីស្រាអែល ( ដែលត្រូវបានគេស្គាល់ថាជាសាសន៍ហេព្រើរផងដែរ ) ។ ស្ដេចផារ៉ោនបានចាប់ផ្តើមចាត់វិធានការណ៍ ដើម្បីគ្រប់គ្រងពួកសាសន៍ហេព្រើរ ។
កំណត់និយមន័យពាក្យ ។ ការដឹងពីអត្ថន័យនៃពាក្យទាំងឡាយ នឹងជួយអ្នកឲ្យយល់ពីដំបូន្មានរបស់ព្រះអម្ចាស់នៅក្នុងព្រះគម្ពីរ ។ សូមចំណាយពេលរៀនពីអត្ថន័យនៃពាក្យទាំងឡាយ ដែលអ្នកមិនយល់ ។ អ្នកអាចប្រើមុខងារ ផ្ដល់និយមន័យ នៅក្នុងកម្មវិធីបណ្ណាល័យដំណឹងល្អ ឬវចនានុក្រមបាន ។ នៅក្នុងជំពូកនេះ វាអាចមានប្រយោជន៍ក្នុងការដឹងពីនិយមន័យនៃពាក្យដូចខាងក្រោមនេះ ៖
-
ឆ្មប ៖ ស្ត្រីដែលជួយសម្រាលកូន
-
កំពុងតែសម្រាល ៖ ពេលដែលស្ត្រីកំពុងបង្កើតកូន
-
កោតខ្លាចដល់ព្រះ ៖ ការមានគារវភាព ឬគោរពដល់ព្រះ
តើអ្នកគិតថា ឆ្មបបានដឹងអ្វីខ្លះអំពីព្រះអម្ចាស់ ដែលបានជំរុញពួកគេឲ្យធ្វើអ្វីដែលពួកគេបានធ្វើ ? នៅក្នុងខគម្ពីរទាំងនេះ តើមានអ្វីទៅ ដែលអាចជំរុញចិត្តនរណាម្នាក់ដែលអាចឆ្ងល់ថា តើពួកគេគួរដាក់ព្រះជាទីមួយ លើសអស់ទាំងសម្ពាធផ្សេងៗដែលពួកគេឆ្លងកាត់ដែរឬទេ ?
សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។ បន្ទាប់មក សូមបញ្ចប់ផ្នែក ឥឡូវត្រូវធ្វើដូចម្តេចទៀត ? នៅចុងបញ្ចប់នៃមេរៀននេះ ។
ជម្រើស ក
តើនឹងមានពរជ័យអ្វីខ្លះកើតឡើង នៅពេលយើងដាក់ព្រះជាអាទិភាពទីមួយ ?
ព្រះសព្វព្រះទ័យចង់ប្រទានពរដល់យើង នៅពេលយើងដាក់ទ្រង់ជាអាទិភាពទីមួយ សូម្បីតែនៅពេលយើងប្រឈមមុខនឹងការប្រឆាំងក៏ដោយ ។ សូមរំឭកដំណើររឿងពីរ ខាងក្រោមនៅក្នុងព្រះគម្ពីរ ឬវីដេអូនេះ ហើយរកមើលរបៀបដែលព្រះបានប្រទានពរជ័យដល់មនុស្សដទៃដែលដាក់ទ្រង់ជាអាទិភាពទីមួយ ។
សូមរំឭកខគម្ពីរខាងក្រោមនេះឡើងវិញ និងអ្វីៗដែលអ្នកអាចនឹងបានគូសសម្គាល់នៅក្នុងខគម្ពីរទាំងនោះ ៖
« Be Valiant in Courage, Strength, and Activity » ពីនាទីទី ១:២០ ដល់នាទីទី ៥:១៣
ជម្រើស ខ
តើព្រះយេស៊ូវគ្រីស្ទបានដាក់ព្រះវរបិតាសួគ៌ជាអាទិភាពទីមួយដោយរបៀបណា ?
សូមធ្វើគម្រោងមេរៀនដែលបង្រៀនរយៈពេលប្រាំនាទី អំពីការដាក់ព្រះជាអាទិភាពទីមួយ ។ សូមរួមបញ្ចូលអ្វីខាងក្រោមនេះ ៖
-
ដំណើររឿងអំពីភាពក្លាហានរបស់ព្រះគ្រីស្ទ
-
បុគ្គលិកលក្ខណៈពីរ ឬបីដែលអ្នកមានអារម្មណ៍ថា បានជួយព្រះអង្គសង្គ្រោះឲ្យដាក់ព្រះវរបិតាសួគ៌ជាអាទិភាពទីមួយ ។
ឥឡូវត្រូវធ្វើដូចម្តេចទៀត ?
សូមសម្ភាសនរណាម្នាក់ដែលអ្នកស្គាល់ ។ សូមចែកចាយជាមួយពួកគេនូវដំណើររឿងអំពីពួកឆ្មបសាសន៍ហេព្រើរ ។ បន្ទាប់មក សូមសួរសំណួរដូចខាងក្រោមនេះ ៖
-
តើអ្នកធ្លាប់ត្រូវឈរការពារគុណតម្លៃរបស់អ្នក ពេលប្រឈមមុខនឹងការប្រឆាំងដែរឬទេ ? ប្រសិនបើធ្លាប់ តើមានអ្វីកើតឡើងទៅ ?
-
តើព្រះបានប្រទានពរដល់អ្នកដោយរបៀបណា នៅពេលអ្នកដាក់ទ្រង់ជាអាទិភាពទីមួយនោះ ?
-
តើអ្នកចង់ផ្ដល់ពាក្យលើកទឹកចិត្តអ្វីខ្លះ ដល់នរណាម្នាក់ដែលបានរងសម្ពាធដោយសារជំនឿរបស់ពួកគេនោះ ?
-
តើអ្នកបានរៀន ឬទទួលអារម្មណ៍អ្វីខ្លះនៅថ្ងៃនេះ ដែលអាចជួយអ្នកឲ្យមានទំនុកចិត្តថា ព្រះនឹងប្រទានពរដល់អ្នក នៅពេលអ្នកជ្រើសរើសដាក់ទ្រង់ជាអាទិភាពទីមួយ ?
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យមានបំណងប្រាថ្នាដាក់ព្រះជាអាទិភាពទីមួយ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
បទពិសោធន៍របស់អ្នកក្នុងការសម្ភាសនរណាម្នាក់ អំពីពរជ័យនៃការដាក់ព្រះជាអាទិភាពទីមួយ ។
-
គម្រោងមេរៀនរបស់អ្នក ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?