លោកុប្បត្តិ ១៨–២៣; មេរៀនទី ២៨
ការអនុវត្តចំណេះចំណានខាងគោលលទ្ធិទី ២
ការយល់ដឹងពីគោលលទ្ធិ និងការទទួលបានចំណេះដឹងខាងវិញ្ញាណ
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ចំណេះចំណានខាងគោលលទ្ធិអាចជួយអ្នកឲ្យស្ថាបនាគ្រឹះសម្រាប់ជីវិតរបស់អ្នកនៅលើព្រះយេស៊ូវគ្រីស្ទ និងដំណឹងល្អរបស់ទ្រង់ ។ មេរៀននេះអាចជួយអ្នកឲ្យយល់ពីសេចក្ដីពិត ដែលបានបង្រៀននៅក្នុងវគ្គបទគម្ពីរចំណេះចំណានខាងគោលលទ្ធិ ។ វាក៏អាចជួយអ្នកឲ្យអនុវត្តតាមគោលការណ៍នៃការទទួលបានចំណេះដឹងខាងវិញ្ញាណផងដែរ ។
រំឭកគោលលទ្ធិឡើងវិញ
សូមគិតអំពីគ្រាមួយ ដែលអ្នកមានការលំបាកក្នុងការរៀនសូត្រ ឬការធ្វើអ្វីមួយថ្មី ។ ការណ៍នេះអាចរួមបញ្ចូលការរៀនភាសាថ្មី ការហាត់លេងឧបករណ៍តន្ដ្រី ឬការលេងកីឡា ។ តើអ្វីទៅដែលបានជួយអ្នកឲ្យយកឈ្នះលើបញ្ហាប្រឈមក្នុងការរៀនអ្វីមួយថ្មី ?
ដូចគ្នានឹងការរៀនសូត្រជំនាញថ្មីអាចជាការពិបាក នោះភាសានៃព្រះគម្ពីរ ជួនកាលអាចធ្វើឲ្យយើងពិបាកយល់ផងដែរ ។ តើមានអ្វីខ្លះដែលបានជួយអ្នក ឬអ្នកដទៃទៀតឲ្យយល់កាន់តែច្បាស់អំពីភាសានៃព្រះគម្ពីរ ?
វិធីមួយដើម្បីបង្កើនការយល់ដឹងរបស់អ្នកអំពីវគ្គបទគម្ពីរមួយ គឺត្រូវសិក្សាវាដោយប្រុងប្រយ័ត្ន ។ អ្នកអាចប្រើឧបករណ៍សិក្សាព្រះគម្ពីរ ដើម្បីកំណត់ និងបញ្ជាក់ភាសា និងអត្ថន័យបាន ។
សូមរំឭកសេចក្ដីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះនៃព្រះគម្ពីរសញ្ញាចាស់ទាំងប្រាំមួយដំបូងនៅខាងក្រោមនេះសាឡើងវិញ ។ សូមជ្រើសរើសយកសេចក្ដីយោងមួយ ដែលអ្នកចង់យល់ឲ្យបានកាន់តែច្បាស់ ។
|
សេចក្តីយោងបទគម្ពីរចំណេះចំណានខាងគោលលទ្ធិ |
ឃ្លាបទគម្ពីរគន្លឹះ |
|---|---|
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ « នេះហើយជាកិច្ចការរបស់យើង និងសិរីល្អរបស់យើង—គឺដើម្បីនាំឲ្យមានអមតភាព និងជីវិតដ៏នៅអស់កល្បជានិច្ចដល់មនុស្ស » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីរគន្លឹះ ព្រះអម្ចាស់បានសន្យានឹងអ័ប្រាហាំថា ពូជរបស់លោកនឹង « បានកាន់ការងារបម្រើ និងបព្វជិតភាពនេះដល់អស់ទាំងសាសន៍ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ១:២៦–២៧ | ឃ្លាបទគម្ពីរគន្លឹះ « ព្រះបានបង្កើតមនុស្សតាមរូបអង្គទ្រង់ផ្ទាល់ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ២:២៤ | ឃ្លាបទគម្ពីរគន្លឹះ « មនុស្សប្រុស … នឹងទៅជាប់នឹងប្រពន្ធវិញ ហើយអ្នកទាំងពីរនោះនឹងត្រឡប់ជាសាច់តែមួយសុទ្ធ » ។ |
សូមបំពេញជំហានខាងក្រោម ៖
-
សូមអានវគ្គបទគម្ពីរចំណេះចំណានខាងគោលលទ្ធិ ។ សូមអធិស្ឋានដើម្បីយាងអញ្ជើញព្រះវិញ្ញាណបរិសុទ្ធឲ្យជួយបង្កើនការយល់ដឹងរបស់អ្នក ។ សូមគូសសម្គាល់ពាក្យ និងឃ្លាណាមួយដែលអ្នករកឃើញថាមានអត្ថន័យ ។
-
សូមសរសេរសំណួរណាមួយដែលអ្នកអាចមានអំពីភាសា ឬអត្ថន័យនៃខគម្ពីរនោះ ។
-
សូមប្រើឧបករណ៍សិក្សាព្រះគម្ពីរដែលមាន ដើម្បីស្វែងរកនិយមន័យ ការបញ្ជាក់ និងសេចក្ដីយោងឆ្លង ។ អ្នកអាចរកមើលសេចក្តីថ្លែងការណ៍មកពីថ្នាក់ដឹកនាំសាសនាចក្រ ឬព័ត៌មានណាផ្សេងទៀត ដែលអាចបន្ថែមការយល់ដឹងដល់ពាក្យដែលអ្នកបានគូសសម្គាល់ទាំងនោះ ។
សូមឆ្លើយសំណួរខាងក្រោមនេះនៅក្នុងសៀវភៅកត់ចំណាំរបស់អ្នក ៖
-
តើវគ្គបទគម្ពីរនេះបង្រៀនអ្នកអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
-
តើអ្នកគិតថា ហេតុអ្វីបានជាវាសំខាន់ដែលក្មេងជំទង់ត្រូវដឹង និងយល់ពីវគ្គបទគម្ពីរនេះ ?
ពេញមួយថ្ងៃនេះ សូមជញ្ជឹងគិតពីវគ្គបទគម្ពីរចំណេះចំណានខាងគោលលទ្ធិដែលអ្នកបានជ្រើសរើស ដោយរកមើលចំណាប់អារម្មណ៍មកពីព្រះវិញ្ញាណបរិសុទ្ធ ដែលបង្រៀនអ្នកពីរបៀបដែលបទគម្ពីរនោះអាចផ្ដល់ពរជ័យដល់ជីវិតរបស់អ្នក ។
រៀនសូត្រ និងអនុវត្ត
សូមចំណាយពេលខ្លះដើម្បីរំឭកគោលការណ៍នៃ ការទទួលបានចំណេះដឹងខាងវិញ្ញាណ ឡើងវិញមកពី ឯកសារគោលនៃចំណេះចំណានខាងគោលលទ្ធិ ( ឆ្នាំ២០២៣ ) ។
សូមអានសាច់រឿងដូចតទៅនេះ ។ សូមពិចារណាអំពីរបៀបដែលគោលការណ៍នៃការទទួលបានចំណេះដឹងខាងវិញ្ញាណ អាចជួយដល់បុគ្គលនៅក្នុងសាច់រឿងនេះបាន ។
មិត្តរបស់អ្នក អេនឌី បានចែកចាយថា គាត់មានអារម្មណ៍មិនពេញចិត្តនឹងជីវិតរបស់គាត់នោះទេ ។ គាត់បានចំណាយពេលច្រើននៅលើទូរសព្ទ លេងហ្គេមវីដេអូ និងដើរលេងជាមួយមិត្តភក្តិ ប៉ុន្តែគាត់យល់ថា គាត់មិនមានពេលច្រើនសម្រាប់ព្រះ ឬគ្រួសាររបស់គាត់នោះទេ ។ ថ្មីៗនេះ គាត់ងឿងឆ្ងល់ថា តើជីវិតរបស់គាត់មានគោលបំណង និងអត្ថន័យជាងអ្វីដែលគាត់កំពុងឆ្លងកាត់ពេលបច្ចុប្បន្ននេះដែរឬទេ ។
សូមពិនិត្យជម្រើសសិក្សាខាងក្រោមនេះឡើងវិញ ។ សូមធ្វើជម្រើសពីរ ឬច្រើន ។
ជម្រើស ក
តើខ្ញុំអាចពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយដោយរបៀបណា ?
សូមបង្កើតជាបដា ឬក្រាហ្វិចព័ត៌មានមួយ ។ សូមសរសេរចំណងជើងថា « ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយ » នៅក្នុងសៀវភៅកត់ចំណាំរបស់អ្នក ។ នៅក្រោមចំណងជើងនោះ សូមកត់ត្រាគំនិតនានា ឬគូររូបភាពដែលអាចជួយ អេនឌី ឲ្យពិនិត្យមើលបញ្ហារបស់គាត់ដោយមានទស្សនវិស័យដ៏អស់កល្បមួយ ។ សំណួរខាងក្រោមនេះអាចជួយអ្នកឲ្យគិតដល់គំនិតនានា ៖
-
តើការបន្ដមានទស្សនវិស័យដ៏អស់កល្បមួយ អាចមានអត្ថប្រយោជន៍ក្នុងស្ថានភាពនេះយ៉ាងដូចម្ដេច ?
ជម្រើស ខ
តើខ្ញុំអាចស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាពដោយរបៀបណា ?
សូមបង្កើតជាបដា ឬក្រាហ្វិចព័ត៌មានមួយ ។ សូមសរសេរចំណងជើងថា « ប្រភពដែលបានតែងតាំងដ៏ទេវភាព » នៅក្នុងសៀវភៅកត់ចំណាំរបស់អ្នក ។ នៅក្រោមចំណងជើងនោះ សូមកត់ត្រាគំនិតនានា ឬគូររូបភាពមកពីប្រភពដែលបានតែងតាំងដ៏ទេវភាព ដែលអ្នកបានរកឃើញដែលអាចជួយ អេនឌី បាន ។ សំណួរខាងក្រោមនេះអាចជួយអ្នកឲ្យគិតដល់គំនិតនានា ៖
-
តើវគ្គបទគម្ពីរចំណេះចំណានខាងគោលលទ្ធិ សេចក្ដីយោងបទគម្ពីរផ្សេងទៀត ឬសេចក្ដីថ្លែងការណ៍មកពីថ្នាក់ដឹកនាំសាសនាចក្រអ្វីខ្លះ ដែលអាចមានអត្ថប្រយោជន៍ដល់ អេនឌី នៅក្នុងស្ថានភាពនេះ ?
ជម្រើស គ
តើខ្ញុំអាចធ្វើសកម្មភាពដោយសេចក្ដីជំនឿដោយរបៀបណា ?
សូមបង្កើតជាបដា ឬក្រាហ្វិចព័ត៌មានមួយ ។ សូមសរសេរចំណងជើងថា « ធ្វើសកម្មភាពដោយសេចក្ដីជំនឿ » នៅក្នុងសៀវភៅកត់ចំណាំរបស់អ្នក ។ នៅក្រោមចំណងជើងនោះ សូមកត់ត្រាគំនិតនានាអំពីរបៀបដែល អេនឌី អាចធ្វើសកម្មភាពដោយសេចក្តីជំនឿបាន ។ សំណួរខាងក្រោមនេះអាចជួយអ្នកឲ្យគិតដល់គំនិតនានា ៖
-
តើមានរឿងជាក់លាក់អ្វីខ្លះដែល អេនឌី អាចធ្វើបាន ដើម្បីមើលឃើញពីអត្ថន័យ និងគោលបំណងដ៏ធំនៅក្នុងជីវិតរបស់គាត់ ?
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យយល់ពីសេចក្តីពិត ដែលបានបង្រៀននៅក្នុងវគ្គបទគម្ពីរចំណេះចំណានខាងគោលលទ្ធិ ។ ដើម្បីជួយអ្នកឲ្យអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
វគ្គបទគម្ពីរចំណេះចំណានខាងគោលលទ្ធិ ដែលអ្នកបានជ្រើសរើស ។ តើអ្នកបានរៀនអ្វីខ្លះ ? តើបទគម្ពីរនោះអាចផ្តល់ពរជ័យដល់ជីវិតរបស់អ្នកដោយរបៀបណា ?
-
បដាដែលអ្នកបានធ្វើដើម្បីជួយដល់ អេនឌី ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?