Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Ариун сүмд зохистойгоор ороход бэлтгэх: Ариун сүмийн зөвшөөрлийн бичиг

“Ариун сүмд зохистойгоор ороход бэлтгэх: Ариун сүмийн зөвшөөрлийн бичиг,” Хуучин Гэрээний семинарын багшийн гарын авлага (2026)

“Ариун сүмд зохистойгоор ороход бэлтгэх: Ариун сүмийн зөвшөөрлийн бичиг,” Хуучин Гэрээний семинарын багшийн гарын авлага

203-р хичээл: Ариун сүмийн бэлтгэл

Ариун сүмд зохистойгоор ороход бэлтгэх

Ариун сүмийн зөвшөөрлийн бичиг

Youth entering Louisville Kentucky Temple with Family History Cards

Сүүлийн жилүүдэд Их Эзэн дэлхий даяар ариун сүмүүдийг барих ажлыг хурдасгасан. Эдүгээ Түүний Сүмийн гишүүд бэлэн бөгөөд зохистой бол Түүний ариун өргөөнд орох илүү их боломжтой болоод байна. Энэ хичээл суралцагчдад Тэнгэрлэг Эцэгийн, мөн Есүс Христийн ариун сүмд орох зохистой эсэхээ эргэцүүлэн бодоход тусална.

Суралцагчийн бэлтгэл: Ариун сүмд ороход Их Эзэний тогтоосон жишгүүдийн талаар илүү ихийг суралцахаар бэлтгэхэд нь суралцагчдад туслахын тулд Өсвөр үеийнхний бат бөх байдлын төлөө: Сонголт хийх удирдамж [2022]-ийн хавсралт дээрх ариун сүмийн зөвшөөрлийн бичгийн асуултуудыг уншихыг тэдэнд санал болго. Эдгээр жишгийн талаар асуух зүйл гарвал ангид ирээд асууж болох тухай зөвлө.

Боломжит суралцах үйл ажиллагаа

Их Эзэнд зөвшөөрөгдсөн

Их Эзэний өргөөнд орох Түүний жишгийг бодож үзэхэд суралцагчдад туслахын тулд та тэдэнд дараах нөхцөл байдлын аль нэгд нь эсвэл хэд хэдэд нь хэрхэн хариулахаа бодох даалгавар өгч болно. Үүнд:

Та нар дараах зүйлсэд хэнийг санал болгох вэ?
- Хөл бөмбөгийн чухал цохилт хийхэд? Яагаад?
- Удахгүй болох шалгалтад бэлтгэхэд тань туслахад? Яагаад?
- Гоцлол дуу дуулахад? Яагаад?
- Зам зааж өгөхөд? Яагаад?

Арван хоёр төлөөлөгчийн чуулгын ахлагч Роналд А.Расбанд хадам аавынхаа амьдралынх нь эцсийн мөчид эргэж очсон үеийнхээ талаар ийн хуваалцсан. Ахлагч Расбандыг эргэж очиход хадам аавынх нь бишоп яг гарах гэж байлаа. Дараа нь юу болсныг тэрээр ийн өгүүлэв:

Намайг Блэйнд [түүний хадам аав] хандан, “Бишоп тан дээр зочлохоор ирсэн нь ямар сайхан хэрэг вэ” гэж хэлэхэд

тэр над руу хараад, “Сайхнаас ч илүү хэрэг байлаа. Би ариун сүмийн зөвшөөрлийн бичгийн ярилцлагад орохоор бишопоо ирэхийг гуйсан юм. Яагаад гэвэл, би Их Эзэнд зөвшөөрөгдсөн байхыг хүсэж байна” гэж хэлсэн юм. Тэр тэгж ч чадсан! (“Их Эзэнд зөвшөөрөгдсөн,” 2020 оны 10-р сарын Ерөнхий чуулган, 22)

“Их Эзэнд зөвшөөрөгдөнө” гэдэг нь юу гэсэн үг вэ?

Хэрэв суралцагчид хариулахгүй байвал та Тэнгэрлэг Эцэг, Аврагч Есүс Христ хоёр Түүний хүүхдүүддээ зориулсан хайрын төлөвлөгөөний нэгэн хэсэг болгон ариун сүмд орох жишгийг тогтоосон гэдгийг хуваалцаж болно. Эдгээр жишгийг дагах нь бидэнд Тэдний өргөөнд зохистойгоор орох зөвшөөрлийг олгодог.

Өнөөдөр энэ хичээлийг судалж байхдаа Ариун Сүнсээр дамжин оюун ухаан, зүрх сэтгэлд тань орж ирэх мэдрэмж, бодол санаанд онцгой анхаарал хандуул (Сургаал ба Гэрээнүүд 8:2–3-ыг үзнэ үү). Энэ нь Ариун Сүнс та нарт, та нар юуг сайн хийж байгаагаа мөн Тэдний өргөөнд зохистойгоор орох жишгийг дагах хичээл зүтгэлээ сайжруулах арга замаа олж харахад туслах юм.

Их Эзэнийг шүтэн бишрэхийн тулд ариун сүмд орох

Дараах мэдэгдэл ба судрын эшлэлүүд Их Эзэн ариун өргөөнд нь орох жишгийг тогтоосон гэдгийг ойлгоход суралцагчдад тусална. Суралцагчдыг гурав гурваар нь бүлэг болгон хувааж, бүлгийн гишүүн бүрд судрын эшлэлүүдээс нэгийг нь уншихыг даалга.

Арван хоёр төлөөлөгчийн чуулгын ахлагч Роналд А.Расбандын хэлсэн дараах үгийг болон доор жагсаасан судруудыг уншаад, Их Эзэний өргөөнд орох талаар сурч мэдэж болох зүйлээ олж мэд.

Ариун сүм бол Их Эзэний өргөө бөгөөд дэлхийгээс ангид байх ариун дагшин газар юм. Тэрхүү ариун ханануудын дунд шүтэн бишрэх хүмүүсийг Түүний Сүнс бүрхэн авдаг. Биднийг Түүний өргөөнд зочилж очих үед Тэрээр жишиг тогтоодог. (“Их Эзэнд зөвшөөрөгдсөн,” 2020 оны 10-р сарын Ерөнхий чуулган, 23)

Дуулал 24:3–4 (“ЭЗЭНий уул” нь ариун сүмийг төлөөлж болно)

Иеремиа 7:1–3 (Иеремиа нь Иуда дахь ёс бус байдлын үеийн бошиглогч байсан.)

Езекиел 44:4–5, 9 (5-р шүлэг дэх “зүрхээ хандуул” гэдэг нь “анхаарал тавих” гэсэн утгатай; 9-р шүлэг дэх “зүрхэндээ хозлуулаагүй” гэдэг нь өөрсдийгөө нүгэл ба ертөнцөөс тусгаарлахгүй байх гэсэн утгатай байж болох юм)

Бид ахлагч Расбандын хэлсэн үгээс мөн эдгээр судрын хэсгээс Их Эзэний өргөөнд орох талаар ямар үнэнийг мэдэж авч болох вэ?

Суралцагчид дараах янз бүрийн үнэнийг тодорхойлж болох юм. Үүнд:

Их Эзэн Өөрийнх нь өргөөнд орох зохистой байдлын жишгийг тогтоодог.

Биднийг өргөөнд нь зохистой оруулахыг анхаарахыг санваарын удирдагчдад зааварладаг.

Хэдийгээр хүн бүрийг ариун сүмд ороход бэлдэхийг урьдаг ч бид Их Эзэний өргөөнд орохын тулд Түүний зохистой байдлын жишгийг хангасан байх ёстой гэдгийг та тайлбарлаж болно.
Ариун сүмд нь орох Их Эзэний жишиг хэрхэн биднийг хайрлах Түүний хайрын мөн бидний төлөөх хүсэл тэмүүллийнх нь баталгаа байж болох вэ?

Суралцагчдыг өмнөх асуултад хариулж байх хооронд Их Эзэний жишгээр амьдрах нь бидэнд Түүнтэй адил болж, Түүнд очихын тулд гаргаж буй хичээл зүтгэлийн маань юу нь сайн болж байгааг харах боломжийг олгон, биднийг Түүний Сүнс, амар амгалангаар адислахад тусалдаг гэдгийг олж харахад тэдэнд тусал.

Ариун сүмийн зөвшөөрлийн бичгийн асуултууд

Их Эзэний өргөөнд ороход тавьдаг Түүний шаардлагуудын талаар мэдэж байгаа зүйлээ үнэлэхэд нь суралцагчдад туслахын тулд тэдэнд Gospel Library дахь Өсвөр үеийнхний бат бөх байдлын төлөө: Сонголт хийхэд туслах хөтөч [2022] товхимлын хавсралт дээрх ариун сүмийн зөвшөөрлийн бичгийн асуултуудтай уншиж танилцах даалгавар өг. Эсвэл та Өсвөр үеийнхний бат бөх байдлын төлөө удирдамжийн 36–37-р хуудсыг тарааж өгөх юм уу асуултуудыг шууд самбарт бичиж болно.

Өсвөр үеийнхний бат бөх байдлын төлөө: Сонголт хийхэд туслах хөтөч [2022] товхимлын хавсралтад байх ариун сүмийн зөвшөөрлийн бичгийн асуултуудыг гаргаад дараахыг хий.

Ариун сүмийн зөвшөөрлийн бичгийн асуултуудыг уншаад, (1) эдгээр асуулт юу асууж байгааг ойлгож байгаагаа, (2) эдгээр жишгийн дагуу амьдрах нь биднийг Их Эзэний ариун өргөөнд ороход хэрхэн бэлтгэх талаар тунгаан бод.
Асуултууд дундаас илүү дэлгэрэнгүй судлахыг хүсэж буй нэг асуултаа сонго.

Судар судлах явцдаа Ариун Сүнснээс хүлээн авсан санаануудаа хуваалцах боломжийг суралцагчдад олго. Үүнийг хийхдээ та тэднийг жижиг бүлгүүдэд хуваарилан, хүн бүрээс сурч мэдсэн зүйлээ хуваалцахыг хүсэж болно. Олж мэдсэн зүйл нь Их Эзэний өргөөнд орох Түүний жишгийг ойлгоход хэрхэн тусалсан талаар тайлбарлаж болох юм. Ангийнхнаасаа олж авсан ойлголтоо тараах материалын ар талд бичихийг суралцагчдаас хүс.

Их Эзэний өргөөнд орохын тулд Түүний жишгийн дагуу амьдрах нь хэрхэн бидэнд Түүнтэй илүү адилхан болоход туслах вэ?
Эдгээр жишиг нь хэрхэн Түүний хайрын нотолгоо болдог вэ?

Хувийн эргэцүүлэл

Суралцагчдыг ариун сүмд орох зохистой эсэхээ тунгаан бодох үед тэдэнд ямар мэдрэмж төрж байгааг бодож үз. Тэдний санааг зовоосон ямар асуудал байж болох вэ? Та хэрхэн тэдэнд Тэнгэрлэг Эцэгийн хайрыг болон Аврагчийн тусламжтайгаар тэд зохистой байж чадна гэсэн баталгааг мэдрэхэд тусалж болох вэ? Дараах мэдэгдлийг унших нь Аврагчийн тусламжтайгаар Их Эзэний өргөөнд зохистойгоор орж чадна гэсэн найдварыг мэдрэхэд суралцагчдад туслах нэг арга зам юм.

Арван хоёр төлөөлөгчийн чуулгын ахлагч Патрик Кийрон Тэнгэрлэг Эцэг хүүхдүүдээ Өөрийнх нь хаант улсад ороосой хэмээн хэр их хүсдэг талаар ийн заасан. Түүний хуваалцсан зүйл хүүхдүүдээ Өөрийнхөө ариун өргөөнд оруулах Түүний хүсэлтэй хэрхэн нийцэж байгааг тунгаан бод.

11:35

Найзууд аа, мөнх бус амьдралын замд хамт гарсан итгэл нэгт шавь нар аа, бидний Эцэгийн үлэмж сайхан төлөвлөгөө, тэрхүү “гайхалтай” төлөвлөгөө нь гэртээ орох замыг тань хаах бус харин эргүүлэн аваачихын тулд бүтээгдсэн юм. Хэн ч замын хаалт тавьж, таныг замаас тань эргүүлэн буцаах хэн нэгнийг тэнд зогсоохгүй. Яг үнэндээ эсрэгээрээ. Бурхан таныг эргүүлж авчрахаар уйгагүй эрэлхийлдэг. Тэрээр “бүх хүүхэд нь Түүнд эргэн ирэхийг сонгоосой хэмээн хүсдэг” бөгөөд таныг эргүүлж авчрахын төлөө боломжит бүх аргыг хэрэглэдэг билээ. (“Биднийг гэртээ аваачих нь Бурханы зорилго юм,” Лиахона, 2024 оны 5-р сар, 87) (цагийн код 2:16-аас 3:01 хүртэл)

Суралцагчдад дараах эргэцүүлэн бодох үйл ажиллагааг хийх хангалттай цаг гаргаж өгөхөд анхаар.

Их Эзэний өргөөнд орох зохистой эсэхээ эргэцүүлэн бод. Үүнийг хийх нэг арга зам бол ариун сүмийн зөвшөөрлийн бичгийн асуултуудыг дахин уншиж, тус бүрд нь дотроо хариулах явдал юм. Судлах тэмдэглэлдээ эсвэл тараах материалынхаа ар талд дараах асуултад хариул.

Тэнгэрлэг Эцэг, Есүс Христ хоёр таныг юуг мэдэж, мэдэрч эсвэл хийгээсэй хэмээн хүсдэг гэж бодож байна вэ?

Ариун сүмд орохуйц зохистой болох эсвэл зохистой хэвээр байх хичээл зүтгэлийг магтан сайшааж, Аврагч өргөөнд нь ороход бидэнд туслахад бэлэн байдгийг суралцагчдад хэл.

Нэмэлт эх сурвалж

“Есүс Христийн Хожмын Үеийн Гэгээнтнүүдийн Сүмд харш аливаа сургаал, зан үйл, номлолыг дэмжиж, сурталчлах” гэдэг нь юу гэсэн үг вэ? (ариун сүмийн зөвшөөрлийн бичгийн 7-р асуулт)

Энэ [асуулт] нь өөр итгэл үнэмшилтэй хүмүүсээс хол байх ёстой гэсэн үг биш юм. Хэрэв еврей найз тань таныг бар мицвадаа, эсвэл католик шашинтан найз тань гишүүний баталгаандаа урьсан бол та нар тэднийг дэмжиж болохын зэрэгцээ мөн ариун сүмийн зөвшөөрлийн бичигтэйгээ байх боломжтой!

Энэ нь харилцан яриандаа, сошиал медиа дээр эсвэл та нарын дуу хоолой сонсогдох өөр хаана ч байсан та нар Сүмийн сургаал, номлолыг дэмжинэ гэсэн үг юм. Та бүх сургаалыг ойлгохгүй байж болно. Хариултаа аваагүй асуултууд ч танд байж болох юм. Энэ бол огт асуудал биш ээ! Бид илүү их үнэнийг эрэлхийлэхийн зэрэгцээ итгэл үнэмшилтэй байж чадна. (“What ‘contrary’ is—and isn’t,” ChurchofJesusChrist.org/inspiration/what-contrary-is-and-isnt)

Би “Их Эзэний өргөөнд орж, ариун сүмийн ёслолд оролцох” хэмжээний зохистой юу? (ариун сүмийн зөвшөөрлийн бичгийн 13-р асуулт)

Залуу эрэгтэйчүүдийн ерөнхий ерөнхийлөгчийн зөвлөлийн Брадли Р.Вилкокс ах ийн заасан.

Зарим нь уг захиасыг ойлгохдоо, муу зуршлаасаа бүрмөсөн салаагүй учир сайн мэдээнд өөрсдийгөө бүрэн дүүрэн зориулахуйц зохистой биш хэмээн андуурч хүлээн авдаг. Зохистой байна гэдэг нь ямар ч дутагдалгүй гэсэн үг биш гэдэг нь Бурханы захиас юм. Зохистой байх гэдэг бол үнэнч шударга, хичээл зүтгэлтэй байхыг хэлнэ. (“Зохистой байна гэдэг нь ямар ч дутагдалгүй гэсэн үг биш,” Лиахона, 2021 оны 11-р сар, 62)

Нэмэлт суралцах үйл ажиллагаа

Их Эзэнд зөвшөөрөгдсөн

Ариун сүмийн зөвшөөрлийн бичгийн ач холбогдлыг илүү гүнзгий ойлгоход нь суралцагчдад туслахын тулд та “Их Эзэнд зөвшөөрөгдсөн” видеог цагийн код 2:07-оос 5:43 хүртэл үзүүлж болно. Суралцагчид ариун сүмийн зөвшөөрлийн бичиг гэж юу мөн, юу биш болохыг тодорхойлж болно. Та энэ видеог хичээлийн төгсгөлд, суралцагчдын хувиараа эргэцүүлэн бодох үйл ажиллагаанаас өмнө үзүүлж болно.

14:17

Ариун сүмд орохуйц хангалттай сайн уу?

Ариун сүмийн зөвшөөрлийн бичгийн хамгийн сүүлийн асуулт нь биднээс өөрсдийгөө ариун сүмд орохуйц зохистой гэж үзэж байна уу гэдэгт хариулахыг хүсдэг. Зарим суралцагч өөрсдийгөө хэзээ ч хангалттай зохистой байж чадахгүй байх гэж санаа зовдог. Эдгээр асуудлыг шийдвэрлэхэд нь туслахын тулд та Нэмэлт эх сурвалж дээрх Брадли Вилкокс ахын хэлсэн үгийг эсвэл 2019 оны 3-р сарын Лиахона сэтгүүлийн “Good Enough for the Temple?” гарчигтай нийтлэл дээрх туршлагыг хуваалцаж болно. Суралцагчдаас ариун сүмд орохуйц зохистой байх талаар сурч мэдсэн зүйлээ хуваалцахыг хүс.

Ариун сүмд орох бидний бэлтгэл

Зөвхөн анх удаа ариун сүмд баптисм, хишиг хүртэх ёслолуудад оролцохын тулд ариун сүмд ороход бэлтгэдэггүй гэдгийг суралцагчдад тайлбарлах нь тустай байж болно. Ариун сүмд орохоор бэлтгэх нь Их Эзэнийг шүтэн бишрэхийн тулд тогтмол хийх ёстой зүйл юм. Арван хоёр төлөөлөгчийн чуулгын ахлагч Үлиссэс Соарэсын хэлсэн дараах мэдэгдэл бүрийг хэвлэж аваад, суралцагчдын дунд хувааж өг. Суралцагчдаас авсан мэдэгдлээ уншаад, ойлгосон зүйлээ хуваалцаж, энэ нь тэднийг ариун сүм рүү очих бүрдээ зохистой ороход хэрхэн туслахыг тайлбарлахыг хүс.

Хэрэв бид ариун сүмд орох бэлтгэлээ өөрчилбөл ариун сүм дэх туршлагаа өөрчилж, улмаар энэ нь ариун сүмээс гадуурх амьдралыг маань ч өөрчилнө. (“Есүс Христээр дамжуулан гэрээндээ итгэлтэй байх нь,” Лиахона, 2024 оны 5-р сар, 18)

Бэлтгэл нь зөвхөн ариун сүмд анх удаа орох гэж байгаа хүмүүст хамаатай асуудал биш юм. Бид бүгд Их Эзэний өргөөнд орохын тулд байнга бэлтгэж байх ёстой. (“Есүс Христээр дамжуулан гэрээндээ итгэлтэй байх нь,” Лиахона, 2024 оны 5-р сар, 19)

Аврагч биднийг Тэнгэрлэг Эцэгтэйгээ Түүний нэрээр гэрээнд орохдоо яг хэрхэн үйлдэх ёстойгоо маш тодорхой ойлгосон байхын тулд бэлтгэлтэй байгаасай хэмээн хүсдэг. Тэр биднийг давуу эрх, амлалт, үүргээ эдэлж, мөн энэ амьдралд хэрэгтэй сүнслэг ойлголт хүлээн авч, сэхээрэхэд бэлтгэлтэй байхыг хүсдэг. (“Есүс Христээр дамжуулан гэрээндээ итгэлтэй байх нь,” Лиахона, 2024 оны 5-р сар, 19)