Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Бид ариун сүмд дуулгавартай байдлын болон золиослолын хуулийг дагах гэрээ байгуулдаг: Бурханд дуулгавартай байж, Түүний төлөө золиослох гэрээ

“Бид ариун сүмд дуулгавартай байдлын болон золиослолын хуулийг дагах гэрээ байгуулдаг: Бурханд дуулгавартай байж, Түүний төлөө золиослох гэрээ,” Хуучин Гэрээний семинарын багшийн гарын авлага (2026)

202-р хичээл: Ариун сүмийн бэлтгэл: Дуулгавартай байдлын болон золиослолын хууль

Бид ариун сүмд дуулгавартай байдлын болон золиослолын хуулийг дагах гэрээ байгуулдаг

Бурханд дуулгавартай байж, Түүний төлөө золиослох гэрээ

Тэнгэрлэг Эцэг бүх хүүхдэдээ хайртай. Тэнгэрлэг Эцэг хүүхдүүдээ ариун сүмд Өөртэй нь гэрээ байгуулахад урих замаар Өөрийн хайрыг харуулдаг. Эдгээр гэрээнд дуулгавартай байдлын болон золиослолын хуулийг дагах бидний амлалт багтдаг. Энэ хичээл нь хишиг хүртэх үедээ дагахаар гэрээ байгуулсан дуулгавартай байдлын болон золиослолын хуулийг ойлгоход суралцагчдад тусална.

Суралцагчийн бэлтгэл: Ангид орж ирэхээс нь өмнө дараах асуултыг бодож үзэхийг суралцагчдад санал болго. Тэнгэрлэг Эцэгтэй нэмэлт гэрээнүүд байгуулах нь миний амьдралыг хэрхэн адислах вэ?

Боломжит суралцах үйл ажиллагаа

Ариун сүмийн зорилго

Энэ хичээлийн эхэнд яагаад Тэнгэрлэг Эцэг, Есүс Христ хоёртой гэрээ байгуулахыг хүсэх вэ гэдгийг ойлгоход нь суралцагчдад тусал. Дараах нь үүнийг хийж гүйцэтгэх нэг арга зам юм. Та эхлээд, хүмүүсийг Бурханаас холдоход хүргэдэг амьдралд тохиолдож болох хэдэн, хүнд хэцүү нөхцөл байдлыг тодорхойлж болно. Гэр бүл салалт, өвчин эмгэг, ажилгүй болох гэх мэт.

Яагаад зарим хүнд хэцүү нөхцөл байдал хүмүүсийг Бурханаас холдоход хүргэдэг вэ?
Ийм нөхцөл байдалд Бурханаас холдохын оронд Түүнтэй ойр байх нь яагаад бидэнд чухал вэ?

Бид Бурханд ойр байж, Түүний тусламж, хүчийг хүлээн авахын тулд амьдралын сорилт бэрхшээлд хэрхэн бэлтгэж болох талаар тунгаан бод.

Ангид дасгалын гурван резинэн тууз авчир. Гурван суралцагчийг самбарын өмнө гарч ирэхэд урь эсвэл дагалдах зургуудыг үзүүлээд, юу болж байгааг дүрслэн хэл. Эхний туузаар эхний суралцагчийн хоёр гарын бугуйгаар нэг ороо. Хоёр дахь туузаар хоёр дахь суралцагчийн хоёр гарын бугуйгаар хоёр ороо. Дараа нь гурав дахь туузаар гурав дахь суралцагчийн хоёр гарын бугуйгаар гурав ороо.

Гурван суралцагчийг хоёр тийшээ гараа сунгаж хэнд нь хамгийн амар байгааг харахад урь. Та мөн ангийнхнаас гурван суралцагчийн хэн нь гараа туузнаас хамгийн амархан гаргаж чадахыг нь асуугаарай.

Эсвэл та Арван хоёр төлөөлөгчийн чуулгын ахлагч Дэйл Г.Рэнланд энэ үзүүлэнт хичээлийг гурван залуу насанд хүрэгчтэй хамт үзүүлсэн “Strong and Closer Connection to God Through Multiple Covenants” видеог цагийн код 4:13-аас 5:44 хүртэл үзүүлж болно.

Энэхүү үзүүлэнт хичээл бидэнд Бурхантай гэрээ байгуулж, тэдгээрийг сахих талаар юу зааж байна вэ?

Арван хоёр төлөөлөгчийн чуулгын ахлагч Дэйл Г.Рэнланд Бурхантай гэрээ байгуулах нь биднийг хэрхэн адисалдаг талаар ийн хуваалцсан.

Гэрээ бүр хэлхээ холбоог нэмэгдүүлж, биднийг Бурханд илүү ойртуулж, харилцаа холбоог маань бэхжүүлдэг.

… Харин амьдралын сорилт бэрхшээлтэй тулгарах үед Бурханаас өөрсдийгөө холдуулах магадлал маань багасдаг. (“Stronger and Closer Connection to God Through Multiple Covenants,” [Brigham Young University devotional, March 5, 2024], 2, 3, speeches.byu.edu)

Та суралцагчдаас Бурхантай байгуулдаг зарим гэрээг тодорхойлохыг хүсэж болно.

Бид ариун сүмийн хишиг хүртэх ёслолынхоо хүрээнд ариун сүмд Тэнгэрлэг Эцэгтэй гэрээ байгуулдаг. Бид хишиг хүртэх ёслолынхоо хүрээнд дуулгавартай байдал, золиослол, Есүс Христийн сайн мэдээ, ариун явдал, бүхнээ зориулах хуулиудыг сахих гэрээ байгуулдаг (Гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь, 27.2-ыг үзнэ үү). Энэ хичээл дуулгавартай байдал, золиослолын хууль дээр төвлөрнө.

Суралцагчдыг тэмдэглэлдээ дараах өгүүлбэрийг бичихэд урь: Бид ариун сүмд хишиг хүртэх ёслолынхоо хүрээнд дуулгавартай байдлын болон золиослолын хуулийн дагуу амьдрах гэрээг Тэнгэрлэг Эцэг, Есүс Христ хоёртой байгуулдаг.

Дуулгавартай байдлын болон золиослолын хууль

Миний сурсан зүйл

Суралцагчдыг туршлага, гэрчлэлээ хуваалцах үед Ариун Сүнс сурч мэдсэн үнэнүүд нь үнэн гэдгийг баталж чадна. Суралцагчдаас дуулгавартай байдлын эсвэл Их Эзэний ажлын төлөө золиослол гаргахад бэлэн байхын өөрийн туршлагыг эсвэл үүний үлгэр жишээ болсон хэн нэгний талаар хуваалцахыг хүс. Хувийн туршлага эсвэл жишээгээ хуваалцах нь тус болж болох юм. Дараах асуултуудыг суралцагчдыг туршлагаасаа хуваалцаж байхад нь, ангийн хэлэлцүүлгийн хүрээнд эсвэл судлах тэмдэглэлдээ хариулж бичих дасгалд ашиглаж болно.

Дуулгавартай байдал, золиослолын хуулийг дагах нь хэрхэн бидэнд Есүс Христтэй илүү адил болоход туслах вэ?
Энэ хоёр хуулийг сахих гэрээг ариун сүмд байгуулах нь хэрхэн бидэнд Бурханд илүү ойртоход, мөн бидний харилцаа холбоог хүчирхэгжүүлэхэд туслах вэ?

Нэмэлт эх сурвалж

Ариун сүмд бидний хүлээн авдаг хишиг гэж юу вэ?

Хувийн хишиг бол Есүс Христийн Хожмын Үеийн Гэгээнтнүүдийн Сүмийн ариун сүмд гүйцэтгэдэг шашны зан үйл юм. Энэхүү ариун нандин ёслолыг бэлтгэгдсэн насанд хүрсэн Сүмийн гишүүн бүр хүртэх боломжтой. Хишиг нь өдөр тутмын амьдралд хүч, зорилго, хамгаалалт болдог заавар, гэрээ, амласан адислалуудыг өгдөг. Энэ нь дэлхийн Бүтээлт, Адам, Ева хоёрын уналт, Есүс Христээр дамжин ирэх гэтэлгэлийн төлөвлөгөөг болон Бурханы оршихуйд эргэн очих бидний аян замын талаар заадаг. …

Хишгээр дамжуулан Сүмийн гишүүд Бурханы ёс суртахуун, үнэнч байдлаа болон бусдад үйлчлэх жишгүүдийг дагахаа амласнаар Түүнтэй байгуулсан гэрээт харилцаагаа улам гүнзгийрүүлдэг. Энэ ариун дагшин ёслолоор Сүмийн гишүүд “дуулгавартай байдлын хууль, золиослолын хууль мөн сайн мэдээний болон ариун явдлын хууль, түүнчлэн бүхнээ зориулах хуулийг сахих” гэрээг байгуулдаг (Дэвид А.Бэднар, “,” 2019 оны 4-р сарын Ерөнхий чуулган, 123–127). Эдгээр амлалтаа хүндлэн дээдлэх нь Сүмийн гишүүдэд Христийн Цагаатгалаар дамжуулан гэгээнтэн болоход нь тусалдаг. Хишиг бол Бурхан Өөрийн гэрээт хүмүүст хүч чадал өгдөг нэг арга зам юм. (Сайн мэдээний сэдвүүд: Хишиг ба лацдан холбох ёслолууд)

Нэмэлт мэдээллийг авахыг хүсвэл Ерөнхий гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь гарын авлагын 27.2-р хэсгийг Gospel Library-аас үзнэ үү.

Бурханы зарлигуудад дуулгавартай байгаа нь миний талаар юуг Бурханд харуулдаг вэ?

Бурханы зарлигуудыг сахиснаар Түүнийг гэх өөрийн хайрыг харуул. Жишээлбэл: Та ариун ёслолд итгэлтэйгээр бэлтгэж, үүнээс хүртэх гэх мэтээр Хүндэтгэлийн өдрийг ариунаар сахиснаар долоо хоногийн нэг өдрийг Бурханд зориулахад бэлэн байгаагаа Түүнд харуулдаг. Та мацаг барьж, аравны нэг ба өргөлүүдээ төлснөөр Бурханы ажил танд материаллаг зүйлсээс ч илүү чухал гэдгийг Түүнд харуулдаг. Та Бурханы болон Христийн нэрийг хэзээ ч хоосон эсвэл хаа хамаагүй бус, хүндэтгэлтэй ашигласнаар Тэдний таны төлөө хийсэн бүхэнд талархаж байгаагаа харуулж буй хэрэг юм. (Өсвөр үеийнхний бат бөх байдлын төлөө: Сонголт хийхэд туслах хөтөч [2022], 11–12)

Өнөө үед золиослолын хуулийг хэрхэн сахидаг вэ?

Тэргүүн зөвлөлийн ерөнхийлөгч Даллин Х.Өүкс ийн тайлбарласан.

Есүс Христийн туулсан төсөөлшгүй зовлон нь цус урсган тахил өргөхийг зогсоосон ч гэсэн сайн мэдээний төлөвлөгөөн дэх золиослолын ач холбогдлыг төгсгөөгүй. Аврагч маань биднээс золиослол өргөхийг шаардсаар байгаа, гэхдээ Тэрээр бидэнд золиослол болгон “харууссан зүрх мөн гэмшсэн сэтгэлээ [Түүнд] өргөл болгон” (3 Нифай 9:20) өргөхийг зарлигладаг. Мөн Тэрээр бидэнд бие биеэ хайрлаж, нэг нэгэндээ үйлчлэхийг—өөрсдийн цаг зав, аминч үзлээ золиосолсноор Түүний золиослолыг өчүүхэн ч болов үзүүлэхийг зарлигладаг. … Үйлчлэл, золиослолыг харуулсан бидний амьдрал Их Эзэнд болон Түүний дагалдагчдад үйлчлэх шийдвэр төгс байдлын хамгийн гол илэрхийлэл билээ. (“Золиослол,” 2012 оны 4-р сарын Ерөнхий чуулган, 19–20)

Харууссан зүрх, гэмшсэн сэтгэлийг өргөл болгон өргөх гэдэг нь юу гэсэн утгатай вэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн заасан.

11:21

Эрт үед хүмүүс Их Эзэнийг шүтэн биширч, Түүнээс адислал авахыг хүсэхдээ ихэвчлэн бэлэг авчирдаг байжээ. Жишээлбэл: Тэд ариун сүмд ирэхдээ тахилын ширээн дээр тавих золиослол авчирдаг байж. Цагаатгал болон Амилалтынхаа дараа Аврагч амьтдыг шатаах өргөл болгон өгөх зүйл цаашид хүлээн авахгүй гэдгээ хэлсэн. Одоо Түүний хүлээн авах бэлэг эсвэл золиослол бол “харууссан зүрх, гэмшсэн сэтгэл” юм (3 Нифай 9:20). Та хөрвөлтийн адислалыг эрэлхийлэхдээ, Их Эзэнд харууссан буюу наманчлагч зүрхийг мөн гэмшсэн, дуулгавартай сэтгэлийг өргөж чадна. Үнэндээ энэ нь таны хэн болох, хэн болж буйгаа харуулсан буюу өөрийгөө өгч байгаа бэлэг юм. (“When Thou Art Converted,” Liahona, May 2004, 12) (цагийн код 7:01-ээс 7:46 хүртэл)

Нэмэлт суралцах үйл ажиллагаа

Ариун сүмд амласан мөнхийн адислалуудыг хүлээн авахын тулд гаргах золиослол

Ариун сүмд очихын тулд золиослол гаргахад суралцагчдыг урамшуулан дэмжихийн тулд “Temples Are A Beacon” (2:50) видеог ашиглаж болно. Видеон дээр ерөнхийлөгч Томас С.Монсон (1927–2018) ариун сүмд орохын тулд агуу золиослол гаргасан Моу Тамын гэр бүлийн түүхийг хуваалцдаг. Видеоны дараа та Бурханы өргөөнд Түүнийг шүтэн бишрэхийн тулд бидний зүгээс гаргаж болох золиослолын талаар ярилцаж болно.

2:50

Хүч чадлын хишиг

Бид ариун сүмийн хишгээр дамжуулан Бурханы хүчээр хэрхэн адислагддаг болохыг ойлгоход суралцагчдад туслах талаар бод. Сургаал ба Гэрээнүүд 38:32, 38; 43:16-г унших талаар бодож үз. Түүнчлэн суралцагчид Нэмэлт эх сурвалж дахь хувийн хишгийн талаарх мэдэгдлийг уншиж болно. Дуулгавартай байдал, золиослолын хуулиар амьдрах нь бидэнд Бурханы хүчийг хүлээн авахад туслах арга замуудын талаар ярилц. Хэлэлцүүлгийн хүрээнд дуулгавартай байдал, золиослолын хуулиар амьдрахын тулд гаргаж буй хичээл зүтгэл маань Есүс Христтэй илүү адил болоход бидэнд тусалдаг гэдгийг ойлгоход суралцагчдад тусал.

Ариун сүмд Бурхантай гэрээ байгуулахад бэлтгэх

Нийгмийн халамжийн бүлгийн ерөнхий ерөнхийлөгч асан ерөнхийлөгч Жийн Б.Бингам ариун сүмд Бурхантай гэрээ байгуулахад бэлтгэж байсан туршлагаасаа хуваалцсан. Та “Гэрээнүүд нь биднийг мөнхийн алдар суунд хүчирхэгжүүлж, хамгаалж, бэлтгэдэг” (11:59) видеог цагийн код 1:42-оос 2:50 хүртэл үзүүлж болно.

11:59

Видеоны дараа ариун сүмд Бурхантай байгуулах гэрээнүүдийг ойлгох нь хэрхэн бидэнд тухайн ариун нандин ёслолд биднийг бэлтгэх талаар ярилцаж болно.