Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Sa Templo, Nakikipagtipan Tayo na Susundin ang mga Batas ng Pagsunod at Sakripisyo: Ang Tipan na Sumunod sa Diyos at Magsakripisyo para sa Kanya

“Sa Templo, Nakikipagtipan Tayo na Susundin ang mga Batas ng Pagsunod at Sakripisyo: Ang Tipan na Sumunod sa Diyos at Magsakripisyo para sa Kanya,” Manwal ng Guro ng Seminary para sa Lumang Tipan (2026)

“Sa Templo, Nakikipagtipan Tayo na Susundin ang mga Batas ng Pagsunod at Sakripisyo: Ang Tipan na Sumunod sa Diyos at Magsakripisyo para sa Kanya,” Manwal ng Guro ng Seminary para sa Lumang Tipan

Paghahanda para sa Templo: Ang mga Batas ng Pagsunod at Sakripisyo: Lesson 202

Sa Templo, Nakikipagtipan Tayo na Susundin ang mga Batas ng Pagsunod at Sakripisyo

Ang Tipan na Sumunod sa Diyos at Magsakripisyo para sa Kanya

Mahal ng Ama sa Langit ang lahat ng Kanyang anak. Ang isa sa mga paraan kung paano ipinapakita ng Ama sa Langit ang Kanyang pagmamahal ay sa pamamagitan ng pag-aanyaya sa Kanyang mga anak na makipagtipan sa Kanya sa templo. Kasama sa mga tipang ito ang ating pangakong sundin ang batas ng pagsunod at ang batas ng sakripisyo. Ang lesson na ito ay makatutulong sa mga estudyante na maunawaan ang mga batas ng pagsunod at sakripisyo na ipinagkatipan natin na susundin sa endowment.

Paghahanda ng estudyante: Anyayahan ang mga estudyante na pag-isipan ang tanong na ito bago pumasok sa klase: Paano ako pagpapalain ng paggawa ng mga karagdagang tipan sa Ama sa Langit?

Mga Posibleng Aktibidad sa Pag-aaral

Ang layunin ng mga templo

Simulan ang lesson na ito sa pamamagitan ng pagtulong sa mga estudyante na maunawaan kung bakit nila gugustuhing makipagtipan sa Ama sa Langit at kay Jesucristo. Ang sumusunod ay isang paraan upang magawa ito. Maaari kang magsimula sa pagtukoy ng ilang mahihirap na sitwasyon na maaaring kaharapin ng mga tao sa buhay na maaaring humantong sa paglayo nila sa Diyos. Ang ilang ideya ay maaaring diborsiyo, sakit, o pagkawala ng trabaho.

Bakit nagiging dahilan ng mga tao ang ilang mahihirap na sitwasyong kinakaharap nila para ilayo nila ang kanilang sarili sa Diyos?
Bakit napakahalaga sa mga ganitong uri ng sitwasyon na manatili tayong malapit sa Diyos sa halip na ilayo ang ating sarili sa Kanya?

Pagnilayan kung paano tayo makapaghahanda sa mga hamon ng buhay upang manatili tayong malapit sa Diyos at matanggap natin ang Kanyang tulong at kapangyarihan.

Magdala sa klase ng tatlong elastic band na pang-ehersisyo. Anyayahan ang tatlong estudyante na pumunta sa harap ng klase o ipakita ang mga kasamang larawan at ilarawan kung ano ang nangyayari. I-loop ang unang exercise band sa mga kamay ng unang estudyante. I-loop ang pangalawang exercise band nang dalawang beses sa mga kamay ng pangalawang estudyante. Pagkatapos ay i-loop ang pangatlong exercise band nang tatlong beses sa mga kamay ng pangatlong estudyante.

Sabihin sa bawat isa sa tatlong estudyante na paglayuin ang kanilang mga kamay para makita kung sino ang pinakamadaling makagagawa nito. Maaari mo ring itanong sa klase kung sino sa tingin nila sa tatlong estudyante ang pinakamadaling maaalis ang mga kamay sa exercise band.

Bilang alternatibo, maaari mong ibahagi ang video na “Stronger and Closer Connection to God Through Multiple Covenants,” mula sa time code na 4:13 hanggang 5:44 kung saan ipinakita ni Elder Dale G. Renlund ng Korum ng Labindalawang Apostol ang object lesson na ito sa pamamagitan ng tatlong young adult.

Ano ang maituturo sa atin ng object lesson na ito tungkol sa paggawa at pagtupad ng mga tipan sa Diyos?

Ibinahagi ni Elder Dale G. Renlund ng Korum ng Labindalawang Apostol kung paano tayo mapagpapala ng pakikipagtipan sa Diyos:

Bawat tipan ay nagdaragdag ng isang bigkis, na mas naglalapit sa atin at nagpapatibay ng ating kaugnayan sa Diyos.

… Kapag nahaharap tayo sa mga hamon sa buhay, nababawasan ang posibilidad na lumayo tayo sa Diyos. (“Stronger and Closer Connection to God Through Multiple Covenants,” [debosyonal sa Brigham Young University, Marso 5, 2024], 2, 3, speeches.byu.edu)

Maaari mong hilingin sa mga estudyante na tukuyin ang ilan sa mga tipan na ginawa natin sa Diyos.

Nakikipagtipan tayo sa Ama sa Langit sa templo bilang bahagi ng endowment sa templo. Bilang bahagi ng endowment, nakikipagtipan tayo na susundin ang mga batas ng pagsunod, sakripisyo, ebanghelyo ni Jesucristo, kalinisang-puri, at paglalaan (tingnan sa Pangkalahatang Hanbuk: Paglilingkod sa Ang Simbahan ni Jesucristo ng mga Banal sa mga Huling Araw, 27.2). Ang lesson na ito ay nakatuon sa mga batas ng pagsunod at sakripisyo.

Maaari mong anyayahan ang mga estudyante na isulat ang sumusunod sa kanilang journal: Bilang bahagi ng endowment sa templo, nakipagtipan tayo sa Ama sa Langit at kay Jesucristo na ipamumuhay ang batas ng pagsunod at batas ng sakripisyo.

Ang mga batas ng pagsunod at sakripisyo

Ang natutuhan ko

Maaaring pagtibayin ng Espiritu Santo ang mga katotohanang natutuhan ng mga estudyante habang nagbabahagi sila ng mga karanasan at patotoo. Sabihin sa mga estudyante na magbahagi ng personal na karanasan o mag-isip ng isang tao na halimbawa ng pagsunod o ng kahandaang magsakripisyo para sa gawain ng Panginoon. Maaaring makatulong na magbahagi ng personal na karanasan o halimbawa. Maaaring gamitin ang mga sumusunod na tanong habang nagbabahagi ang mga estudyante ng mga karanasan, bilang bahagi ng talakayan sa klase, o para sagutin ng mga estudyante sa kanilang study journal.

Paano tayo matutulungan ng pagsunod sa mga batas ng pagsunod at sakripisyo na maging higit na katulad ni Jesucristo?
Paano tayo matutulungan ng pakikipagtipan na susundin ang dalawang batas na ito sa templo na mas mapalapit sa Diyos at mapalakas ang ating koneksyon sa Kanya?

Karagdagang Resources

Ano ang endowment na natatanggap natin sa templo?

Ang endowment ay isang seremonyang pangrelihiyon na ginagawa sa mga templo ng Ang Simbahan ni Jesucristo ng mga Banal sa mga Huling Araw. Natatanggap ito ng mga adult na miyembro ng Simbahan na handa na para sa sagradong karanasang ito. Nagbibigay ang endowment ng tagubilin, mga tipan, at mga ipinangakong pagpapala na nagbibigay ng lakas, layunin, at proteksyon sa araw-araw na buhay. Nagtuturo ito tungkol sa Paglikha ng mundo, Pagkahulog nina Adan at Eva, plano ng pagtubos sa pamamagitan ni Jesucristo, at sa ating sariling paglalakbay pabalik sa kinaroroonan ng Diyos. …

Sa pamamagitan ng endowment, napapalalim ng mga miyembro ng Simbahan ang kanilang pakikipagtipan sa Diyos nang mangako sila na susundin ang Kanyang mga pamantayan ng moralidad, integridad, at paglilingkod sa kapwa. Sa sagradong seremonyang ito, nakikipagtipan ang mga miyembro ng Simbahan “na susundin ang batas ng pagsunod, ang batas ng pagsasakripisyo, ang batas ng ebanghelyo, ang batas ng kalinisang-puri, at ang batas ng paglalaan” (David A. Bednar, “Handa na Matamo ang Bawat Kinakailangang Bagay,” Liahona, Mayo 2019, 103–4). Ang tapat na pagtupad sa mga pangakong ito ay tumutulong sa mga miyembro ng Simbahan na maging mga Banal sa pamamagitan ng Pagbabayad-sala ni Cristo. Ang endowment ay isang paraan para maipagkaloob ng Diyos ang Kanyang kapangyarihan sa Kanyang mga pinagtipanang tao. (Mga Paksa at Mga Tanong: Endowment)

Para sa karagdagang impormasyon tungkol sa Endowment, tingnan sa Pangkalahatang Hanbuk: Paglilingkod sa Ang Simbahan ni Jesucristo ng mga Banal sa mga Huling Araw, 27.2, Gospel Library.

Ano ang ipinapakita sa Diyos ng pagsunod ko sa mga kautusan Niya?

Magpakita ng pagmamahal sa Diyos sa pamamagitan ng pagsunod sa Kanyang mga utos. Halimbawa, sa pagpapanatiling banal ng araw ng Sabbath, kabilang na ang matapat na paghahanda para sa at pagtanggap ng sakramento, ipinapakita ninyo sa Diyos na handa kayong maglaan sa Kanya ng isang araw sa isang linggo. Habang nag-aayuno at nagbabayad kayo ng mga ikapu at handog, ipinapakita ninyo sa Diyos na mas mahalaga sa inyo ang Kanyang gawain kaysa sa mga materyal na bagay. Kapag ginagamit ninyo ang mga pangalan ng Diyos at ni Cristo nang may pagpipitagan, hindi kailanman sa walang kabuluhan o kaswal na paraan, ipinapakita ninyo na nagpapasalamat kayo sa lahat ng Kanilang nagawa para sa inyo. (Para sa Lakas ng mga Kabataan: Isang Gabay sa Paggawa ng mga Pagpili [2022] 11–12)

Paano sinusunod ang batas ng sakripisyo sa ating panahon?

Ipinaliwanag ni Pangulong Dallin H. Oaks ng Unang Panguluhan:

Ang hindi matantong pagdurusa ni Jesucristo ang nagwakas sa pagsasakripisyo sa pamamagitan ng pagtigis ng dugo, ngunit hindi nito winakasan ang kahalagahan ng pagsasakripisyo sa plano ng ebanghelyo. Patuloy na hinihiling sa atin ng ating Tagapagligtas na mag-alay ng hain, ngunit ang hain na iniuutos Niya ngayon ay na “[mag-alay] bilang pinaka-hain sa Kanya ng isang bagbag na puso at nagsisising espiritu” (3 Nephi 9:20). Inuutos din Niya sa bawat isa sa atin na mahalin at paglingkuran ang isa’t isa—ibig sabihin, mag-alay ng isang maliit na pagtutulad sa Kanyang pagsasakripisyo sa pamamagitan ng pagsasakripisyo ng ating sariling oras at mga makasariling priyoridad. … Tunay nga na ang ating paglilingkod at sakripisyo ang pinaka-akmang pahayag ng ating pangakong maglingkod sa Panginoon at sa ating kapwa. (“Sakripisyo,” Liahona, Mayo 2012, 19–20)

Ano ang ibig sabihin ng mag-alay ng isang bagbag na puso at nagsisising espiritu?

Itinuro ni Elder D. Todd Christofferson ng Korum ng Labindalawang Apostol:

11:21

Noong unang panahon kapag gustong sumamba ng mga tao at humingi ng biyaya sa Panginoon, kadalasa’y nagdadala sila ng handog. Halimbawa, kapag pupunta sila sa templo, nagdadala sila ng hain sa altar. Makaraang Magbayad-sala at Mabuhay na Mag-uli, sinabi ng Tagapagligtas na hindi na Siya tatanggap pa ng mga haing hayop na susunugin. Ang handog o haing tatanggapin Niya ngayon ay “bagbag na puso at nagsisising espiritu” (3 Nephi 9:20). Sa paghahangad ninyong makapagbalik-loob, maihahandog ninyo sa Panginoon ang inyong bagbag o nagsisising puso at ang inyong nagsisisi o masunuring espiritu. Ang totoo, paghahandog ito ng inyong sarili—kung ano kayo ngayon at kung ano ang inyong kahihinatnan. (“Kapag Ikaw ay Nagbalik-loob,” Liahona, Mayo 2004, 12)

Mga Karagdagang Aktibidad sa Pag-aaral

Mga sakripisyo para matanggap ang mga walang-hanggang pagpapalang ipinangako sa templo

Maaaring gamitin ang video na “Temples Are A Beacon” (2:50) upang bigyang-inspirasyon ang mga estudyante na magsakripisyo para makadalo sa templo. Sa video, ibinahagi ni Pangulong Thomas S. Monson (1927–2018) ang kuwento ng pamilya Mou Tham na gumawa ng malalaking sakripisyo para makadalo sa templo. Pagkatapos ng video, maaari ninyong talakayin ang mga sakripisyong magagawa natin para sambahin ang Diyos sa Kanyang bahay.

2:50

Isang pagkakaloob ng kapangyarihan

Maaari mong tulungan ang mga estudyante na maunawaan kung paano tayo pinagpapala ng kapangyarihan ng Diyos sa pamamagitan ng endowment sa templo. Maaaring basahin ang Doktrina at mga Tipan 38:32, 38; 43:16. Maaari ding basahin ng mga estudyante ang pahayag tungkol sa endowment sa Karagdagang Resources. Talakayin ang mga paraan kung paano makatutulong sa atin ang pamumuhay sa mga batas ng pagsunod at sakripisyo na mapagkalooban ng kapangyarihan ng Diyos. Bilang bahagi ng talakayan, tulungan ang mga estudyante na maunawaan na ang mga pagsisikap natin na ipamuhay ang mga batas ng pagsunod at sakripisyo ay tumutulong sa atin na maging higit na katulad ni Jesucristo.

Paghahanda sa pakikipagtipan sa Diyos sa templo

Ibinahagi ni Pangulong Jean B. Bingham, dating Relief Society General President, ang kanyang karanasan sa paghahandang makipagtipan sa Diyos sa templo. Maaari mong ipanood ang video na: “Ang mga Tipan sa Diyos ay Nagpapalakas, Nagpoprotekta, at Naghahanda sa Atin para sa Walang-Hanggang Kaluwalhatian” (11:59) mula sa time code na 1:42 hanggang 2:50.

11:59

Pagkatapos ng video, maaari mong talakayin kung paano tayo maihahanda ng pag-unawa sa mga tipan na gagawin natin sa Diyos sa templo para sa sagradong pangyayaring iyon.